خواتي حبيت اسأل عن الطيران القطري؟؟؟؟؟؟؟؟؟؟

[الكشخه]

السلام عليكم...

شلونكم بنات شخباركم..

تدرون العطله قربت ونبي نقب بسرعه انا وابو الشباب واول مره نحجز عالقطريه علما بان الرحله 7 ساعات فما اادري منو مجربته؟؟:eh_s(9):

 

[شهدQ]

بكون اول وحده اجاوب ههههههههههه

سمعي الطيران القطري حلو يعني مو بعيد عن الكويتية بس تخيلي من غير تلفزيون

بس اذا كانت الرحله على الطيارات الجديده رووووعه لان رجعتي كانت ع الطيارات الجديده وابهرتني الطياره تلفزيون وافلام متنوعه تعدين الفيلم وتوقفينه بكيفج والكراسي مريحه

عاد سألي انتي اذا طيارتكم جديده ولا من القدم

بكلا الحالتين روحي

 

[سعادتي برضى ربي]

انا جربت الطيران القطري

كانت الكراسي مريحه والخدمه حلوه ,,وكلهم بعد زين ,,وفي تلفزيون وكل الافلام والحركات

يعني ماشفت منهم اي تقصير

وكانت رحلتي نفسج 7 ساعات

 

[مزعلة النسا]

انا جربتهم وحلفت ما اركبها مره ثانيه كانت الرحله 7 ساعات من التعب والكراسي الي تكسر الظهر جنه الرحله20 ساعه وتلفزيون واحد وخدمه زفت وطياره قديمه انصحج بالاماراتيه ولا اروع منها بذات للرحلات الطويله

 

[جنتي^و^ناري]

انا جربت الإماراتية وعمي مجرب القطرية

انا اقول الإماراتية تهبل صج كراسي الدرجة السياحية موكبيرة حالها حال باجي الطيران بس الخدمة والإكل ممتــــــــــــــــاز

اما القطرية فعمي مامدحها كلش

 

[BaiTotia]

وايد زينة القطرية

طبعا الكويتية ولا شي بالنسبة للقطرية

و حتى مقارنة مع الإماراتية

أشوف القطرية أحسن

وجربتها برحلة طويلة حوالي 7 ساعات ماشاالله مرييييييييييحة

 

[كندية]

لالالالالالالالالالالالالالالالالالالالالالالالالالا ابوي طار عليها كرة عمره حتى ضيعوا جنطه ...حتى معاملتهم اي شيء....
احنا لما رحنا دبي طرنا على السيرانيه ...والله طلعت خوش شيء ..الالكل اشحلاته والتفزون حتى عندهم اتاري هههههههههههههه احنا كل وحده شكبرها ماسكه لعبه وتلعب....
والبريطانيه بعد شحلاتها انا مااطير اللى عليها...

 

[bambena]

انا جربتها كانت ممتازه اتينن والطيارات يديده ولما قعدنا ترانزيت عطونا توصيل وفندق مجاني

 

[رمانه كويتيه]

الحين انتو ماتقولولى كل وحده تقول رحلتناتقريبا 7 ساعات انتو وين رايحين؟

 

[شهدQ]

رحلتي كانت لماليزيا 7 ساعات

 

[bambena]

ماليزيا

 

[**سهام**]

انا رحت على القطرية
كلش ما حبيتها
طياراتهم تضيق الخلق خاصة انهاتقديم الخمور فيها اشكرة
بس انا لاحظت انه مو كل طياراتهم نفس المستوىيمكن حسب الحجم يعني اذا كانت لمسافات بعيدة تلقين فيها كماليات اكثر وخدمة افضل لكن اذا كانت لمسافات قصيرة بين دول الخليج مثلا تلقينها تمشية حال اي كلام
وعموما انا افضل الاماراتية

 

[ظلال القرآن]

انا جربتهم وحلفت ما اركبها مره ثانيه كانت الرحله 7 ساعات من التعب والكراسي الي تكسر الظهر جنه الرحله20 ساعه وتلفزيون واحد وخدمه زفت وطياره قديمه انصحج بالاماراتيه ولا اروع منها بذات للرحلات الطويله

me toooooo

كرهوني بالترانزيت السنه قلت حق ابونا لو بلاش ما راح اروح على القطريه دفعنا زود 300 وحجزنا الكويتيه

 

[fajoora75]

ويه ضيقتوا خلقي انا حاجزه فيها رايحه ماليزيا بس ماتعرفون عن انواعهم انا رايحه عل الايرباص A300
وa320

 

[هياوووووووي]

هلا اختي احنا سفراتنا دوووم على القطرية
بالعكس الطيارة ماعليها اي كلام وخدمتهم ممتازة
والسنة بعد حاجزين عليها وسفرتنا تقريبا 5ساعات ونص
وخدمتهم بعد ممتازة واحنا في سفراتنا دووم يكون حظنا على الطيارة الكبيرة
بس تأكدي منهم رحلتكم على اي طيارة
ورحلة موفقة

 

[MISS^^CHANEL]

انا جربتها رحت عليها قطر بس ع الصغيره

وايد حلوة ومريحه وايد