قوه حبايبي
طرق التدريس كثيره لاكن للاسف البعض يحصر نفسه بالمناقشه و الشرح انا اشوف انها من الطرق القديمه
ابي اقولج الي في بالي و معظمهم موجودين في الرابط الي نقلتيه يعطيج الف عافيه
العصف الذهني
المخطط السهمي او الخرطيه الذهنيه و يختلفون بنات لاتخلطون بينهم امشوا على الصح عشان لايتصيدون عليكم الزله
الفرق ان المخطط السهمي بسيط و الخريطه الذهنيه هي الي تكون اكثر تفرع
عرض تقديمي هو اي شي تبين تعرضينه بلابتوب صور او فيديو او او او
الالعاب التعليميه عديده
الطريقه الاكتشافيه انج تخلينهم يكتشفون الهدف مالج عن طريق اي وسيله قد تكون صور او حتى لعبه
التخيل انج تخلينهم يتخيلون اشياء لين يوصلون للهدف و هذي طريقه يديده حالها حال الاكتشاف
التعلم الذاتي وايد حلوه و مفيده و تعلمتها من ام عبود حبيبتي ماقصرت
الزيارات الميدانيه هي انج تنقلينهم من الصف الى مكان اخر مثل الحديقه المسيد
المعلمه الصغيره تكلفين اي طالبه تأدس اس نشاط انتي حابه كمعلمه و تشرح
الموقف التمثيلي
و اذا خطر على بالي شي راح ارجع لكم
