خنت حيلي بنتي تبي تصير متفوقه

[للصبر اخر]

السلام عليكم
بنات انا بنتي العام كانت من المتفقوين باولى والحين تقديرها جيد جيدا يعني الكورس الاول
اذا شديت عليها ويابت امتياز الكورس الثاني هل راح يكرمونها وتكون من المتوفقين
خنت حيلي طول اليوم تبجي الله يخليكم اللي مرت بالشي هذا تطمني وبشد عليها هالشهر

 

[الصابرة المحتسبة]

هلا اختي
اول شي مبروك لبنيتج وماشاء الله تبارك الرحمن عسى ربي يحفظها.
ان شاءالله اذا كانت علاماتها بالفترة الثالثة ممتازة راح يكرمونها بس عندي جم نقطه ودي أوضحها لج للسنين القادمه:
- لاتضغطين عليها أو تأنبينها إذا كان تقديرها أقل من إمتياز.
- دائما كرميها وكا فئيها حتى لو حصلت على جيد جدا.
- حسسيها انه التفوق طعمه حلو والتكريم أحلى بس بطريقة غير مباشرة .
- خططي معاها شنو تجهيزاتكم ليوم التفوق من ورود وتسريحة للشعر وغيره.

 

[أم عبووووود]

حبيبتي مبروك نجاح بنيتج

انا بصراحه ماجربت بس اتوقع اذا شدت حيلها ان شالله يكرمونها مع المتفوقات

ربي لايخسر التعب ان شالله

ربي يوفق عيالي وعيالكم ان شالله

 

[on line]

نفس مشكلتي بس ان شاء الله تتحسن الدرجات والحين علي قول الابلات رفعوا الدرجات علي امتحانات الفتره الثانيه والمواضيع اللي يطلبونها منهم بالانجليزي يعني بدال الخمس درجات صارت عشره ضامنينها ان شاء الله اذا قدم موضوع زين وطبعن المشاركه وقالتي بس خذوا عشره بالاميه من نتيجه امتحانات الفتره الاولي وبالتوفيق يارب