خواااااااتي الحبيباااااات ادعولي بالحمل

[الجوهرة الغالية]

حبيباتي خواتي الغاليات كيف الحال ،ان شاء الله يكون الجميع بخير ،

عقب ولادة بنتي الحلوة ركبت (لولب)كوسيلة لمنع الحمل بعدين زوجي قال أبي عيال ،ورحت الطبيب وشلت اللولب،صارلي الحين 4أشهر ،عندي سؤال هل اللولب يسبب مناعه ويؤخر الحمل ؟
بعدين رحت حق الدكتور محمد الافغاني في المواساة امدحوه ناس لي وبعدين عطاني حبوب كلوميد ثاني يوم الدوره حبتين لمدة خمس ايام ويوم 13 للدورة عطاني ابرة تفجير البويضه وكانت البويضه كبيرة لكن سبحان الله صارلي شهرين على العلاج وماحملت ،ادعولي الله يرزقني ويرزق كل محرومه ان شاء الله يارب :eh_s(21)::eh_s(21)::eh_s(21):

 

[ريفيل]

الله يرزقج السالفة تبي وقت .. بس لا تحسسين زوجك انك شفقانه على الحمل تكبر براسه ويحس في شي

 

[kankona]

الله يرزقج و يرزقني و يرزق كل محروم بالذرية الصالحة
روحي حق دكتور ثاني اشطر انا هذا سمعت انى مو زود
و ان شاء الله ما فيج الى العافية

 

[الجوهرة الغالية]

مشكورين حبيباتي على الرد بس اي دكتور تنصحوني فيه ،

 

[rose2006]

اختي احمدي ربج عندج وانا للحين احاول وماكو شي وان شاء الله يرزقج بالذرية وتملين البيت عيااااااااااااااااااال وادعي لأختج روز امانه عليج

 

[رقي]

انا علي بالي ماعندج خير شر
اللولب مايسوي مانع
بس جسمج تعلم علي اللولب
يبيله وقت وتحملين
بس لاتحاتين لانه النفسيه تأثر وايد
وربي يزقج الذريه الصالحه يارب

 

[الجوهرة الغالية]

حبيبتي قولي أأأأأأأأأأأأمين


عسى الله يرزقج بالذريه الصالحه ويرزق كل محرومه يارب

وثقي تماما ان الله تعالى لا يضيع عمل احد ولا يخيب رجاء احد سبحانه قادر على كل شيء ،الله يرزقنا جميعاان شاء الله نكون الشهر الجاي كلنا حوامل

 

[الجوهرة الغالية]

بس ما قلتو اي دكتور زين

 

[هوى الدار]

عسى الله يرزقج ويرزق كل محروووووووووم

 

[البيداء_77]

واللة انا من رايي تروحين حق دهانة زينة وجربي الطب الشعبي جم شهر قبل لا يتعبثون فيج الدكاترة وبعدين زوجج لازم يحلل لانة الريال حت اذا ياب عيال يحوشة ضعف لانة انا الدكاترة العبو فيني اخرتها طلع الضعف في زوجي

 

[um-naser]

تركي عنج الأطبة والأدوية سأليني أنا الأدوية والأبر تكبر البويضات بسرعة بس بطانة الرحم ماتكون متهيئة للحمل سبحان الله كل شي طبيعي حلو داومي على العسل وحبوب اللقاح وسوي طريقتي (تلقينها في موضوع أم محمد الدهانه ) وانشاءالله يكتبلج الذرية الصالحة

 

[بمبرة]

حياتي الجوهرة:
انت نفس مشكلتي آنا ركبت اللولب بعد ولدي الثاني وتميت 7 شهور وشلته وتوقعت احمل بسرعة بس للحين صار لي 11 شهر احاول والله ما كتب لي والحمدلله على كل حال:eh_s(22):
واللولب يسوي التهاب وهو يأخر الحمل وآنا ما بقى شي وما سويته بس هي مسألة وقت ولا تحطين في بالج ولا تكثرين من روحة الاطبه عليج بالدعاء والاستغفار وقراءة سورة البقرة كل يوم وعسى الله يرزقنا الذرية الصالحة اللهم آمين:eh_s(17)::eh_s(17):
ولا تنسين تخلين زوجج يحلل يمكن الضعف منه مو منج

 

[فوز الكويت]

الله يرزقج بالذرية الصالحة يا رب العالمين

وانا وياج بعد يا رب

 

[سينامون]

حبيبتي انا مابي اخرعج, بس انا وحده من رفيجاتي بعد ما استخدمت لولب صار في زوجها ظعف خلي زوجج يفحص، و ان شالله ما كو شي يمنع موفقه حبيبتي

 

[fatmasm]

الله يرزقج و يرزقني و يرزق كل محروم بالذرية الصالحة
بس حبيت اطمنج ماقد سمعت أن اللولب يسبب تأخر في الحمال روحي لدكتور ثاني وانشالله يفيدج

 

[الجوهرة الغالية]

الشكر الجزيل لكل من رد على موضوعي ولهم مني عظيم الامتنان واتمنى من الله العلي القدير ان يرزقنا جميعا بالذريه الصالحه

 

[Yasmain]

الله يرزقج ويرزق كل محروم الذريه الصالحه ......يااااارب العالمين

 

[الريشة]

الجوهرة الغالية حبيبتي...
انصحك روحي حق الدكتور/محمد قطب ، في عيادة الحياة كلينيك ، اهو يشتغل مع د/ فوزية القطان...
ترى وايد زين و متدين...
و تابعي معاه بالتدريج من أول شيء ليما تحملين ان شاء الله.
بس لا تنسين الصدقة و الدعاء و قراءة سورة البقرة و سورة مريم و سورة يس.
و اذا حصلك تروحين العمرة مع زوجك روحي و ادعي ربك و تصدقي هناك و شربوا ماي زمزم و تسبحوا فيه..
الله يرزق كل محرومة آمين.