خواتي بسألكم من جربت الميرامية وتنشط تبويضها

[رايقة1980]

خواتي بسألكم من جربت الميرامية وتنشط تبويضها


انا فيني ضعف شديد وصراحة مليت من الابر


ودي اجرب اشربها بس حبيت اسمع رايكم:klhfl:

 

[سراج الليل]

والله مادري بس ماحبيت اطلع ومارد عليج

ان شاااااااااااالله البنات يفيدونج

والله يرزقج بالحمل الثابت اللهم امين

 

[غزلان كويت]

حبيبتي انا داومة عليها فتره ونفعه معاي قوة المبيض عندي وحسيت بفرق بال..... وحتى وقت التبويض ماكنت احس بالم او نزول مخاط معاها لاحظة كل هل تغييرات وليمن الحين مستمره

 

[رايقة1980]

مشكورين بنات وياليت اللي تعرف بعد تفيدني

قريت عنها شكثر بس صراحة للحين ماسمعت عن وحده جربتها

كل ماسويت بحث بقوقل كل المواضيع تكون منقولة محد كاتب تجربته الشخصية













..

 

[نكهةالبرتقال]

بصراحة هذا الشي ما جربته ، لكنها طبيعية و إذا ما فادت ما تضر ان شا الله

بس لا تكثرين.

كثري عسل طبيعي و غذاء ملكات ، صديقتي كان عندها ضعف عقب حبوب المنع

بس انتظمن على العسل و حملت بوقت قياسي

و عليك بالرقية الشرعية

ربي يرزقك يرزق كل محروم

 

[q8ya-barby19]

حبيبتي انا سامعه انها موزينه بس اذا تبين نصيحتي وتبين شي مفعوله قوي عليج بعسل معجزة الشفاء بالجمعيه ب4 ونص يهبل ونتيجته حلوه انا وزوجي ناكله وفينا ضعف وان شاء الله يرزقنا كلنا

 

[كويتيه مذهله 87]

أنا سمعت انها تضعف المباايض والله اعلم

 

[المن والسلوى]

انشالله البنات يفيدونج

 

[cute_batoota]

انا جربتها حسيتها زينه ونظمتلي الدورة بس هم خرعوني وقالولي انها ممكن تضعف المبايض فا خفت ووقفتها ولا حسب تجربتي انفعت معاي واايد

 

[m.a.m154]

المرمريه وايد زينه من تجربتي التزمت فيها شهر وحسيت بفتره التبويض وسويت سونار وكان حجم البويضه تمام عاد سمعت من النت انه العكس تضعف المبايض قمت خفت وقفتها عقب تاذيت من المنشطات توكلت على الله ورديت عليها والله والله بنفس الشهر حملت بدون منشطات وخرابيط بس على المرمريه والشاي الاخضر والمرقدوش والحين رديت عليها عسا الله يرزقني بالحمل ويثبته وما يعدي هالشهر الا انا وانتي حمل

 

[m.a.m154]

اااااااااه نسيت اشربيها من خامس يوم الدوره لين فتره التبوض ووقفيها وانصحج بالاناناس بعد وووووووووووايد زين بس هم وقفيه بعد فتر التبويض لين الدوره القادمه

 

[رايقة1980]

بعد قلبي بنات والله ماقصرتوا


اليوم اخر يوم الدورة وباشربها

..

واتوكل الله ..

 

[++The DuchesS++]

الميراميه رهيييييييبه اهي والمرقدوش
مرت حماي كان فيها ضعف بسيط
قامت من عقب الدوره تشرب كل يوم قلاصين
وتمت شهرين وبالشهر اللي حملت فيه سوت سونار
تبويضها ممتاز الحمدلله وبنفس الشهر حملت
كانت تخلط مرقدوش اعتقد اسمه مع الميراميه وتشربهم يميع