خواتي بسألكم عن حبوب...بليز

[صاحبة المعالي]

مشاركة: خواتي بسألكم عن حبوب...بليز

الحلا كله ...
انتي نفس حالتي
ودي فيهم ومتخوفه منهم

 

[كويتية أمورة]

مشاركة: خواتي بسألكم عن حبوب...بليز

كويتيه اموره ..

انتي مو خوفتيني الا صرقعتيني والله
توني ادري عن سالفة الكروم انه يسبب السرطان
اسم الله علينا وعلى الجميع

انا ادري ان الريداكتيل فيه اثار تعفس الواحد
واهوه بعد الصيدلاني قال لي انه يخليج متنرفزه وقلبج يدق حيل
بس شلون د.طالب يوصفهم حق البنات اللي عنده ؟

خالتي كانت تروح له ويعطيها ريداكتيل !!!!

بس عقب كلامج هونت ..

حبيبتي انا لاحظت ان طالب ريجيمه يعتمد على الحبوب ويحطلج خرابيط بالاكل كاكاو ومادري شنو
عشان جذي هونت كنت بروحله
بس الحين بروح حق ربيع لانه ربيع ريجيماته مافيها خرابيط كلها اشياء تغذي ويضعفج بدون حبوب

والرديكتيل يابنات حطوا بااااااااااالكم العمر مش بعزئه
ترى مانعينه بامريكا لانه سبب وفاة
اصلا اذكر مقابلة طالب الشمري بالوطن دق عليه دكتور قاله انت شلون تصرف حق المرضى عندك ريدكتيل وهو معروف انه موزين وممنوع بكذا دوله وفيه اعراض جانبيه!!
قاله طالب والله انا ماصرفت لهم شي الا بترخيص وزارة الصحة
مووزارة الصحة خواره

 

[الحــــــلا كله]

مشاركة: خواتي بسألكم عن حبوب...بليز

صاجه اموره
بس رفيجت امي تستخدمهم وماشيه عليهم يعني حيل ناسبتها

 

[صاحبة المعالي]

مشاركة: خواتي بسألكم عن حبوب...بليز

بعد عمري اموره انشلع قلبج وانتي تحذرينا
حبيبتي ...
صاجه على ريجيم دكتور طالب كله حبوب
وانا كنت آخذ ازيلاكس لما كنت عنده
خلاص بشوف دكتور ربيع واسوي ريجيم معاج

 

[دهن عود مبخر]

مشاركة: خواتي بسألكم عن حبوب...بليز

مشكوره بسكوته على الرد......... وصج ماتسوى علي النفسيه والنرفزه....... بس لما تشوفين اللي حواليك اجسام تبارك الله.. وانتي بالعرض ماشيه؟؟ ماتحترين؟؟ تشوفينهم يلبسون ويكشخون وانتي مالك الا العبايه تستر التضاريس والجبال.. وبعدين قمت اتعب من الرجيمات ومليتها... وانشالله ماكو الا العافيه
وبالنسبه لصناعتها تراهي مصنوعه بالمانيا

 

[حضن امى]

مشاركة: خواتي بسألكم عن حبوب...بليز

اختى عود مبخر فيه رساله خاصه لج اتمنى تشوفينها

 

[coffee]

مشاركة: خواتي بسألكم عن حبوب...بليز

اهلين بسكوته

اذا تبين شي يسد النفس جربي شيتوكال بس يبين بعد مده.. وليلحين ماله آثار جانبيه

 

[الزين كويتي والدلع جهراوي]

مشاركة: خواتي بسألكم عن حبوب...بليز

انا ماضعفني الا الردكتيل

وادمنت عليه كل ما اخلص علبه اشتري وحده

وقطيت 20 كيلو وما اكل نهائيا ومعدتي صغرت حيل لقمه تكفيني واشبع

والله انا سألت اكثر من دكتور يقول حبوب طبيه وماعليهم كلام واهي اصلا تشتغل على المخ وتسد الشهيه بس

كل شي جربته من رجيمات واعشاب ومافادني الا هالحبوب

على فكره اكثر البنات اللي يضعفون ياكلون هالحبوب بس مايعلمون يقولون ريجيم !

والله انا كتبت تجربتي

ولن يصيبنا الا ماكتب الله لنا

 

[xxx]

مشاركة: خواتي بسألكم عن حبوب...بليز

أول مره أسمع عنهم !!!

 

[@@عيوني@@]

مشاركة: خواتي بسألكم عن حبوب...بليز

انا خذيت حبوب كروم من العوضي سنتر ايام ماكنت اراجع عند ميري حتى باعتهم علي دبل السعر ب 10 وهم ب 5 بالصيدليات
يالله ماعليه
وامورة استخدمتهم معاي وضعفنا شوي عليهم لين درينا انهم يسببون سرطان ودكتور زفنا لما درى انه استخدمناهم وهم وحدة بالدوام قالتلي انهم مو زينين مادري منو تعرف دكتور او احد يدرس صيدلة وحذرتني منهم
ووحدة بالنادي بعد حذرتني منهم واشرحتلي طريقتهم بكلام علمي بس مااذكر شقالت حجي وايد
المهم انهم يلعبون بالخلايا ويسوون اورام سرطانيه عاد شالله حادكم

وزينكال ورديكتيل مو زينين يسوون سرطان وبالذات ريدكتيل موزين كلش وفعلا مانعينه بره الكويت بأمريكا واوروبا
واذا على وزاره الصحة اللي مرخصته ترى ماعليهم شرهه ماكو قرارات سنعه وفيه شكثر ادوية خطرة ومرخصة
لانه ماكو رقابه سنعه ويطوفون الادوية حق شركات ربعهم

وشيتوكال هذا دوا مصري وانا مو بايعه عمري عشان استخدمه وهم قريت بحواء ان بالسعودية في دكتور محذر منه وايد بس مااذكر اسم الدكتور بالضبط

وبالنسبة للاخت الزين كويتي والدلع جهراوي فعلا لن يصيبنا الا ماكتب الله لنا
وبعد ربنا قال لاتلقوا بأيديكم الى التهلكة
لما اعرف ان دوا معين يسبب مضاعفات وامراض لا وممكن يسبب الوفاة شالله حادني اضعف واخسر صحتي؟
صج ساعات الانسان يتكيسل وماله خلق يلتزم بريجيم فترة طويله
بس مو معناته ان هذا سبب كافي عشان اذبح روحي وادفع فلوس حق ناس يبيعوني امراض
الله عطانا العقل عشان نفكر فيه ونوزن الامور
بس للاسف الانسان دايما يختار الاختيار الاسهل
وانتي قلتيها الحين قفشة وحدة تشبعج هل هذا اللي يحتاجه الجسم؟؟ قفشة وحدة كافيه حق جسمج؟؟

ومثل ماقالت بسكوته
اختي امورة كله تشتط حق الاوادم من خوفها عليكم ولا جان قالت شعلي منهم اللي يبي ياخذ حبوب واللي مايبي كيفه

 

[ANGELICA]

مشاركة: خواتي بسألكم عن حبوب...بليز

كويتيه اموره شفيج عالبنات خرعتيهم


ام الرديكيل انا ماعندي خبر بس مو كل شي تسمعينه تصدقينه قوليلنا مرجع قريتي منه ويكون معتمد او قوليلنا اكثر من دكتور معروف اعتمد الكلام اللي نقلتيه

بعدين عن اللقاء اللي قريتيه بالجريده عن دكتولر طالب ترة اللي قلتي اتصل اهو الوحيد اللي نقد على اسلوب الدكتور ومارضى يقول اسمه تقولين بايق يوقه وكله انتقاد والله اعلم من نواياه من هالسؤال ؟؟؟!!!!



النجاح له اعداءه

شغله ثانيه واللي انا اعرررررررررفه ومتأكد ه منه انه يجرب على نفسه ويعطي بعض اللي يعانون من اهله من السمنه من نفس اللي يصرفه للناس
وانا اخوي رفيج ولد عمه

وووااايد ضعفوا على ريجيمه وما طلع لهم مشاكل تذكر
مثل الهام الفضاله
مشاري البلام
دكتورتنا بالجامعه

و وووو

شهادة حق.....والله العالم

 

[hada]

مشاركة: خواتي بسألكم عن حبوب...بليز

بنات اللي اعرفه ان الريدكتيل يشتغل على مراكز الشبع بالمخ (خلايا عصبيه )
يعني يخيلج تحسين بالشبع من المخ وصراحة طريقه عمله تخرررررررررع يعني حتى الدول المتقدمه مثل امريكا وغيرها ماعرفوا طريقه عمل مخ الانسان بالتفصيل ولازال لغز بالنسبه لهم فشلون تاكلون حبوب تلعب وتأثر باعصاب المخ ؟؟؟؟؟ بنات ترا بعض الاثار الجانبيه للادوية ماتطلع على طول بعضها يتأخر سنوات ويطلع على شكل سرطان او امراض مناعيه (الذئبه الحمراء وغيرها ) بسم الله علينا وعليكم الله لايقوله

كلنا نبي الزين والرشاقه بنات بس مو نبدل الرشاقه بالصحة ؟ صح ؟ واللي تقول طالب الشمري يوصفها طالب الشمري يترزق الله حاله حال غيرة واخر همه صحتج !!ودام الحبوب موافقه عليها الصحة مو معناها انها 100% سليمه واظن بعض البنات كتبوا تجربتهم مع الريدكتيل وشلون لعب بنفسيتهم واعصابهم وجابله كوابيس وهذا يؤكد كلامي انه يأثر بشكل غير طبيعي على اعصاب المخ واحتمال كبير انحتا الشركه المصنعه ماتعرف شنو تأثيرة بالضبط وشلون يشتغل على مراكز الشبع بس يعرفون انه يشتغل وخلاص ويحسس بالشبع وينزل الوزن وهذا المهم عندهم التسويق وبسسس وكلنا نذكر فضايح شركات الادويه الامريكية واخرها دواء فيوكس viox اعتقد جذي اسمه اللي تسبب بوفيات كبيرة لمستخدميه وتم سحبه من الاسواق بس بعد شنو ؟؟!!!

انا الزينيكال واااااااااااااايد احسن من الريدكتيل لانه يمنع امتصاص الدهون من الاكل في المعدة وماله شغل بالمخ والاعصاب
bottom line
الصحة حلوة ولو انج متينه

 

[كويتية أمورة]

مشاركة: خواتي بسألكم عن حبوب...بليز

بسكوته
صاجة انشلع قلبي وانا انصح لان اللي ماارضاه لنفسي ماارضاه لكم
ولو الادوية زينه جان انا قبلكم استعملها



واثقة بنفسي
محد قاضبج حبيبتي اذا بتستخدمين أي حبوب بالدنيا
مثل ما انا محد يقدر يسكتني لاييت احذر البنات
وكل واحد حر باختياره
اما مسألة ليش اخرع البنات مااعتقد انا خرعتهم انا قاعدة انبههم
ليش يخترعون شايفين بعبع؟؟ بعد دوا يسبب سرطان وامراض ويذبح شتبيني اقولهم؟ ترى الدوا يدلدغ؟ ولا شقول بالضبط؟
وبالنسبة للدراسات والابحاث اللي تبيني اثبتلج فيها صحة كلامي والله ماعندي ايهم للاسف
انا لما قريتهم مافكرت اشقهم من المجلات واخشهم لاني ماهقيت احد باييني يقولي حطيلنا الدراسات والابحاث اللي تثبت ولا يبيلنا دكاترة معروفين يقولون نفس كلامج !! انا اللي علي اسويه وكل واحد عنده عقل ويعرف اللي ينفعه من اللي يضره
والله حاله!!



haydi
كفيتي ووفيتي
وكلن عقله براسه ويعرف خلاصه



@@عيوني@@
على قولتج شكلي اخر شي بقول

شعلي منهم اللي يبي ياخذ حبوب كيفه واللي مايبي كيفه

 

[لوميه]

مشاركة: خواتي بسألكم عن حبوب...بليز

بنات سمعتووو عن سلم منت slim mint حبوب مص مثل اللي حق البلعوم ... بس تسد الشهيه ... وفي حبوب ثانية اسمها سوبر تيرم بعد تسد الشهية ........


واللي جربت شيتوكال تقولنا عن تجربتها ؟؟؟؟؟

 

[صاحبة المعالي]

مشاركة: خواتي بسألكم عن حبوب...بليز

coffe
شيكوتال اللي مرددني انه مصري
هذا اولا ...
ثانيا رفيجة خالتي تاكله
بس تقول حاله حال جاي الاعشاب
وانا ينوني السوالف اللي تخليني اروح الحمام

 

[صاحبة المعالي]

مشاركة: خواتي بسألكم عن حبوب...بليز

الزين كويتي والدلع جهراوي ...

والله كلامج يونس ... وصاجه لي شفت غيري ضعفان
في وقت قصير استغرب ... وبالعاده مايقولون الا ريجيم
مع ان اقص ايدي اذا كانوا مسوين ريجيم
1000% حبوب .. و أولهم مرت عمي

 

[صاحبة المعالي]

مشاركة: خواتي بسألكم عن حبوب...بليز

بنت الكويت ..


احسن لج انج ماسمعتي عنهم

 

[صاحبة المعالي]

مشاركة: خواتي بسألكم عن حبوب...بليز

@@ عيوني@@

الله يعطيج العافيه كفيتي و وفيتي

 

[صاحبة المعالي]

مشاركة: خواتي بسألكم عن حبوب...بليز

واثقه من نفسي ...

والله من كثرهم مايندرى من الصاج من الجاذب
بس هم ماتسوى على صحتي

 

[الحــــــلا كله]

مشاركة: خواتي بسألكم عن حبوب...بليز

انا بصراحه مقتنعه بكلام اموره
لان وايد استخدموها وحسو باكتئاب