خواتى ارجوووكم شورو على الله يرزقكم الفردوس

[basemah]

السلام عليكم خواتى.....انا صار عندى فشل بكلية واحده بجسمى والان انا عايشه بكليه واحده وكان الدكتور مقررلى عملية استئصال لكليتى الفاشله لكن قدر الله وما شاء فعل وطلعت حامل وتاجلت عمليتى لبعد الولاده وانا الان في بداية الشهر السادس....انا حابه قبل ما اولد او اعمل عمليه كليه اروح للعمره والجا لرب العالمين وخاصه انها هاى فرصه لى .وانا خايفه يصيرلى شى وانا مو رايحه عمره .....لكن الكل يقولولى انى راح اتعب وانه راح يكون السفر فيه مشقه على......وانا والله بنفسى ازور بيت الله الحرام واشرب ماء زمزم وادعى.....علما انه سفرى من بيتى لمكه بالبر بيستغرق يوم كامل واكتر .....انا مو عايشه فى الكويت......وانا مقرره اروح مع عصبة نساء...يعنى بباص حمله.....لكن جميع من اعرفه بخوفنى من السفر بالبر ويقولولى انى راح اتعب من جلوسى فى الباص وبعدها من تادية مناسك العمره.....انا بنفسى بنفسى اروح عمره قبل لا يصيرلى شى انا خايفه.....وانا الان بصللى استخاره ....بنات يمكن ردكم هو اللى بحددلى اروح او لا.....ردو على الله يفرج همكم ويجازيكم الفردوس

 

[khawla&tito]

حبيبتي اسألي الطبيب اذا مناسب السفر بالبر لهالحاله ولا لا

ربي يشفيج

 

[Patcholli]

الاعمال بالنيات .. ان شاء الله يالغاليه ربي يحسبها لج عمره مقبوله بمجرد ما انج نويتي تروحين للعمره وتلهفتي عليها ربج بيحسبلج الاجر وكأنج رايحه وزايره وطايفه وداعيه عند بيت الله .. والله يكتبلج الروحه ويقر عينج بشوفة بيته الحرام .. نصيحه استشيري دكتورج واذا قالج انه مافي ضرر على حملج توكلي على الله وادعيه انه ييسرلج امورج وييسرلج العمره اذا كانت خيره لج ..
الله يحفظج ويقومج بالسلامه يارب تروحين وانتي بصحه وعافيه وبيدج وليدج يارب

 

[دلوعة أبوهآ]

آلله يكون بعونك

 

[قلبي وينك]

حبيبتي انتي ليش تكلفين على نفسج العنا والمشقه ليش تعذبين نفسج اولدي بالاول وبعدين سوي العمليه وبعد فتره ان شاء تروحين تأدين العمره بعد ما تقومين بالسلامه الانسان لازم يكون بصير بنفسه .
انا مره سمعت ريال قاعد يسأل الشيخ بالتلفزيون ان ما يقدر يروح يصلى المسجد ويتعنى بالروحه ويتعب وايد اذا راح المسجد وكل هذا علشان يأخذ اجر مضاعف لانه يروح المسجد وهو تعبان وفيها مشقه عليه فالشيخ فاجاه وقاله انت مو مأجور لانك قاعد تعذب نفسك والله كتب لنا التيسير واليسر بالعبادات فليش تحمل فوق طاقتك .
وانتي اختي قيسي قصتج ومعانتج على اساس القصه هذي
واذا كان قصدج التقرب من الله فأبمكانج تسوين عبادات وايده غير العمره مثل تكثرين الصدقه والصلاة والاستغفار وصلاة النوافل وزيارة الايتام والمرضى الي بالمستشفيات حاليا وبعدين اذا سهلج الله سوي العمره المهم الحين تركزين على صحتج والبيبي
ولا تنسين انج بتخلصين الولاده وبتدخلين على عمليه انا ما اخوفج بس اذا الواحد انجرح جرح صغير يتعب ويحتاج فتره على ما يسترد عافيته وقوته فلا تتسرعين الحين بالعمره وتهملين باشياء انتي ملزومه بها

 

[ليه الجفآ]

حبيبتي الله يشفيج يارب ويقومج بالسلامه ..

وبصراحه ما انصحج بالسفر بالباص لانه حيل حيل يتعب ..

يتعب الناس السليمه شلون انتي ..؟!

روحي طياره .. افضل لج

اسالي الطبيب اذا يصير تسافرين بطياره او لا

واذا مو زين لــج

فيه طريقه ثانيه اهي افضل من السفر بالباص

اخذي سياره خاصه بسايقها اذا مايقدر يوديج زوجج ..

عشان مايصير تمشين يوم كامل .. كل ماتمشين ساعتين ثلاث بطريق استرايحي انزلي امشي

واذا حيل تعبتي نامي بااحد الفنادق .. يعني كل مسافه ومسافه تريحين ..

جذي راح يكون عليج باذن الله مريح وماراح تتعبين

والله يسهلها عليج يارب​

 

[لمى الهاجري]

انصحج انج تودين معاج ممرضة ترافقج وتساعدج

 

[granted]

والله بتتعبين وااايد
انا وانا بنت مو حامل ولا شي مرة رحت بالبر بغيت اموت ظهري انكسر وريولي عورتني من اليلسه
خلاص توبة اسافر بالسيارة
فماانصحج ابداً بتكرهين نفسج
لايكلف الله نفساً الا وسعها

الله ينولج مرادج بعد الولادة بعد النفاس روحي يومين ثلاثه وردي سوي العملية
اما بحالتج هذي ابداً ماانصحج وترى الحرم زحمه هالوقت والله رحت قبل سبوعين زحمه جنه حج حتى بوبات الدخول بالعزر قدرنا ندش انا وامي

 

[روح امها]

انتي حامل والسفر بالبر راح يتعبج وايد
لازم تتمددين عشان اتريحين ظهرج

واذا وايد بخاطرج تروحين سأألي الدكتور

 

[أكذب عليك]

السفر مرهق بالطياره فما بالج بالبر
وانتي مشتهيه العمره يعني بتشدين ع روحج
حاسه فيج حبيبتي بس لاتطامين نفسج والبيبي
انا بالسادس يعني بدايه الثقل ادعي لروحج وعسي الله
يحتسبهاا لج عمره بنيتج

وتفائلي بالخير وان شالله بتقومين بالسلامه وتعتمرين
وتذكري انه الله عند ظن عبده فظني بالله خير وان شالله
ماراح يصير الا الخير

 

[MiSsY HottY]

أنا مرة رحت عمره بحمله تعبت تعب عمري بحياتي ما تعبته وانتي حامل ما أنصحج حاولي تروحين طيارة

 

[MiSsY HottY]

الله يشافيج يارب أقولج شي لا تخافين عندي وحده من خواتي عايشه على كليه وحده عادي ترا بس لازم ديرين بالج وتشربين ماي وايد الله يشافيج يارببببببببب

 

[قمر بيت أبوها]

اذا عندك قدره تحمل وراح تسوين العمره براحه يعني ماتكلفين نفسك ب بالتعب يعني تريحين بين الطواف والمسعي وهيك ليش لا
روحي عمره وواهتمي بادويتك واخذي مخللات معاك عشان التعرق مضر لمرضي الكلي
ولا تخافين حبيبتي ان شاء الله ازمه وتعدي واستودعي نفسك وولدك الله روحي بيت الله راح ترتاحين صدقيني
والله يشافيك يالغلا كسرتي خاطري قسم

 

[غداً القاك]

لاترددين بشي فيه مرضاة الله يمكن لارحتي ودعيتي ولجأتي الى الله واخلصتي بالدعاء ببيته الكريم ربي يشافيك
ولو ان ربي بأي مكان واي زمان يدعى بس العمره بتعطيك هدووووء نفسي
ربي يشفيك

 

[ام زهقانه]

اولا شي اسالئ دكتور ثاني شي استخيري
تنطلي علي ربج

 

[ام زهقانه]

توكلي علي ربك