خل نبطل موضوع خاص بالاسئلة الاجويةالخاصه بتربية القطاوة هني

[nawarie]

مشكووووووووررره عمري حبيبتي
الله يعطيج العافيه
خلاص اليوم ببلش حنه على ريلي علشان نشتري كتوا ~~ قطوه بلغه اعيالي
مشكوره وااايد وماقصرتي

 

[GAP^^الكبيرة]

حياج الله حبيبتي
وشصار عليج.. شريتي قطوه؟

 

[lojeeen]

وناسه احلى شي القطاوه

بغيت اسألكم شنو تسوون بشعر القطاوه لما يتكور على الجسم

انا شريت قطوهيمالاايا بيكي حسيت سعره لقطه و وارد اوكرانيا و معاه شهاده يعني شغل ازقرت بس ابتلشت بشعره من كثر ماهو وايد كله متخلبص و ما يتمشط قعدت اقصقص و امشط فيه اشكثر بس مو قادره على الشعر اللي تحت رقبته و صدره من جدام و ورى اذانيه الشعر لاف على الجلد حيل حيل و مضايقه و انا متضايقه لأني مو عارفه اريحه :eh_s(1):

لا تقولون لي اوديه البيطري اكو وايد ناس اعرفهم ودو قطاوتهم حق الحلاقه و عطوهم ابره تخدير و ماتو :jumpon:

 

[GAP^^الكبيرة]

عشان جذي لازم تمشطينه وفي مشط مخصص حق التكتلات.. انا اذا تحت رقبتهم اقصه بالمقص من كيفي ... بس اذا وايد وديتهم البيطري يحلقونه لهم
وماكو الا العافيه ان شاء الله

 

[lojeeen]

مشكوووووووره gap^^الكبيرة الحبوبه على الرد ^^

انا صج قمت امشطه وايد و الكتله امسكها بأصابعي و اقصها بالوسط و افتحها أو اقصقصهم ارباع ارباع حتى اقدر اشوف الجلد اشكثر يبعد عن شعره بس بقى مكان تحت صدره كل ما بقصه يلحس هل مكان و يجي المقص على لسانه هههههههههههههههه بط جبدي بس همن الحين اهون من قبل و ما توقعت شعر القطاوه ينمو بسرعه شكله بعد شهر أو شهر و نص بيرد كل شعره ^^

 

[lojeeen]

صج بنات محد جرب يشتري مكينه حلاقه و يحلق قطاوته بالبيت ؟ نبي حد يفيدنا لأن هل شي حيل مفيد للجلد

الشعر القصير يخلي الجلد بسرعه يطيب من الفطريات لأن الشامبو و الماي و المشط و الهوا و الشمس يسرع علاجهم و يطول و يكثف شعرهم مثل القطاوه اللي انشوفها بالسايتات الأجنبيه

 

[GAP^^الكبيرة]

لجووونه عدل كلامج
بس انا قطاوتي يخافون من صوتها... لاني حاولت مره بس ماقدرت امسكهم عشان جذي اوديهم البيطري
تصدقين انا ملاحظه بعد اذا قصيت شعرهم يصيرون نشيطين ونفسيتهم حق الاكل احسن عشان جذي ما اطوله لهم وايد بس عيب الدهماء مواعيده تطول

 

[lojeeen]

إي والله صاجه الدهماء وايد يطول و الري العن بعد

أتذكر كان في محل بالري اللي كان يم سنتر بوينت الكل يقول عن خدماته وايد ممتازه و ما يعطي مواعيد سيده يغسل القطو و يقلم اضافره و يحلقه بس حسافه سكر
انا سمعت من ناس انه انتقل لمحل جديد صوب دوار الجوازات من ورى حد منكم شاف هل معرض ؟

 

[GAP^^الكبيرة]

ايي حبيبتي موجود بسوق السالمية ( سيتي سنتر) اول ما تدشين من البوابه الرئيسية لفي يسار يمكن 3 او رابع محل اهو
واسمه بت هاوس بس ترا عنايته عاديه

 

[Filakawyia]

قوة بنات . . . اشلونكم ؟؟؟

انا عندي قطوة . . . مربيتها من زمان. . . و الحين اكبرت و صارلها جم سنه اتحن تبي ريل هههههه

كل ما انييبلها واحد . . . تقعد تتعز و تتدلع و تزعل . . ما تاكل و كله قاعده فوق ماتنزل <== مستحيه يمكن

و اول ماتشوفه اتعصب عليه و تنحاش . . .

و لما نيأس منها نحطه بالبوكس ماله و بنوديه حق اهله تقعد عند البوكس و تحن تبيه

ماعرفنالها

ودنا نزوجها و اتييب لنا قطاوة صغار . . . بس تتشرط اذبحتنا

اشرايكم بنات اللي عندها قطو ذكر أو انثى . . . نبدا نوفق راسين بالحلال

و عفيه قولولي الطريقة اللي اقنعها بالزواج . . . يعني اخليهم بدار احكرهم . . . لي متى يعني اشكثر يبيلهم عشان تنتهي العملية . . .ولا في طريقة ثانيه؟؟؟؟

 

[GAP^^الكبيرة]

فيلجاويه حبيبتي هالشي عادي.. تبخ لما يقرب وتحن لما يروح

خليهم بدار يوم ولا يومين وحطي لهم اكل وماي وخلييييهم بروحهم ويتزاوجون عادي

انتي اجري لج مال بو اسبوع

اول يومين تنحاش منه وبعدين عادي
واذا على التزواج.. مادري على حسب انا قطوتي 4 او 5 ايام وبعدين تسكت

اهي بعد هالعمليه تقلب على ظهرها وتحك بالارض >>> هذي علامه النجاح بس تسويها وايد يعني مو من اول مره وخلاص (( ابيه صج افشل ماعرف اشرح عدل))


بيكي وزعتر يننوني على ما تزاوجو... تخيلي ما خلته يقرب منها الا بعد ما بال عليها ( عزج الله)

 

[Filakawyia]

ههههههههههه والله بلوة هالقطاوة

سالفتهم سالفه

نحاول نقنعها بعد شنسوي

 

[أحلــــ دلع ــــى]

السلام عليكم
انا ريلي توه يابلي قطوه
فلما اصوره بالتصوير عيونها تبرق عادي و لا لأ؟
و من وين اشتري لها العاب؟
و من وين اشتري لها تراب؟
و الاكل اغيره بين فتره و لا عادي؟
و سوري طولت عليج بالاسئله

 

[catwiti]

السلام عليكم
انا ريلي توه يابلي قطوه
فلما اصوره بالتصوير عيونها تبرق عادي و لا لأ؟
و من وين اشتري لها العاب؟
و من وين اشتري لها تراب؟
و الاكل اغيره بين فتره و لا عادي؟
و سوري طولت عليج بالاسئله

اذا ماتبين تصير عيونها تبرق بالصور حطيي الفلاش مال العيون الحمرااا الاي يشب مرتين لما يصووور
واذا تبين العاب للقطاوه روحي مركز سلطان انا رحت الي بالشويخ وشريتلها فيراان لووول وااحد يطلع صووورت في جرس من ورا والباجيي جنهم فيران صجيين شكلهم ولونهم
بس اهي حبت الي يتطلع صووت لووووول كانت او ماتقوم من النوم تلعب فيه اسمع صووته ترن ترن هههه
والتراب بعد نفس الشي من مركز سلطان الي بالشوييخ انا شاريته
والاكلل انا انصح كل وحده تربي قطوه لاتعطينها اكل معلب انا اسويلها اكلها بالبييت لان انظف ومايصير في بطنها دود لان المعلب كثرته تظرها ومرات في اكل رخييص يكون رديئ يسبب ديدان في بطنها فيسبب امراض وبعدين يسببلج عقم لاسمح الله
عشان جذي انا اشتريلها دياي مثلج رخييييص ارخص شي و افووحها عاادي ليمن تستوي وبعدين اقطعه لها واحط معاه جزر مفيوووح مع الديايه بنفس الماي واهرسه لها وتاااااااااكله وتلحس اصابعها والصحن وراها من كثر ماتحبه
لاكن مرات احتاج اني انوعلها فأشتريلها اكل قطاوه من الجمعيه بعد لاكن ما اعطيها اكثر من مرتين في الاسبووع يعني ما اكثر

 

[أحلــــ دلع ــــى]

catwiti
يعطيج الف عافيه حبيبتي
ما قصرتي

 

[Relaxe]

هاي بنات كويتيات نداء خاص
انا بشتري قطوة شيرازية عمرها 6 شهور
انا طبعا ماعرف بالقطاوة 6 شهور كبير ؟
شتنصحوني اشتري اصغر من 6 ؟
والاكل شنو اوكلها ؟
الانثى ولا الذكر احسن ؟
وعطوني مواصفات الذكر والانثى ؟
تعرفوني حيل خايفة بنتي شبت براسي
وشيرازين زينين ؟

انشالله ما اذيتكم

 

[CaT&CuTe]

هاااي بنات شلونكم اان شاء الله تمام << عين ع المصلحه هههههههه
انا عندي قطو سيامي شعره قصير وعمرة تقريبا شهرين
شعره مع انه قصير بس يطيح وااايد واشوف لون احمر من ورا اذنها
ورجلينه في بقعه نفس المكان بلرجلين شنو اسوي فيه عشان يسمن وينبت شعره ....
ويروح الاحمرار اللي ورا اذنة ... وشكرا سوري اذا طولت بالاسأله لان اول مرة اربي قطو (=^x^=)

 

[~..fsfo0oria..~]

مشكورة اختي gap ^^الكبيرة ع الموضوع ..

انا عندي سؤال :: القطاوة تسبب حساسيه ؟؟

 

[tnkora]

اي خبيبتي. انا مسويه موضوع. عن القطاوه اي وحده عندها سوؤاال
عن قطوها اجاوبها ان شاء الله. وموضووعي ترى



مثبتينه. فووق. انزيين. حياكن. اشكرج اختي على الموضووع المتميز

 

[Q8stylle]

يسلمو علي الموضوع المفيد