خواتي اشلون ادبر عمري

[طيبه قلبي]

خواتي انا باخر السادس ان شاء الله
وامي متوفيه وخواتي مومتزوجات ولايعرفون شي انا افكر انفس بشقتي بس مااعرف سنو ابدا فيه او ابلش بشنو واشلون ارتب اموري انا ساكنه بشقه غرفتين وصاله شفت ان الصاله انسب شي وشقتي ارضيه
بس شنو تنصحوني اسوي لاني انا انسانه وايد بسيطه وبعد وفاه امي نفسيتي وااااااايد تعبت موفاضيه حق الشغلات اللي اشوفها بالاجنحه في المستشفيات وماعندي احد فياليت احد يساعدني اشلون ارتب اغراضي والشاي والقهوه والاستقبال والنومه وشنو البس لاني ضايعه بهالمواضيع
ولكم الاجر يارب

 

[ميسم]

حطيلج سرير ناعم وكفر بالصاله
طبعا لبس النفاس غير اخذي لج دراريع اقطان سراويل طوال وملافع قطن ولا يدشج هوا
ولبس البيبي بعد ولو تشترين لج كبت من الاسؤاق الشعبيه لج وللبيبي للنفاس بس تلقينه عند زكي سنتر
الاستقبال حطي لج يؤم واطبي حلو وموالح وخدمه اريح لج يجيبؤن معاهم استكانتهم وشغلهم وحطي لج بلونات ع الباب من الشركات يسؤؤن
واخذي لج دويات من وحده وامشي عليهم
والله يولدج بالسلامه

 

[بشـاير]

برايي خلي وحدا من خواتج عندج تقهوي اذا احد جا
ورتبي سفره كامله للاستقبال عشان ماتحتاسين
سالفة سرير بمجلس الاستقبال مااحبها رتبي لج مكان صاد عن الهوا

اللبس اخذيلج بجايم نظام انتي ترتاحين فيهم اهم شي دافين وملفع قطن
واخذيلج روبين استقبال ولو اللي يجونج شوي عادي روب واحد زين

لاتنسين دويات النفاس واربطي بطنج عشان لاتكرشين

تولدين بلسلامه حبيبتي

 

[غرور الزين]

كلميهاا حيييل فادتني بأستقبالي الله يطمن قلبهاا كنت جدا محتاسه في بجري وهي نسقتلي استقبالي بكل شي شوفي يمكن تفيدج 50425646

 

[Emanii]

الله يسهل يارب

 

[tota77]

انا حالي من حالج امي متوفيه وانا البجر بس تنفست ببيت يدي " خالاتي" ويبتلي سستر تساعدني
والحمدلله تسهلت الامور


وحق المستشفى وصيت على ماعونين حلو وموالح وشريت كفر ناعم

طبعا جاي وقهوه من البيت وكنت مزهبه مواعيني

اهم شي خططي شنو بتسوين وكله تساهيل

 

[سلطانة روحه]

الله يسهل عليج

 

[انتيكا]

مدام بشقتج سوي استقبالج بالمستشفى وافتكي وﻻ الناس بتاذيج كل شوي وانتي ماعندج احد اخذيلج كفر بسيط وماعون او اثنين حلو ماله داعي موالح و طقم سكاين ناعم مو شرط غالي وبس اذا ماتبين تكلفين على عمرج او ماتعرفين بس استقبال بسيط عشان تخلصين من الناس وبالنفاس ترتاحين وتاخذين نقاهه مو كل شوي مره داشه ومره طالعه وتنفسي عند خواتج احسن حتى لو مايعرفون عالاقل يسلونج وعندج احد يطل عليج وبيحرصون عليج على اللي يقدرونه و جيبيلج سستر احسنلج خاصه انج بجر وماتعرفين واكل النفاس من الحريم و دويات ام خالد الهاجري وغنوة ستايل كلهم ممتازين ومجربتهم اخذي منهم والله يسهل عليج ان شاء الله

 

[دقات قلب ميته]

الله يرحم الوالده ويغمد روحها الجنه

حبيبتي سرير لج بالصاله وعليه كفر ناعم وسفره عليها الجاي والقهوه ومواعينج زاهبه طبعا

وصحن حلو قهوة ووروق عنب او فطاير

واذا حابه حلو توزيع الي يزورج ويمشي ياخذه عليه اسم البيبي

وطبعا لبسج ناعم قطني مع ملفع قطن وتدفين نفسج عدل وبيكون صيف على ما تولدين بالسلامه

وسلامتج

اكلج طلبي عصيده ومن كذا مطعم مرقوق او قبوط ارخص من الحريم عندي

وعليج بالاعشاب اهي الي تنظف قبل الاكل وتلاقينهم ليبتون بالجمعيات الكمون الحلبه حليب بالزعفران

حليب بزنجبيل والتمر مهم تحطين معاه شويه سمن ورشاد وينسون جنه تخلطينها وتخلينها فوق راسج
اكلي كثر ما تقدرين منها

وادعيلي ربي يسهل علي انا بعد يرزقني الولد الصالح لعلكم اقرب مني الى الله

وخلي وحده من خواتج تساعدج تضيف الحريم

وربي يقومج بالسلامه

 

[دقات قلب ميته]

التمر بسمن ورشاد وحبه حلوه ... للتصحيح

 

[ام عبد العزيز م]

للرفع

 

[86روعـه]

اب

اب

 

[جوري الكويت]

الاستقبال مو شي مهم

المهم سلامتج انتي و البيبي

 

[انوار المحبه]

مثل ما قالو لج البنات ..
الله يسهل عليج حبيبتي