خلو الحريم اللي يبيعون دويات نفاس و خلونا نركز على العطارين ....

[جـــواهر]

ماراح استخسر ع نفسي 50 دام الخلطات راهيه وتفيدني لكذا دوره بعد النفاس

حاليا استخدم شغل ام خالد الهاجري وماقصرت والله شغلهااا راااهي ومفيد وتقاسمناه انا واختي

 

[نور التفاؤل]

اسال العطار شنو يخذون منك الحريم اللي يبيعون وهو يعلمني
وااخذه بربع اسعارهن وانظف وجديد بعد اشيضمنلي ان الادويات اللي بيجيبونها لي
موبااايته عندهم من شهور ويدبي عليه الدود

لاوالله الا العطار اضمن سبحان الله هذي صحتي ليش اخاطر فيها

 

[دارسين]

اللي تقول العطار اضمن لا والله عطار مبارك كلة تراب بس سبحان الله الحريم مدري سلون ما يلاحظون

وبالنفاس والله نخسر أكثر من خمسين بالأدوية هذا غير التعب والشغل

وصراحه أنا ما جربت أم خالد بس مرة فاهمة حيييل عن تجربه

مرة درزيتلها خاص عن الم براسي كنت باخذ منها دوا للهوا قالت حبيبتي اعراضج مو اعراض هوا

اعراض نقص ف ب ١٢ وفعلا طلع كلامها صح

يعني تقدر تضحك علي وتقولي تعالي اخذي دوا مني؟؟


المهم العطارين اكبر غلط انج تاخذين منهم شي مخلوط

اما انج تاخذين كل شغله بروح وانتي تخلطينهم ولا لا تاخذين

 

[kuwaitiya_84]

بنات مطحنة سمراء عدن اهلي يمدحونها وشغلها نظيف وفرش ومعروفه

 

[نور التفاؤل]

ايه صح نظيف روحي اخذي منهم احسن لج من الحريم وخلطهم
ولاتسمحين لاي احد يقنعج بانج تدفعين ذييييك البيزات للحريم
صحتج اهم
العطار والمطحنه يعلمونج شنو المكونات حبه حبه
وبالمقادير بعد

 

[تعب-قلبي]

رفع

 

[خبيرة اعشاب]

السلام عليكم

و الله عموما انا ما احب اتدخل في مثل ها المواضيع ,, بس الاخت عمت على الكل
و تقول كل الحريم ياخدون اغراضهم من الحواجين بدينارين و بثلاثة و يبيعونها ب 15 و 20

و بحكم عملي بمجال الاعشاب ودي ارد عالموضوع كخبيرة بالاعشاب و ليس كتاجرة

الاعشاب عموما اصناف كثيرة و متعددة
و الخلطات خاصة تتضمن مجموعات معينه من هذه الاعشاب
بالنسبة لتركيبات النفاس فتتدرج من الخفيفة الى الوسط ثم المركزززة جدا

بغض النظر عن جودة الاعشاب و نظافتها و مصادرها

مثلا ابسط خلطة معروفه عند الحريم اللي هي مثلا لهوم النفاس
اللهوم كتركيبه لو اتروحين عند اي حواج و تسالينه شنو فيه بيعطيج مكونات و اتروحين عند اللي بجنبه بيعطيج مكونات اخرى للخلطة
اي انها تركيبه تعتمد على مجموعه من الاعشاب .. شخص يخلطها و بناءا على مكونات الخلطة يتحدد السعر

مثلا : لو المكونات حبة سودا , رشاد , حبه حلوة , كمون , حلبة .....الخ
و هلم جرا من ها البذورات

فهاذي اصناف سعرها ما يتعدى غالبا الدينارين للكيلو
فلما تنخلط و تنطحن مع احتساب سعر العلبه و ايجار المحل فلما يبيعه عليج بدينارين و نص فهو ربحان معاج بنسبه 200%

بس لما يكون لهومج مكون من اصناف مختلفه من الاعشاب منظفه و مجهزة بعناية و محموسه
و صدقيني ما في حواج رح يقعد يغسل الاعشاب و يحمسها و يطحنها

و تشترينه ب 5 او ب 10 فبالحاله هاذي انتي الربحانه طبعا



شي ثاني في بنات يتكلمون عن طبيخه الغوري على اساس ان سعرها ب 3 دنانير عند العطار
و عند التاجرات عموما سعرها يتراوح من ال 7 ل 20 دينار

الاسم هو نفسه طبيخه
بس ما يدل على المحتوى

نفس ما انسمي الماسكرا انه ماسكرا
و مع ذلك في ماسكرا بنص عند الهنود و في بدينارين و ب 3 و في ب 18 و 25 و بجودة مختلفة

الطبيخة انواع :
اللي عند الحواجين ب 3 او ب 4 هاذي مستحيل بيحط لج فيها مجموعه من الاعشاب المعروفه حق الرحم
لان السعر لازم يناسب جودة البضاعه و يحقق له هامش ربح


اما مساله ان الحريم يشترون من حواجين و يبيعون باضعاف الاسعار
ربما الشي هذا موجود ..
بس بالكويت خصوصا عندنا اسماء معينه اللي معروفين بالاعشاب و الخلطات
فاسمحي لي انا استبعد انهم يشترون من العطارين لسببين اساسين
اولا اسعار الحواج بالنسبة لي كتاجره ما اتناسبني
انا مضطرة ان اشتري الاعشاب بكميات كبيره و الحواج يعتبر تاجر تجزئة فانا بالحاله هاذي اتعامل مع المصادر مباشرة
الشي الثاني
جودة الاعشاب

الحواج يحط الاعشاب عنده
مثلا يبطل خيشة الحلبه ام 10 كيلو
و يقد يبيع على نص دينار و دينار الين تخلص ها الخيشه
خلال اسبوعين او 3 او شهرين
راحت فايدتها و لعبت فيها الرطوبة و حنا ننطر انها تنباع

و شي ثاني مهم

الحواج كتاجر ليس خبير اعشاب .... اللي يبيع المكياج مو لازم انه يعرف يحطه و اللي اتسوق عطورات ممكن مرات اسالها شنو تركيبة العطر ما تعرف ترد علي
لان هذا تاجر فقط

اليوم اتصلت علي اخت بنفاس
و تقول لي ان شرت خلطة شاي اعشاب من الحواج و مكتوب عليها المكونات
اللي اذكره منها :
عود القرح - خوا جوا - مريميه - بابونج - زنجبيل - حلبة - حبه سوداء - قرص القمر - عصفر - مسمار ..... الخ

في بعد

بس اللي سمعته من المكونات
و هي قاعدة تقرا لي انا احاول احدد هل هي شاي اعشاب او خلطة لهوم او دوا نقوعه

خالطهم كلهم مع بعض و يقول اغليهم و اشربيهم

و طبعا المسكينه لها 14 يوم تشرب

انا ما اعمم على الكل

نفس ما في تاجرات شغلهم توب في حواجين شغلهم حلو و نظيف

و كل واحد يراعي ربه بتجارته قبل كل شي لان المهنه هاذي مسؤوليه قبل كل شي


و سلامتكم

 

[خبيرة اعشاب]

في مسالة مهمة بعد

الاعشاب عموما في نوعيات معينه تنباع بال100 غرام
و بال 50 غرام
ما تنباع بالكيلو لان سعرها غالي

مري اي عطار من اللي انذكروا بالموضوع و قولي له ابي نص كيلو عفص
و نص كيلو شب
و اساليه بتنقع فيهم حق النفاس هل هو زين او لا

بيوزنهم لج علطووول و يعطيج ياهم ما رح يقول لا

فهل تستبعدين ان الخلطات اللي بيبعهم عليج خاليه من ها الامور


و بالمرة قولي له ابي حق نص دينار قشعه بيقول لج اقل شي 5 دنانير و هذا سعر معروف عند الحواجين كلهم
ب 5 الكمية تعادل ملعقتين

قشر القهوة عموما ب 4 دنانير اردأ نوعيه

عباية السيدة ب 3 دنانير 200 غرام او اقل
الهدال ب 16 دينار الكيلو
المحلب ب 10 الكيلو
العنزروت : 15 دينار لل 100 غرام
لسان الثور : 21 دينار للكيلو

و هاذي نبذه عن الاسعار اللي اذكرها قبل فتررة ما ادري اذا تغيرت الحين او لا

بس اذا بيحط لج ها المكونات بخلطة شاي و يبيعها بدينارين
احس كان شاريه وجبه مجبوس لحم عربي مع فقع و ببسي و لبن بدينار و نص
احس مو راكب التشبيه

بس انتظر راي الاخوات بعد

 

[نور التفاؤل]

اتمنى اعرف منين يجون خبيرات الاعشاب على قولتهم (اعشابهم ) !!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عشان صج نتطمن ويبطل الخوووووووف!!!

 

[خبيرة اعشاب]

يا نور التفاؤل

انتي جيتي من الآخر ,, و جبتي السؤال المهم
اللي هو من وين خبيرات الاعشاب يجيبون اعشابهم و خبرتهم

عاد المفروض انتي اتردين على السؤال هذا اول بحكم انج اكثر وحدة اتعرف المعالجات و محلات العطاره

جربت ادويه وااجد لكن اللي ارتحت عليه ادوية ام محمد الحماد العازمي

روعه والحق ينقال تنظف وتطلع الغازات وتشيل الكرش
وحتى تااهلج للحمل مره ثانيه
وباخت النفاس بعد اااخذ نفس الادويه شااااامله
مااااشالله ,,,,,,,,,,وانا اخذ منها لي ولبناتي وخواتي
وحريم العااايله كلها عساه بميزان اعمالها شغلها خالص لوجه الله
ونظييف وبمقادير وللعمليه والطبيعي كله %%%%%%%%%

اخذي بخور ام محمد الحماد لفتح الانابيب المسدوده
ترا شغلها ميه ميه ويكفي مره فوق الستين تخاف ربها
مصليه مسميه وحاجه وماحد اخذ منها الا ودعا لها بالخير وطول العمر
وانتوا عسالله يرزقكم

عسل ام محمد للسدد وتقوية المبايض ولتاخر الحمل

والتابعه اللي تقتل الجنين في بطن امه والعياذ بالله منها
ولتثبيت الحمل ان شالله ورخاوة الارحام والخراب بعد النفاس
وتقوية جدار الرحم وتأهيله للحمل باذن الله وعن تجرررربه

خلاااص ما اأيد دخول بيوت الحريم ولاأمرخ عندهم
ومستحييييييل اخذ تحاميل منهم أأو فحص داخلي
الله يستر على بنات الناس
ويرزق اللي ترجي الله والحمل
اللي تبي العلاج
تراسل الحريم وهم يوصلون لها برسم الخدمه
اما ندخل البيوت
ستووووب!!!!!!!!

وليش اخرعج اختي

اعوذبالله ,,,استغفر الله ليش تقولين جذيه الله يسامحج عالعمووم

روحي محلات الاعشاب الطبيعيه راح تشوفين بنفسج العطار ماينفعج

والدليل رجل الاسد راح يجيج بني كانه رجل اسد صج
اما الابيض فهو ماسه
ثانيا انا ماقول خرابيط جذيه منيه والدرب انا مره اعرف الاعشاب والادويه وشفت بعيني
وهذا جزاي اللي اقول وانبه وادلكم على الصحيح
وحده ثانيه تقول ايه روحي اخذي بس مومشكله انتي مثل اختي ماراح ازعل منج
الله يشافي الجميع عالعموم

هني عاد ما جاز لج شغل العطارين

ونزلت سعر شنطة النفاس من 50 الى 40ومعاها تمرة النفاس المفروكه بالسمن والرشاد

وجدر حسو هديه كل هذا بمناسبة رمضان الله يطول بعمرها ويخليلها عيالها

عشان النفاس اللي برمضان ولادتهم الله يسهل عليهم

جان سالتي ام محمد الحماد عن مصدر اعشابها يوم انج جيتي تمدحينها بالمنتدى او امج ام سالم اللي خبرة 35 سنة بالاعشاب هاذي بعد قريتها بموضوع لج ...

بس ميخالف احنا عطينا الموضوع اكبر من حجمه


و الحمد لله التوافيق و الرزق من الله

و انا يشهد علي الله ما رديت بها الموضوع دعاية و لا مدح باحد او بنفسي بس حبيت افيد بالنسبه لسؤال طرحته الاخت بخصوص الاعشاب

و تحياتي

 

[ملاك ^ الحب]

ام خالد ابي اسالج

في بنات خذو منج واستفادو وبنات ما استفادو كلش

شنو السبب ؟

هل اهو اختلاف الجسم بس المفروض انج تعطينها الي جسمها يحتاجها

 

[خبيرة اعشاب]

ملاك
وين اللي ما استفادو كلللش ؟؟


طلعي لي تجربه وحدة ما استفادت عشان اعرف شنو استعملت و شلون و شنو السبب اللي خلاها ما تستفيد

 

[ملاك ^ الحب]

Quote=.. Bnt ..;31186227]انا جربته ومشيت بحذافير اللي كانت كاتبته
بس ماش مافادني كلششش[/quote]


حبيبتي انا سويت كوبي على كلامها

اسمها bnt

 

[ملاك ^ الحب]

وفي وحده كاتبه ان استخدمت البرنامج بالضبط وصارت اوكي وكل شي تمام

لمن طلعت من الاربعين نزل عليها ماي وايد

حتى ما ذمت بالعكس وايد تمدح فيج وبشغلج بس تقول يمكن العيب فيها

حاولت اقتبس كلامها مالقيتها

بس انا اقول المفروض الادويه تنشفها

 

[ملاك ^ الحب]

شوفي حبيبتي انا مقتنعه بكلامج وفعلا الاعشاب يبيلها خبره مو تجاره

وانا مو خسرانه شي اذا جربت

انا الحين بالثامن متى اطلب منج ؟

 

[kuwaitiya_84]

بصراحه ام خالد الهاجري انا ماعرفها ولا جربت اخذ منها بس البنات والمنتدى كله يمدح فيها وانا كنت بطلب منها علشان امي تعبانه بس الوالده قالت مري مطحنه سمراء عدن وقالت عن شغلات اخذها مثل قشر القهوة ودوا قهوة وطبيخه لانها بنفاسي على عيالي تاخذ منهم بعد مادري وبليز ام خالد يريت تفيديني شنو ناقص واخذ منج مثل شاي الاعشاب الغسول

 

[نور التفاؤل]

ماشاااااالله عليجج (خبيرة الاعشاب)

حارصه على مواضيعي ومجمعتها اول باول !!!!!!!!!!!!!!!!!!!!!!!!

اول شي انا لما اقول الحجيه ام محمد الحماد وامدحها نعم امدحها ونص!
لاني مره جربت شغل هالانسانه اللي تعالجت بنتي على ايديها بفضل الله وكانت

سبب بعد الله بحملها وتثبيته وعلاجها من التابعه!!
وهذا كله بفضل الله سبحانه وتعالى

والمره الحين الكل يعرف انها بتسافر الحج الشهر الجاي
ان شالله ومااااايجووووز انج تستصغرين شغلها واعشابها وعلاجها وهي ماتدري عنج ولاتكلمت فيج

ثانيا ياااخبيرة الاعشااب انا ماجبت اسمج ولاطاريج صح؟؟؟؟؟؟؟
وعلى فكرة ترا هالمره الي تقولين عندها شهادات خبره من الهند
ومصر ومعهد بالكويت للابحث وهذي معلومه مهمه!!!!!!!!!!!!!!!!!!


وانا فعلا جربت حرررررررريم وااااجد بالديره وبالسعوديه ومصر
والاردن عشان بنتي
فلله الحمد من قبل ومن بعد رزقها الله على ايدينها
ومن حقها اني اذكرهااا
فجزاااااها الله عني كل خير

 

[نور التفاؤل]

بس للحين ولاشفت رد عن الاعشاب منين يجيبونهاااااااااااااا

ولاعن الشهادات اللي حاصلين عليها
واذا الخبرة من الجدات والامهات !!!!
هنيه اجل كلنا بنصير خبيرات !!

 

[نور التفاؤل]

ولعلمج وهذا اهم شي نسيت اذكرج فيه

تقولين المفروض انا اللي اقول منين اعشابهم واجاوب على السوال !!!!


غريبه!!!موووووووومن حقي اسال المره منين تجيبين وتسوين وتحطين!!! صح ؟؟؟؟؟؟؟؟؟؟؟؟؟؟؟؟؟؟

اللي من حقي وواجب بعد علي اني اذكر بالخير واشكر اللي كان علاج بنتي بعد الله
سبحانه وتعالى بسببها
وياخبيرة الاعشب انا ماني عارفه انتي ليش متنرفزه ومعصبه !!!!!!!
كل هذا عشان امدح المره اللي جربت!!!!!!!!!!!!!!!!!!!!

!!!!!!!!!!!!!!!!!!!!!!
على العموم كلن رزقه اولا وااخرااا على الحي الرزاق اللي ماتنام عينه

والارزاق يقسمها بايديه لوركضنا منيه ومناك!!!

 

[روزالكويت]

استهدو بالله يابنات
وام خالد ونعم فيها والله شغلها نظيف
ومافيها شي اذا نزلنا مواضيع نستفيد منها بخصوص الاعشاب ونتعرف على هالمجال هذا
والبلد متروسه حريم يبيعون علاج نفاس والبقاء للخبره والافضل اكيد