خوآتـي مخلين أمي مثل الخدآمه عندهم وعند عيآلهم @@

[ما كو اسم]

سلآأم

بدشش بالموضوع ع طططول

هآلموضضوع بآأط جببببببببببببببدي :eh_s(2):

الآ هـي أمي بنآت

أمي حدهآ مسسكينه تكسسسر خآططري ححححححححيل :eh_s(2):

عندي 4 خوآأت كلهم متزوجآت وآلله يآبنآت لو تجوفونهم مآتقولون هآذ أمهم

تخييلو بنآت يخخدمون أمي حآطينهآ مثل الششغاله

يوم اليمعه يمعتنآ وخوآتي يو عندنآ طبعآ عمتي عآزمه أمي وخوآأتـي على آلعششاء

وخوآتي يو عندنآ على اساس الساعه 9 بيروحون عند عمتي

آلمهم قآع نسسسولف جآن أختي آلجبيره تقآطع الككل وتقول لـ أمي

يمممه غسسلتي عبآيآتي قالت لهآ أمي لآ والله

قالت يالله يممه بسسرعه قومي غسسليهآ عبآيتي تععدمت السسكه جآن فيهآ غبآر

جآن أمي تقول لهآ خلآصص بغسسلهآ لج بسسس ششوي وقاع تقول لـ أمي

لآ حححوول شنو ششوي ابيهآ الحين ششلون نروح عند عممتي انتي بتآخرينآ :eh_s(2):؟!


وأمي مسسكينه مو عآرففه ششترد على أختي وآلمصصيبه أخوآني وخوآتي كلهم متزوجين
ويتمصصخرون على أمي جدآم ححريممهم :eh_s(2):!

واذ أمي تحجت أختتي عبآلهآ بتنكت < لآنه طبعهآ جذي طنآزه

جآن تقول لـ أمي ويه بتخخففين دمج يآ بنت ........... وتضضحك وخوآتي واخوآني وحريمهم يضضحكون

وأمي المسسكينه سكتت ومو عآرفه شششلون ترد جذي وشششوي ودششو سوالف مع بعضضض

جآن أشششوف أمي تمسسسح دموعهآ من القهر ! احيآنآ أمي ترد عليهم وأحيآنآ تموت من القهر

وتسسكتت ، الككل يتمسسخر على أمي مآجنه أمهم

ولآ أمي قآع تمزح مع بنت اختي جآن تقو ل أختي يممه علآمج تركي بنتي لآتهآوششينهآ الحمد لله
والششكر !

وأذ يو عندنآ أمي هي اللي تسسوي الغدآ والعششا وتغسسل ملآأبسسهم وملآبسس عيآلههم

ويجون بيتنآ هم وعيآلهم ويصصخونه وكل وآحده تمششي على بيت ريلهآ

اظطر انآ وأمي نقوم نرتب البيت :eh_s(2)::eh_s(2):

واذ هآوششتهم ليشش تسون بآأمي جذذي

يقولون مآباجي الا انتي جب يالله ،

واللي يقهرني أكثثير مو حآطين لـ أمي قيمه جدآم حريم أخوآني :eh_s(2)::eh_s(2):


وآلله دآيم أمر من عند غرفتهآ أسسمعهآ تبجججي

اقول طقاق روحه ما يصيح ............... والدنيا سلف ودين وكما تدين تدان يمكن امج مسويه حق امها جذيه وباسم الله عليج ليش ما اتمسخريهم لان اصلا هذولي من النوع كل ما اطقينهم فوق راسهم يتعدلون

 

[ام كوثر2007]

سامحيني علي هالكلمه اخيتي ..


بس مع الاسف امج ما ربتهم عدل


هذيل لو متربين عدل يحطونها علي روووسهم ويمشون فيها .. مو يعاملونهها هالمعامله ...

 

[ســتارز]

امج الظاهر تساهلت مع خواتج بتربيتهم من الاول

لازم تقوي شخصيتها جدامهم

واذا مازالوا على قلة ادبهم افضل شي وقت جمعتهم تطلع من البيت وتكشت فيهم

 

[ربي محتاجتك]

يا بعد قلبي انتي الظاهر اصغر منهم وايد
بس الاشكال اللي ما تحترم امج لا تحترمينها واذا امج ما تعرف ترد انتي قوي شخصيتج وفشليهم هالاشكال ما تستاهل احترام واي كلمة يقطونها على امج ردي بنفس اللحظة خل تتحس ان في احد معاها ولا تخافين منتهم امبي اهم شي يفشلونها عند حريم اخوانج هالاشكال اذا ما تعرف تحترم عمرها انتي علميهم شلون حتى لو اكبر منج ردي عليهم وزفيهم واي احد من اخوانج وخواتج يسوون ولا يتطنزون علا اامج اتي قولي بصوت عالي ان شاء الله عيالكم يسوون فيكم اكثر من جذي واخذي حق امج على طوول وما عليج من احد ما بقا الا اهم
الله يعينج انتي صج عمرج بس 15 بس اثبتي ان عقلج اكبر منهم
الله يخلي لج امج وبريها وصيري ظلها لا تخلينها تزعل عليج صيري رفيجتها

 

[ليلو جبريت]

محد يقدر يكون خادم لحد الا اذا هو رضى بها الشي

يعني امج سمحت لهم

ما اقول ان خواتج مو غلطانات لكن امج هي الي رضت تكون بهذي الخانة

 

[poor princess]

الله يكون بعونها
اتوقع الحل بيدها لازم هي اللي تغير اسلوبها ومو على كل شي تقول ان شالله
علميها ان للطيبه حدود , واللي مايستحي منك لا تستحي منه
< خواتج ابد مايستحون هذا بدل مايحطون لها خدامه يخلونها تخدمهم ,
وانتي خلج واقفه معاها لو بالمواساه وخليها تتكلم وتفضفض لج صدقيني بتتغير
خل تحس ان في احد حاس فيها وواقف معاها

 

[.. ღ همس ღ ..]

,’

آممج لييه سسآكتة ..؟! ,



انآ لو منج امسك عبآية آختج وآحرقهـآ

وكل مآ طرآ عبآلهم يزورونـآ سوويت لهم مشكللة



بالعربي قلبت يمعتهم حرريقة

انـآ مو قآهرني آلآ آنتي



تحجي لو قآلولج اسسكتي قولي (

ليه ششآيفة آميي خدآممة جدآمج



قومي بنفسج يــآ مآل آلــ ...)

وي طلعي لسسآنج حبي لو مـآ تحجيتي منو تبينه آن شآء الله يتحجى


,’

 

[*غنج*]

!!!!!!!!!!
لاحول ولا قوة الا بالله ياريت تقولين لهم ترا الدنيا دوارة اليوم جذي تسوون بأمكم باجر عيالكم جذي يسوون فيكم
الله يهديهم

 

[روح مغليهاM]

وربي شي يقهههر حبوبه لاتسكتين ابدا لو يقلوون نمزززح علميهم هذا مومزح هذا عقوووق قوليلهم امي تبكي بغرفتها منكم فهميهم لاتسكتيين ابدا وانتي قولي لامك لاتطيعينهم وازعلي عليهم عشان يعرفون قدرها بلييييز حبوبه لاتسكتين

 

[دلوعة أبوهآ]

اقسم بالله اني انقهرت من خواتك وكلامهم وحركاتهم
هذي تصرفات يسوونها في امهم !!
والله لو انها زوجة ابوهم ومربيتهم مايعاملوها هالتعامل


خواتك مو متعلمين !! مايدرون شنو معنى الام !!
وان الجنه ورضا الله من رضاها !!


حسبي الله ونعم الوكيل
الله يكون في عون امك دام مالها عون و أحد غير رب العالمين ..


ودايم نبهي خواتك وفهميهم ان اللي قاعدين يسوونه حرااااااااام وهالشي يغضب الله ..

الله يهداهم بس

 

[AJMAL-ENSANA]

لا تخلييييين امج واللي يقؤلهاااا كلمة ردي بعشررر
واذا اهما قليلات ادب انتي افصخي الحيااااا مو ليه واذا كلش كلش حاولي تبعدينها عنهم
طلعي معاها او سؤي اي شئ


وكلمي خواتج قؤليلهم هذا مايجوز ونقديهم بنفسهم اهم شئ لاتخلين امج...!


موووصج خواتج اعووووذ بالله الجنه تحت امهاتناااااا ياؤيلهم من الله
انزين حبؤبة بسألج أبؤؤؤج وينه !!! وشنووو رأيه بالي قاع يصير ؟؟؟

 

[Only One]

قطعتي قلبي والله هذا ايسمونه عقووووق يا ويلهم من الله باجر يشوفونه بعيالهم انصحيهم نبهيهم والله حرام اللي يسووونه والله حتى لو حنا مو مسلمين لكن اسمنا بشر عندنا احاسيس اذا حرمة غريبة ماعاملها جذي شلون امي اللي ربتني وتعبت علي!!!

انا اللي اعرفه انه البنات يبرون والدينهم اكثر من يتزوجون لانهم ييبيون عيال ويعرفون شكثر التربية اتعب... خواتج مادري شلون العكس!!! والله انا شكيت تكون مرت ابوكم مو امكم مستحيل جذي عيال بصراحة ولا بعد ينزلون من قدرها جدام حريم اخوانج عيب والله عيب شكثر ذنوب على ظهورهم الحين على كل دمعة من دموعها انزلت بسبتهم...!

لا حول ولا قوة الا بالله قلوب متحجرة ما تعرف الرحمة!!! ما اتخيل يا ناس.. امي جذي اعاملها!!!

 

[ياغفور اغفر لي]

خلي امج تقولهم اذا وحدة تطنزت ولا تكلمت باسلوب ساذج
هش ياحمار ولا كلمة انا امج واذا بغيتي اتكلمين معاي اتكلمين باحترام ولا بيتي يتعذزج انتي وعيالج
اسمحوا لي ع الايلوب بي والله انقهرت لان شايفة بهالايام احترام الام قل والله حرام المفروض يغرفون ان قدرك عند امك هي نعالهااا

 

[كويتيه وآآيد]

اللي تسآل وتقول وين أبوج ؟

أبوي متوفـي من 15 سسنه

والعضوه اللي نكهآ مآكو أسسم : يآليت تحترمين نفسسج ولآتغلططين
يدي جآن متزوج عيى يدتي وحده ومآيخلي يدتي تششوف أمي

وأمي مآششآفت أمهآ اللي مره وحده لآني يدي جآن يمنع امي انهآ تروح لـ أمهآ

 

[Om_Ksha]

وااااااااااااااااااااي حروووووووووووووووووووني حسبي الله عليهم !!!!!!!!!! مايحسون على دمهم مايلاحظون انها تزعل وغير هذا مره كبيره المفروض اهما يحووفونها حوووف ..

والله موعارفه شقول !!
حسبي الله ونعم الوكيل

 

[راقية بذوقها]

لا حول ولا قوه الا بالله موضوع حيل صعب ويحر سمعي اختي اعتبريني اختج الكبيرة لازم تكلمين اي احد من عمامج او خوالج او خلاتج او خوالج لازم تعلمينهم باللي يصير باسرع وقت لان حرام اللي يصير حتى لو امج دلعتهم وتساهلت معاهم مو المفروض يعاملونها بهالمعامله هاذي ام والام تظل ام لها احترامها وانتي دايما وانتي جالسه معاها وهم موجودي حبي ادينها وارجولها وقولي يايمه انتي على راسي من فوق ربي يرزقني برج وقولي قدامهم ياربي متى اكبر واتزوج وتشوفين يايمه عيالي والله يايمه لاخدمج انا وعيالي ونحطج على راسنا احنا مانسوى بدونج شي وصدقيني بعد هالكلام لازم يحسون على دمهم وادعي لها دايما ولهم بالهدايه والله يرحم بحال امج

 

[سكوتي بذوقي]

حسبي الله ونعم الوكيل فيهم

بدل مايشيلونها ويحطونها على راسهم يتأمرون عليها

اختك ناقصه ايد ولا رجل علشان ماتقوم تغسل عباتها ؟

اخوانك لو هم رجال صح مايخلون حريمهم يضحكون على امهم

ربي بيجازيهم على افعالهم

 

[منو انت]

واتني وين لسانج اسمحيلي انتي غلطانه لما قالت حق امج يمه غسلتي عباتي ليش مالفيتي عليها وقلتي ليش عسى ماشر انشليتي وانا ماادري واذا قالت انتي شكو قولي انا اتكلم وغصب عن خشمج وقولي لها ترى مو فندق تاكلين وتشربين وتمسحين ايدج بالطوف

واذا ماانتي محترمه المكان اللي انتي فيه مو مجبوره تقعدين واذا امج تكلمت قولي يمه انا اعرف حق هالاشكال وامسكي العبايه واحذفيها عليها وفيها خير تبطل بوزها


صدقيني مره مرتين تقلبين الدنيا على روسهم بعدها الكل راح يحترم نفسه سواء اخوانج او حريمهم جد حالتهم اعوذ بالله ماادري شلون تحسين فيهم خلل

ولا تخافين الدنيا دواره بكره عيالهم يسون فيهم جذي واكثر

وانتي بينج وبين امج قولي يمه انتي مو مجبوره تسوين لهم شي كل وحده تخدم حالها وتخدم عيالها وقولي حق امج لو شفتج تسوين لهم شي صدقيني راح اخليهم يطلعون من البيت باسعاف جثث

وحزتها امج راح تخاف من المشاكل ومماتسمع كلامهم


اكررررررررررررررره ماعندي اللي يستخف دمه على امه ((( اعرف جذي وحده زينه مع امها بس عيبها الوحيد تسوي نفسها دمها خفيف وتعلق وتقط كلام على الكل بما فيهم امها )))

 

[همســآآآت]

اكيد عنددهم واتس اب صح .؟؟

دزي لهم مقاطع عن عقوق الوالدين ودذي تلقين شكثر باليوتيوب

وعندي واحد ان شاء الله بحطه لج اذا قدرت بعد شوي

 

[دلوعة صلوح]

حسبى الله ونعم الوكيل والله انى انقهرت مادرى شقول.