خواتي البدويات ولا هانوا الحضريات : سؤال / المعرس شنو دورهـ في التجهيز ؟

[الـــغـــلآ]

حبيبتي يآمآ بنآت ملكآت جمآل و مآ قعدوا عند ازواجهم و ياما عاديات و اقل بس مع الاسلوب والقلب الطيب و النظيف كل شي صار تماااام ترا الزواااج قسمهـ و نصيب

وانتي ادعي ان الله يجملج بعينه و يجمله بعينج و يشغل كل من اراد فيج سوء بنفسه

والله يوفقج ي قلبي

 

[هاناا]

العروس عليها تجهيزها

و المعرس عليه العرس و الشقة و تجهيزة

 

[مناير البيت]

بنات


يعني يهون عليه لو اني ما عجبته

يطلقني؟

مدري .. والله اني مهمووووووووووووووووووووومة

شكلي عادي جدا جدا جدا


وفي شغلات يمكن مااعجبه

خاصة اللي ما يشوفون العروس الا بالعرس

شايله هم ما يعلمه الا الله

لاتشيلين هم توكلي على ربج وهو حسبج ,,

جهزي نفسج باحسن مايكون وترى الجمال شئ نسبي

يمكن انتي تشوفين نفسج اقل من عادية بس ناس غيرج يشوفونج حلوة :bbbiu:

والله يسعدج ويحليج بعينة ويسخره لج ويسخرج له :yaaaaaarb:

 

[يعطرني اسمه]

طبعا مثل ما قالوا البنات قبلي انتي عليج تجهزين نفسج وبس من فلوسه خخخخ واهوا مسكين كل شي على راسه من الالف الى الياء عاد اهوا وامكانياته وذووقه وطبايعهم الخ الخ
وبخصووص الطقم حلو تذكرينه بشي من تجهيزج مافيها شي بالعكس .. ترى الهديه مفتاح للمحبه سبحان الله .. يعني انا وريلي مالجين بيصيرلنا سنه يا كثر ماتهادينا الحمدلله .. بس فوق هذا انا بتجهيزي خذيت له عطور وطقم ارواب وبجامه مافيها شي ترى وانتي وذوقج وامكانيتج ..

الحين نوصل لنقطة الشكل.. حبيبتي لا ان شااء الله مايهون عليه ,,وشيلي هالافكار السوده من راااسج للحين مادشيتي دنيا تفكرين بالطلاق..
حبي خلي تفكيرج ايجابي .. عشان تتسهل الامور.. مابي اقولج الشكل مو كل شي والجمال جمال الروح ومن هالسوالف اللي حافظينها..
بس حطي ببالج لو اهوا نوعه يدور الجمال او يدور مواصفات خاصه جان قال حق اهله وشرط عليهم.. وهم ماتدرين يمكن هذا اللي صار وانتي كنتي مطلوبه ومنشووده وربي هداهم لج وصار النصيب. وحبيبتي الجمال شي نسبي سبحان الله مثل ماقالت مناير يعني انا رفيجاتي سموني الجميله والله بدون مبالغه .. تدرين ان اهلي واللي حواليني انا عاديه بالنسبه لهم يقولون جذابه اي بس جميله لا .. يعني شيلي شالفة الجمال ..من بالج الاهم القبوووول والراحه وغير هذا . انتي اكيد بنت اصل وناس اجاويد عشان جذي هما اختاروج لولدهم .. وعلى فكره لو بشرح لج ماخلص بس خلي ثقتج من نفسج عاليه جدام نفسج اولا وجدامه وجدام الكل .. ترى مو كل اللي يتزوجون حلوين ولا كلهم بيرفكت ومو كل اللي ماصار لهم نصيب شينين ومعيوبين هذا نصيب و ربي سبحانه يكتب لك انسان نصيبه ويهدي السر بين المتزوجين سبحان الله .. ومووفقه وسامحيني على الهذره الزايده .. ​

 

[الأماكن]

...~


الصالة ... و البوفيه .. و الطقاقة و كل شي عليه

الشقة من إلى عليه

و انا بمهري أجهز شغلي من ملابس و عطورات و صوالين و كل شي ... و أجي باااااردة مبردة


طبعا ما انسى حبيب قلبي ... أشتري له من مهري مجموعة عطورات أو مجموعة استحمام ... مو عيب لو ذكرتيه بشغلة ... بالعكس

يستانس انج ذكرتيه ... انا ثاني يوم عطيته عطر ... و طاااار من الفرحة فديته

قلم ماركة ... روب حمام ... ساعة ... بوك ...


....~

 

[Q 8 Y A t]

ريحتوووووني

الله يرح بالكم دنيا واخره

وقعدت ابجي من كلامكم

تسلمون والله يا بنات

الله يجزاكم كل خير