خنت ريلي مع2 والحين درا... واختفى :(

[مرت الأيام...]

شتسوى عليج الحين ؟؟؟
علي اساس بتسلين شوى (( تسلية محرمة )) الله فضحج و ريلج عرف ما فكرتى بعواقب فعلتج لا تقوليلي الشيطان شاطر لو ايمانج بالله قوي جان ما سمحتي للشيطان يتشطر عليج و يزينلج الحرام خوو انتي مو ياهل عارفة الحلال و الحرام
الحين ريلج شراح يفكر فيج امبيه انتي مسحتى الثقة نهائيا حمدي ربج اذا سامحج و بغي يردج مع اني استبعد هالشي
حتى لو زوجج مقصر معاج احتسبي الاجر و صبري عليه و ادعيله بالهداية
لو مجابلة سجادتج و القرآن و رافعة ايدج تدعين ربج مو احسنلج من الخرابيط اللي سويتيها اللي وصلتج هالمواصيل
الحين تبين الحل
الاستغفار
الاستغفار
الاستغفار
و ادعي ربج ان زوجج يستر عليج و ما يفضحج
و اسمحيلي اذا كلامى قاسي بس هذا الرد اللي لازم تسمعينه علي اللي سويتيه

 

[الـــريـــم]

انتي المفروووض تنكرييين عشان تحافظيين على بيييتج

واهم شي تكونين تايبه ونيتج صافيه

لا تهدميين بيتج اكثر من جذي

الله يستر عليج ويفرجها يارب

 

[SaD FaCe]

امبيه بنات شفيكم

اللي تقول انا مستغربه للحين ما طلقج ..! تتمنين انها تتطلق ..؟؟ ترى كل كلمه انتي محاسبه عليها

الحمدالله والشكر ..

اهيه لو ما حست انها اغلطت جان ما اكتبت الموضوع وتبي مساعدتكم ما تبي سبكم لها ..!

الله لا يحوجني واحط مشكلتي هني ..!

وبعدين في رياييل صادو حريمهم وسامحوهم لانهم يحبونهم @@ لا تقولون مافي انتو مو داشين بيت بيت وتعرفون كل مشاكلهم

ريال عن ريال يختلف في ناس تذبح واطق واطلق وفي ناس تصبر وتفهم ليش الطرف الثاني سوا جذي !

المهم

حبيبتي اني كانت عندج نعمه الكل يتمناها ومبين ان ريلج كان خوش واحد وما صنتيه للاسف..

واللي صار صار ..

زين اللي قلتيه حق ابوج بس المشكله اذا ريلج وراه المسج اللي انتي دازته شنو بيكون موقف ابوج ..؟

كملي على سورة البقره والله يفرجها عليج ان شاءالله

وانا بقوم اصلي وادعي ان الله يفرجها عليج وييسر امرج ان شاءالله

واذا رد ريلج وسامحج اتمنى ما تعيدين نفس الغلطه حتى لو ريلج ما عطاج وي لان من حقه ..

وكلها ايام وتعدي

وحطي في بالج شي واحد

سواء كملتي مع ريلج او لأ

اللي قاعد يصير فيج شي مكتوب من الله

يمكن الله كاتب ان تكملين او تتطلقين ما ندري

بس لازم ترضين باللي الله كاتبه وما تعترضين

وحتى لو تطلقتي الله لا يقوله لا تمشين بالطريج هذا اذا مو عشانج عشان ربج اولا وعشان بنتج ثانيا

والله يستر عليج وعلى بنات المسلمين يارب

 

[الصعيريه]

بصرااحه مآدري شلوون طاوعج قلبج وجتج الجرئه انج تخونين زوجج حتى لو إنه مهملج ....
وانتي مومراهقه عشان تقولين كل المدرسات اللي اعرفهم يكلمون
وتقولين عن زوجج حلال عليه وحرام علي ...

كل اللي سويتيه عيييييييييييييييييييييب
وماقول إلا الله يستر علييج..

 

[Saroon]

الصراحة لو متطلقة منه ارحم من الخيانة !! شلون تفكرين تسوين جذي .. سوري بس حرام الحين لو درى ماراح يسامحج واذا سامحج ماراح ينسى !!

شي خطير والله مو شوية اللي سويتيه .. استغفري من ربج ولا تفاتحينه بالموضووع ويمكن كان يراقبج وانتي ماتدرين او مراقب تلفونج .. ديري بالج .. الله يرده لج بالسلامة انشالله .. دقي من رقم غريب ووتفاهمي معاه

 

[غـــــــلآ~]

لا حول ولا قوة الا بالله

ماينلام زين ماذبحك تخونينه وتقولين زعلان وفوقها قاعده تتقين على الثاني يعني ماهمك رجلك

بعدين احس بكلامك انك مو ندمانه لما تقولين انا بس كلمت كلها خيانه

الله ستر عليك ورزقك برجل يحبك ويثق فيك وتجازين المعروف بالنكران

لا حول ولا قوة الال بالله الله يعافيك ولا يبلانا

توبي واستغفري وعليك باللجوء الى الله

لاالة الاانت سبحانك اني كنت من الضالمين
استغفرك ربي من كل ذنب عظيم

 

[عمة الزين]

المفروض انج ماتقولين له شي عن الموضوع الحين عليج بالاستغفار والدعاء وربي يصلح حالج

 

[^kloOot^]

حبوبه والله مادري بصراحه بس انتى اللى سويتيه بصرااااااااااااااااااااااااااااااحه جرأه ما اتخيل نفسي بيوم اسوي اللى سويتيه


بس بقولج شغله الريال لو شنو مااااااااااااراح ينسى حمدي ربج ما ذبحج

ومدام انج حسيتى انه درى ليششششششششششششششششششششششششش داقه على رفيجج عيل شلون تقولين تبتى ؟؟


وفوق هذا مو اكيد ماتدرين يمكن ريلج مادري انج خنتيه وانتى رحتى فضحتى نفسج



والله حرام خربتى على نفسج

 

[~*~الملكة~*~]

الله يستر عليج دنيا واخره

 

[ليالي العاشقين]

لا تعليق ..

 

[إماراتية ملقوفة]

كيف بتحطين عينج ف عينه . . خربتي على عمرج
الله يستر عليج !

 

[ام فوااز]

استغفر الله يارب والله عيب
ترى اغلبيتنا رياييلنا مثل ريلج ناشفين معانا وعندهم سوالف لي الراس بس مانتجرا وين بتروحين من عقاب ربج اذا ريلج سامحج ياويلج من الله باجر وصج ان الله غفور رحيم بس مومعناته انج تغلطين وتمشين بهالدرب الوصخ
المره حلاتها بشرفها وعفتها حتى لو ماطلعتي معاه كافي هالشي وريلج عنده كرامه

عيل شتقولين عني انا جذي ريلي ناشف معاي بالحجي وعصبي حييل وكله كتنرفز بس الحمدالله دام انه مومقصر بالطلعات ولا بالمصروف وحاطلي سياره ليش اخونه واهو معطيني الثقة عشان عنده سوالف اروح اسوي نفسه اهو بيتحاسب باجر بقبره وانتي بتحاسبين بقبرج
شيسوي عليج يحاجي احد من اهلج واو يكلم امه ولاامج موحلوة بحقج ةالناس ترى تنسى الزينه وتذكر الشين على الواحد
الزين ينسي بش الشين الناس ماتنساه
الله يهديج بس ظلي تتصلين عليه وتعتذرين منه بالمسجات وقوليله انج تبين تتفاهمين معاه
اتوقع ان شك بسلوكياتج وطلع برنت على خطج او شاف سجل المحادثات بالكمبيوتر وعرف العلاقه الي بينج وبين الريال

 

[سحر البشر]

الله يعينج على هالبلوه
بس حيل تسرعتي ليش دزيتي مسج تشرحيله قصتج مع ربعج المفروض تنطرين وتعرفين السالفه منه
الله يكون معاكم يارب

 

[^طيوبه^]

لاحول ولاقوة الا بالله وقولي اللهم اني لا اسالك رد القضاء ولكن اسالك اللطف فيه

 

[زيــنه]

اقوووووووووووووووووووووووووووووووووووووووووول
بناااااااااااااااااااات
هوووووووووووووووب هووووووووووووووووب عليها


شفيكم انتوا !!!!!!!!!!!
تقول لكم البنت تابة ؟؟؟
وتدري ان الي صار شي غلط بغلط ؟؟؟
بفهم ليش تلومونها


خلاص الحين تبي حل
والي تبي تعاتب ولا لا تعليق
ولا الي تقول الشرهه عليه ليلحين على ذمته لازم يطلقج

اقول انتي وياها
ماله داعي هالحجي

وخلاص البنت تابة


وعلى موضوع كل وحده والثانيه تقول احسج بارده من ردج !!!!


شنو تسوي البنت مصدومه

مو عارفه شنو تسوي

شنو بارده مابارده شالحجي بالله عليج ؟؟؟؟؟؟؟


خلاص مو سالفه يا تساعدونها

يا الموضوع يتعذركم داشين حرب مو تبون تحلون مشكله !!!!
والله تبطون الجبد

انا معاج
شفيكم بنات اذا الله سبحانه وتعالى يسامح عبده
احنا يالبشر ما نسامح ليش؟؟؟
وبعدين مبين ان ريلها يحبها ومتضايق من الي صار وله مو مصدوم مو عارف يتصرف

عسى الله يفرج حبيبتي
ويمسح على قلبج وقلب ريلج
وتاكدي ان الله يحبج ان كشف موضوعج من البدايه عشان ما تتمادين
الله معاج يا قلبي

 

[قلبي معاك]

قولي زين ما ذبحج مو تقولين جرحت قلبه !! هذي مافيها جرح هذي فيها ذبح !!

اصلا انا مستغربة شلون ما وصلت لج ورقة الطلاق للحين !!!

اذا هو ريال صج ما يزعل و يهد البيت هذي حركات الحريم لو هو ريال و عارف بسوالفج يطلقج من اول لحظة بس الله العالم هو شقاعد يفكر فيه !!

بعدين هذي مو قصة الشيطان شاطر ,, مو كل وحدة تغلط غلطة شكبر و تقول الشيطان ,, لا تعلقون اخطائكم على هالشماعة !!!

كل شي و له حدودة حرمة متزوجة لازم تصون زوجها في غيبته مو تلعب بشرفه !!

لا حول و لا قوة الا بالله ,, الله يعينج و يغفر لج ,, استغفري و توبي و صلحي علاقتج بربج قبل كل شي !!

بصراحه ردج صدمني وهذا ردي عليج

اخرج التزمذي من حديث واثلة بن الأسقع عن النبي صلى الله عليه وسلم قال :
"لا تُظهر الشماتة بأخيك فيعافيه الله ويبتليك" وقال حسن غريب .
وخرّج أيضا من حديث معاذ مرفوعا :
"من عيّر أخاه بذنب لم يمت حتي يعمله" ، وإسناده منقطع .
وقال الحسن : (كان يُقال من عيّر أخاه بذنب تاب منه لم يمت حتى يبتليه الله به" .
ويُروى من حديث ابن مسعود بإسناد فيه ضعف :
"البلاء موكل بالنطق ، فلو أن رجلا عيّر رجلا برضاع كلبة لرضعها" .
وقد روي هذا المعنى عن جماعة من السلف .
ولما ركب ابن سيرين الدَّين وحبس به ، قال : "إني أعرف الذنب الذي أصابني هذا ، عيّرت رجلا منذ أربعين سنة ، فقلت له : يا مفلس" .اهـ كلام ابن رجب .

 

[قلبي معاك]

صاحبه الموضوع الله يستر عليج ويهدي النفوس مدري شقولج مخي واقف

 

[جذابه بنت ذيابه]

الله يكون بعونج .. وانتي تبتي والله يغفر توبة العبد .. الحين اهم ماعليج صلاتج ودعائج وقراءتج لسورة البقره..


طمنينا عنج .ولاتفكرين تسوين الشي هذا مره ثانيه ..حتى لو زوجج مقصر بحقج .. البنت سمعه ..


وخلي كل اهتمامج ابيتج وبنتج وزوجج وصلاتج وتقربج لله عزوجل

 

[RaAaRy]

والله مادري شقولج حبيبتي اللي سويتي غلط يعني مهما كان ما توصل انج تخونين زوجج انتي عرضه وشرفه حبيبتي وشاية اسمه الله يتوب عليج ان شالله ويغفر ذنبج وريلج الله يعلم درى والا لا بس انتي فضحتي نفسج لما قلتيله عن كل شي الله يهدي النفوس ويفج عوقج ان شالله ويغفر ذنبج يارب ويرد لج زوجج ان شالله استغفري وقيمي الليل واقري سورة البقرة وادعي عسى ربي يفرجها عليج يارب وطمنينا عنج نحاتيج ؟!!

 

[fjo0r]

واهو ادري انه يشوف مسجاتي بس مو قاعد يرد والمشكله حتى اللي اكلمه مايرد علي مع اني ما قلتله شي ابي اعرف شنو صار

=====



دام ريلج درا والي تكلمينه مو قام يرد عليج .. عيل أكيد في صلة بينهم ..




والله مادري .. عـــاد كلش ولا الخيانـــة !



الواحــد لي يندم بعدين يعرف غلات الثاني ..