خواتي الحبيبات أرجوكم أسمعوا النصيحه لا تسوون الحلقه لحد يجذب عليكم

[برونريه راقيه]

شوفو شنو صار فيني مع الحلقه والدكاتره الماديين الي ما يخافون الله
وحسبي الله ونعم الوكيل

السلام عليكم ​

شلونكم خواتي وشخباركم

شلونج كويتيه 78حبيبتي ولهت عليج والله

أنا اليوم أبي أنصحكم نصيحه لوجه الله وخوف عليكم والله انا خواتي الحمد الله ما كان يوم ينقال عني متينه ولا دبه وكنت أعاني من عوار في معدتي وبين فتره وفتره أروح للخاص أخذ مسكن وساعات أدرب وأطلع

وفي يوم أغبر رحت للمستشفى الخاص وكنت تعبانه من معدتي وقال لي الطبيب لازم تسوين تحاليل وسونار عشان نعرف ليش هذا العوار
ولما سويت سونار وتحاليل طلع فيني حصوه وقالو لازم نشيلها

قلت أشيلها عشان أرتاح من الألم الي ييني في معدتي

وكان وزني 82 في ميزانهم ( قصدي ميزان المستشفى )ووزني في البيت 75 كيلو وكان شكلي حلو ومرتب ولله

لكن وحسبي الله ونعم الوكيل أشتغلوا علي الدكاتره المادين الي ما يخافون الله والله

وأقنعوني ليش ما تسوين الحلقه وانتي حلوه وراح تصيرين أحلى:denya:

وبليس حسبي الله عليه
والحنه منهم وأن العمليه بسيطه ونفس فتحات ومكان شيلة الحصوه
وانا أمراءه وارغب في اني اوصل للأحلى والأجمل



وسويتها الحلقه مع الحصوه
والله لايواريكم الالم الي كل يوم اشوفه ولا ودي العدو يشوفها
وتره أغلب الي مسوين الحلقه أذا مو كلهم يشوفونه بس يكابرون من ترجيع والله يشهد انه حتى وجهي تغير وصار أزرق وعيوني غايره وضيم حالي :eh_s(1):

والله كل من شافني قالي شفيج تعبانه وللعلم لم اضعف وايد بس 6 كيلو في 8 أشهر

وخل أقولكم مضارها والله كلها سلبيات ولا فيها ولا أيجابيه وحده
ولحد يقص عليكم والي أضعفوا كله ترجيع لا يقصون عليكم
مضارها
1-شعور الجوع موجود واذا اكلتي رجعتي واذا رجعتي خطر على معدتج وألتصاقات ولويه :0bee2e8d89:
2-يقولون العمليه يبيلها رجيم وأنا هذا الي أبي أفهمه أذا البنات المتان يقدرون يسووون رجيم ويضعفون ليش يسون عملية الحلقه
3- ألم وضيق في القلب من كثر الترجيع والله جنه الهو ما يمشي في جسمك وجنه أحد صانطج
4-أحراج في العزايم ولو تهورتي وأشتهيتي تذوقين شي وما نزل الترجيع أجباري جدام الناس ( وايد حلو صح )
5- كون شعور الجوع موجود وألي ينزل الحلو والسؤال ينزل وما تقصين فالموكا والحلويات والكاكاو حياتي فما في ضعف

وحسبي الله على هذي الأشكال من الدكاتره المادين والله لا يوفقهم
وأنصحكم خواتي ألي تفكرون تسون الحلقه لا تسونها سوو شيء ثاني والله يوفقكم ويبعد عنكم الحلقه ومشاكلها

 

[بنفســـــج]

وزنج ماكان يستاهل عملية لا حلقة ولا شي الله يهديج

بس صج واضح انهم ماديين , يعني شنو هم يقولون لج عن الحلقة ويقنعونج فيها

لكن حبيبتي لا تنكرين إنّج غلطانه , كنتي لازم ما تستعجلين بسالفة الحلقة خاصة مع وزنج إلي محتاج بس شوية دايت ورياضة وكلش كلش بالون لو تبين شي اسرع


لكن قدّر الله وماشاء فعل , حاولي تتأقلمين مع وضعج الحالي وراجعي دكتور ثاني متخصص اكثر بجراحات السمنة استشيريه بالأعراض إلي فيج يمكن يكون لها حل

ماتشوفين شر يارب

بس سؤال لقافة ؟! هذه اي مستشفى ؟!

 

[برونريه راقيه]

قلبي بنفسج مشكوره على الرد:hjy5jewf:
وأنا أعترف أني غلطانه بس صدقيني بين السونار والأشعه والعمليه يوم واحد حتى ما خلوني أفكر :krkrkr:
وأنا تعبانه كنت من الحصوه وحتى والله ما قالو لي أعراضها ولا يابو طاري الغصه و الترجيع وهذي اللويه ألي أنا فيها
وقدر الله وما شاء فعل​

الحمدالله على كل حال

عشان جذيه نصيحه وللكل لا تسونها وخصوصا ألي متان أكثر مني حدها لويه ولوعه بعيد عنكم:bbbiu:

 

[مها77]

الحمدالله على سلامتج حبيبتي

بصراحه ما تنلامين شي يقهر كنتي بصحتج ومافيج شي واللحين صرتي انسانه مبتليه

الله ياجرج حبيبتي وفعلا الحلقه ضيم انا شفت رفجتي بحرينيه لما تزورنا او نزورها بالكويت او البحرين تدرين وين ممكن نطلع غير المطاعم والكافيهات مسجينه مايسوى عليها تاكل لقمه ناشفه شوي الا ركض تدور الحمام وانتوا بكرامه ترجع

وضع متعب جدا انا اختي كانت تحن على الحلقه وانا كنت معارضه ولما شفت رفجتي صممت اكثر انها ما تسويها وقلت لها شوفيها ما يسوى عليها العذاب هذا

ربي يهون عليج وياجرج يا قلبي

 

[برونريه راقيه]

مشكوره ياااااا قلبي والله ثم والله ودي أطلع في كل مكان وأقول للبنات لحد يقص عليكم والله ضيم

والله أنا أبي كل وحده تنصح ألي ناوين يسووون ويقولولهم
لااااااااااااااااااااااااااااااااا تسون

لوعه ومرض وضيم ودايم أتحسب على من خدعني وقال بسيطه وسهله

:eh_s(2)::eh_s(2)::lkmnkl::lkmnkl::eh_s(2)::eh_s(2):

 

[DooLy88]

ماعليج شر حبيبتي

 

[@حنين 2008@]

زعلتيني عليج:0bee2e8d89:
ليش سويتي بنفسج جذيه حبيبتي والله الصحه والعافية نعمة

 

[برونريه راقيه]

مشكووورين على دعواتكم

والله ثم والله أني كل يوم أقعد وأفكر شنو سويت بروحي :0bee2e8d89:
وأفكر بشيلتها بس ما أدري وين أروح مااااااااا أبيهم
الله يكون بعوني ولحد يسويها :yaaaaaarb:
وحسبي الله ونعم الوكيل

 

[ام عبادي 22]

كلامج صح الحلقه فاشله لازم ريجيم وانا بعد مفكره اشيل حلقتي لاني قاعده اخفف فوجودها وعدم وجودها واحد
بس تصدقين خايفه ادش غرفة العمليات مره ثانيه

 

[:: Diva ::]

يارب يهون عليكم و يصبركم خواتي

 

[الكرزي]

اول شي الحمدالله على سلامتج وإن شاء الله اتطيبين وربي يعطيج الصحة والعافية وهذولا وين اروحون من الله الاوادم صارو لعبة بيدهم شوي يقصون وشوي يشفطون ويحقنون.....بس الصراحة العيب فينا إحنا اندور الكمال ابكل شي بس للاسف بطريقة سريعة وخاطئة مانفكر بنعمة ربنا الصحة والعافية صدقوني والله الصحة نعمة مايحس فيها إلا اللي فاقدها يارب يحفظكم كلكم آآآآآآآمين

انا اللي باط جبدي إذا عقب العملية لازم اتسوين رجيم عيل إشماله العملية !!!!!ليش ماعطوج رجيم وتمشين عليه ! وجسمج ماكان محتاج عملية بالاساس كان يبيلج مشي ورجيم عادي والله لو رايحة عند طالب الشمري جان ضعفتي لا وصحتج بومب!

صج نصب واحتيال الطب صار بدون ضمير وعلى قولتج انتي بعد ماعطوج لا فكرة عن العملية ولا الاعراض عقب العملية ...بس عطوج النتيجة جسم وشكل حلو ! ماقول إلا حسبي الله ونعم الوكيل فيهم

الله اشافيج حبيبتي ولاتخلين روحي عالجي وان شاء الله مالج إلا العافية

 

[soso1234]

روحي شيليها وافتكي ليش عايشة بالعذاب

ويمكن الحلقة ماتصلح لج

كاهي اختي مسويتها ومافيها شي

ماتشوفين شر

 

[الزين77]

عملية التحزيم فاشله والحين ما يسوونها بالمستشفيات الحكومية

 

[q8_84]

الله يعينج حبيبتي شيليها وبسرعه شمقعدج ليلحين

والله ان المستشفيات الخاصه آفه كل همهم شلون ياكلون فلوسج تدخلين بعوار بطن وتطلعين بمية عمليه

انا نادر ما اروح للمستشفيات الى لشديد القوي واروح للحكومي على الاقل الحكومي مايطلع فيج امراض الدنيه عشان يكل فلوسج بالعكس يحدد مرضج ويعالجه

 

[دنيتى زوجي M]

سلامتج حبيبتي وماتشوفين شر

روحي شيليها احسن لج

وبعدين كان وزنج وايد زين مفروض ماتسوينها

 

[برونريه راقيه]

يااااااااااااااااااا رب يسعدكم ياااااااااااارب ولا تشوفون ألي شفته والله

أبي تحذرون ألي ناوين يسون هذي العمليه (الحلقه) لا تسويها خل تسوي شي ثاني تكميم مادري سيلف أي شي :bbbiu:

والي قالت أنه العمليه ماشيه مع أختها صدقيني أكيد أختها ما تشتكي وصابره ومتحمله :eh_s(1):
لأني والله ما أكل ولا شي نتفه نتفه وهم أغص وتكرمون على طوووووووووول الحمام :ssssso:
وعايشه على الحلويات والكاكاو والموكا والعصاير وهذا ممنوع بس شسوي

أخر مره زرت الطبيب أقوله شعور الجوع موجود ولما أكل أرجع شنو أسوي :eh_s(2):
تدرون شنو قال أنه راح يكتب لي حبوب سد شهيه ( حلوه صح ) ليش حلقه عيل:lkmnkl:
وحسبي الله ونعم الوكيل على هذي الأشكال من الدكاتره وما في قانون يحمينا منهم

 

[afesa]

الله يعينك ويهون عليك وعموما اللي صار صار والحين حاولي تشيلين الحلقه ...ودي اعرف اي مستشفى ؟؟اكيد بو طقه ؟؟وما تشوفين شر

 

[عاشقة الكاكاو]

حبيبتي اول شي ماتشوفين شر وسلامتج

ثاني شي انا مسويه الحلقه من سنتين

الحمدالله ما عانيت الا اول جم يوم بعدين ماشفت منها شي

ضعفت منها وما عانيت ولا الم ولا اختناق الا لما اكل وايد وطبيعي كل انسان ياكل وايد يختنق

وبعدين الترجيع مو بكل وقت

الحلقه عملية مساعده مو سحر

والله الحمدالله ما احس بألم ولا شي من اللي ذكرتيه

بس يمكن هي ما مشت معاج

الله يشفيج ويوفقج يارب

 

[Maryomah_q8]

ماتشوفين شر وسلامتج إن شاء الله

 

[سندريــــلا]

ماتشوفين شر حبيبتي
والله يعينج

خلاص روحي شيليها لاتنطرين اكثر من جذي
بس في ناس سوها عادي امورهم طبيعيه يمكن في جسم يتحمل وجسم لاء