خواتي ادعولي وساعدوني رجعت الاجنة

[عيوووزه كووول]

يارب يثبت جنينج يااارب ويرزقج بالتوائم ويبرد قلبج يارحيم يارب تثبتا وتجعله من الذريه الصالحه اللهم آمين وترزق كل محرومه يارب

 

[أم الطيب]

يااااااااااااااعمري
عسى الله يعوضج ويآجرج حبيبتي
ماعليه
هذا ابتلاء من رب العالمين
وان شاءالله نكون قده ويعوض صبرنا خير حبيبتي

ويرزقنا الذرية الصالحه عاجل غير اجل

 

[WaChoCha]

الحمدلله يا ام الطيب على كل حال ..... مازال املي برب العالمين كبير
حبيبتي عيوزة كول ..الله ما كتب لي الحمل بس ان شاء الله كلامج لي بشارة خير

 

[ركااز81]

الله يرزققكم يا ربي كلكم ويرزقني انشالله


انا صارلي 3 سنين ماحملت راجعت كل شي خاص وحكومه اول شي قالوا لي تكيس بعدين ضعف تبويض واخذت كلوميد وابرتفجير ما كو فايده قالوا لي رفيجاتي سوي تلقيح او طفل انابيب بس بصراحه ماعندي ماديه ودي اسويها بالصباح شلون الطريقه انا تابعه لمستشفى الفروانيه ......​

 

[WaChoCha]

حبيبتي عسى الله يرزقج ويرزقنا معاج الذرية الطيبة الصالحة

في موضوع خاص عن تجمع بنات مركز اطفال الانابيب بالصباح اقريه وان شاء الله ينفعج

 

[WaChoCha]

حبيبتي انتي كش شعر جسمي ، الله يسمع منج ويتقبل دعائج لي يا رب وتفرحينا انتي بخبر حملج انتي وبنات القسم وكل محرووم

يا رب لا تردنا خايبين

 

[وردة-الكويت]

الله يثبت الجنين

ادعي واستغفري حبيبتي

والله يطمن قلبج يارب

 

[faro7a_el7elwa]

ربي يرزقج انشاءالله ويرزق كل محرومه بس متى بسألج متى تقدرين تسويت العمليه مره ثانيه؟

 

[رشروش]

ربى يرزقج من اوسع ابوابه قادر يا كريم لا تضايقين يقلبى كلنا حاسين فيج
انا يا عزيزتى صارلى عمر متزوجه 18 سنه وكل مره عمليتى تفشل بس مو قاطعه الامل ربى رحمته كبيره
ادعيلى يقلبى تنجح عمليتى باقيلى 8 ايام على التحليل انشالله تبشرينا فى موضوعج الثانى بالحمل قادر يا كريم

 

[bintq8]

يالله يارب عسى الله يثبته لج ويكونون توائم وتفرحين بشوفتهم

 

[WaChoCha]

وردة الكويت ...بنت لكويت ..حبيباتي مشكورين على الدعاء بس الحمل ما تم يا سبحان الله له حكمة رب العالمين

ارزقني يا كريم يا ربي يرزقج وياي انتي بعد وتبشرينا بحملج قريب ..انتي وكل خواتنا بالقسم

فروحة الحلوة : عزيزتي لاني اراجع بالحكومة فعطوني فرصة ثانية شهر 12 اللي ياي واللي العملية الاولى اللي سويتها كانت شهر 2...بس باذن واحد احد ايمع لي جم فلس واسويها قبل هالموعد في الخاص ان شاء الله

رشروش: تسلمين يا حبيبتي على الدعوة الطيبة ... انا مو متضايقة بالعكس هاذي حكمة الله والموضوع شلته من بالي علشان ما اتأثر فيه وناطرة متى ربي يأذن لي علشان اجربها مرة ثانية ..... عسى ربي ما يردج خليبة هالمرة ويرزقج بالذرية الطيبة ويعوض صبرج خير وتبشرينا انتي بحملج عاجلا غير اجل يا رب العالمين ونفرح فيج وبكل خواتنا بالقسم