خلونا نتناقش بهالموضوع

[مشتطـه]

السلام عليكم :eh_s(17)::eh_s(22):

بدش بالموضوع


بنات ليش المعصية صارت عادي حيل عند بنات وايد
منها اللعب بخلقة الله ؟ التجميل
انتشر بشكل فظيـع بالكويت شنو السبب ؟


هل اهو حب النفس والشكل وهذا اهم شي عند البنت ؟

والا البنت ماتدري ان هالشي حرام ويغضب الله ؟ ومو محلل أبدآ الا بالتشوهات والحوادث فقط ؟

تكفون جاوبوني اخاف بس انا ادري انه حرام ؟

يا جماعه قمنا ندش العرس مليون وحده سامته هالخشم ومليون وحده تافخه ولاعبه لعب حتى بجسمها؟


في احد غيري يدري انه حرام ويحتر والا بس انا ! جد والله تعقدت حيل

طرى علي الموضوع من قروب رفيجاتي يسولفون عن عرس وحده وان البنات كلهم تجميل


جد محتاجه نتناقش بهالموضوع لان من اكلم وحده كلتني
انا غلطانه احاجي ناس جهله اصلا :eh_s(14):

ناطرتكم يا كويتيات

 

[كويتيه بنت قناص]

اي والله يامشتطه البنات انهبلوا عالتجميل سبحان الله صار شكلها اهم من رضا ربها

واتوقع الاعلام له دوور كبير صارت الوحده بس بتماري وتنافس ونست شي اسمه حلال وحرام

سبحان الله صج احس هالزمن اللي احنا فيه الحين زمن فتن وشهوات

 

[عـيّــآره]

ياحلو غيرتج على دينج



بقولج انا من مؤيدات التعديل يمكن يوم تناقشنا انا وياج فهمتيني اني مع التجميل بس

عشان البنت تقلد فنانه او هي تبي تكون احلى وهي مافيها عيب خلقي او شي فعلا

مضايقها وايد

يعني لو مكرشه وماهتمت بنفسها سنين وتبي تتزوج وتملي عين زوجها او مسويه

عملية تكميم وترهلت او عندها شامه كبيره او خشمها كبير وايد

هني تستدعي تجميل يعني مستحيل تمارين او خلطات تنفعها

التعديل اللي يحسن من نفسية البنت انا معاه لكن اغير خلق الله لمجرد التغير انا مو معاه

بس مثل ماقلت لج بنقاشنا قبل انه البنت بهالزمن لازم قد ماتقدر تحسن وتعدل من

شكلها لانه معاير الجمال تغيرت

سواء من البنات او الشباب


تشوفين الشباب اقزااام ومجسمين جنهم اناناس والبنات كل وحده بوزها اشكبره جنه

نطاطيه



تعديل البنت لشي ماثر عليها نفسيا وجسديا انا معاه


راسج ياابس تعبت وانا اقنع فيج مافيه املللللللللل :eh_s(14): ​

 

[مشتطـه]

ههههههههههههههههههههههههههه عيارة ترى هالموضوع قبل ردج علي والله


بس انا اقصد اللي ما فيها عيب مشووهههاااا اللي بس بتسوي لان البنات سوو وبتستانس ان تكون اجمل


يعني مثلا انا حييييييل مقتنعه بشكلي الحمدلله وحلوة مملوحه

لو اسوي تجميل ادري اني راح اطلع ملكة جمال والكل يتكلم فيني لاني مو محتاجه

ف ما اسوي هالشيء رغم انه حرام عشان ارضي غروري عرفتي


وحياج الله نورتي

 

[مشتطـه]

كويتيه اي والله

الله يهديهم يارب

 

[الأسطوره$$]

ذكرتيني بـ وحده تافخه شفايفها وأشكره مبين تفخ إذا إسألوها تقول لا مو تفخ بس ملء خفيف !! < قولي والله

الله يهديهم لو كل وحده تهتم ببشرتها ونعومتها وشعرها وصحته خلاص مافي جياكر

سبحان الله شي يغطي عن شي يعني تلقون وحده عاديه بس تشوفونها جميله والسبب إنها مرتبه ونظيفه وبشرتها صافيه وناعمه

يعطيج العافيه موضوع مُهِمْ :eh_s(17):

 

[شادن33]

مشتطه احسج كله مشتطه ههههه

والله لاعت جبدي ذاك اليوم وحده جدامي بالعياده وعند الصيدليه تأخذ الدوا وبراطمها على جنب نكته جنها بطه ماادري بجعه هاللي ياكل سمج خخخخخ

والصيدلاني هذا معروف عسى ماطافت صخله لابسه عبايه يلاحقها بعيونه هههه الله يهديه

عاد ذاك اليوم شكله متمتع بشوفه البرااااطم لقطه خخخخخ

انا أشوف المشكله كله من هالنت والتطور الهائل اللي خلاهم يشوفون هالصور من كل صوب واذواق الناس تغيرت بالمره

يعني قبل الريال يحب المربربه بعدين صاروا يحبون العصله عقب ردوا على التربرب باماكن معينه وهكذاااا

والبنات مع الخيل ياشقرااا لافي رادع من الاهل ولا من نفسها تمشي على هوا الموضه

وصدقوني الريال يضحك من هالاشكال لاتحسبون يعجبهم يعني صناعي كل ساعه رايحه راده تتفخ ولا بيترهل وريلها راح يلطططم خخخخخ

 

[Daisy chain]

]صح انتشر بشكل كبير ،،،،، وهم يدرون ان حرام طبعا ما اقدر اجمع الكل بانهم يدرون ،،،،،،،أنا مرة كلمت وحدة عن حف الحواجب وقلت لها حرام حف الحواجب قالت لا أنا حواجبي غير مشوهات عشان تحلل اللي تسويه وتسكتني و هذا عذر حق كل وحدة تحاجينها عن أي شي ،،،،،بعدين سبحان الله حتى لو وحدة ما أعرفها أدري انها مسوية تجميل بخشمها أو نافخة سبحان الله يبين،،،،، شاكرة لج لموضوعج الحلو

 

[VET-Nour]

الي تسوي تجميل جنها مسخ والله

و هم الي يتفخون ويسوون غمازات ترى وييييع ويبيين حيل!!

الجمال طبيعي مو عمليات

 

[lonelya-w7danya]

اي والله حرااام بس شنسوي هذي ترى علامات الساعه محد يحط لآخرته حسااب

 

[روح امها]

تقدرين تقولين صارت موضة

الله يهديهم

 

[مشتطـه]

مشتطه احسج كله مشتطه ههههه

سبحآن الله نفسج شعوري اتجاهج
انج حيل مشتطة بقسم الزوجيه !!!


شكو الشطة بالموضوع ؟

 

[مشتطـه]

روح امها
لونليا
فيت
ديزني


شاكرة مروركم العطر حبايبي

 

[مشتطـه]

الاسطورة الله يعاااااااافيج حبيبتي الاهم مرورج بهالموضوع تسلمين

 

[عـيّــآره]

شطشط احين انتي ضد التجميل

والتعديل ؟ اللي كتبته باول رد تشوفين انه له داعي ولا لاء



​

 

[مشتطـه]

شوفي انا بنت خالي خشمها كبير حيل حتى كنت اقول مستحيل تتزوج حيل مخرب شكلها سوته تجميل
وانا اول وحده أيدتهاااا لانه غيرها للاجمل مليون مرة

لكن وحده حاطه صورة خشمها بالمنتدى يهبل ومرتب تقول عاجبني بس ابيه سلة سيف
انا حييييييييل معارضتهااا لان هني الغلط عرفتي


يعني لو الوحده فعلا محتاجه ومخرب عليها ومسبب لها ازمة بحياتها هالشي انا معاها ومن حقها

لكن بدون سبب وشي مجرد انه ما عجبها لا غلط وحرام بالدين

 

[ليدي بجد]

أمم طبعا ضدها. الا لتعديل التشوهات او لتعديل اثر العمر والكبرالي حمسني ارد على موضوعك قبل كم يوم شفت فنانه كويتيه اسمهاا. جواهر. انا ماكنت اعرف اسمها قبل وكانت مختفيه كم سنه. شفتها ببرنامج زهره الي بو ظبي. يماااااااااااااااا مؤ هي قعدت أتابع البرنامج ربع ساعه يالله عرفتهااا تغييير مو طبيعي وحده ثانيه بمعنى الكلمه هذي لازم تغيير بطاقتها وأي أوراق رسميه فيها صورها محد راح يصدق انه هي. كانت عاديه مابي أذم بخلقه الله. بس رغم ان شكلها موطبيعي وباين مسويه بلاوي حتى الي ما يعرفها قبل بيعرف الا انها صارت. حلوووووووه يعني فرق عن اول


بحاول ادور مقطع لها

 

[مشتطـه]

صح عرفتها جواهر
بالعكس ما تغيرت وايد اهتمت بشعرها وسوت اسنانها لان كانو سبب الجكر اللي فيها

مع تفخ خدود وتعديل بالابر طبعآ انا ضد اللي سوته


يعني لو مكتفيه بتعديل الاسنان وتعديل الشعر والبشره بالعلاجات بتطلع حلوة بدون ابر


وناطرين المقطع

 

[عـيّــآره]

انزين انا عندي غمازه وحده بخدي اليسار وواضحه بس اللي باليمين خفيفه وايد

اشوف نفسي احتاج عمليه تجميل لانه نفسيتي تتعب واعاني اذا كنت بعزيمه او جمعة

بنات لازم

التفت غصبببب عشان يشووفونها كل الموجودين وبكل الزوايا



ولا عندج راي ثانيه استاذه مشتطه ؟؟؟؟

























امزح امزح ابي اطفررج يما منها عصبيه ياتني بالملاس​

 

[صعبه]

تدررين ليش ؟؟


انا بقولج ليش



اول شي على اياام قبل قبل لما وحده مجرد تفكر انها تسوي عملية تجميل بتخاف لانه تدري الكل بياكلها واكيد الوازع الديني بيردها


بس الحييييين موضوع التجميل صار جدا عادي لدرجه حتى اذا سمعنا فلانه سوت تجميل يمر علينا مرور الكرام

لانه الله يسلمج الموضوع صار مثل شربت الماي بالنسبة للبنات يعني صار شي طبيعي ولا كانه حرام صار شي يتقبلونه المجتممممع وما يرفضونه اوو انه البنت اللي بتقبل على هالشي ماتحس انه راح ترنفض او تنتقد من قبل المجتمع

لا بالعكس اي وحده تفكر انها تسوي تجميل بتسويه بدون لا تفكر بالناس

وشي ثاني اساسي ضعف الوازع الديني صار منتشر بشكل كبير الناس ماقامت تخاف من ربي استغفرالله ياربي العظييم

والله والله انا عندي الوحده لو مهمته بنفسها بشرتها وجسمها يعني تسوي تنظيفات تقشيرات تلق لق والله هذي بنظري توب وحلوه مب اللي تقعد تمط بعمرها ولا ترفع خشمها اتغفرالله شكله مقرف ومقززززززز

اي بقول شي بعد في بنات خصوصصا المتزوجات مع احترامي عذرها يكون اتعدللزوجججي !! ماخذينه حججه يعني الدين اوكي يسر مو عسر بس هي مافيها شي صاحيه وحلوه بس تبي حلا زياده مايصيرررر عاد مو تغيرين كل شي فيج من قمة راسج لي ظفر ريولج

او

اتيج تقولج فيني انحراف وبالمره تسوي تجميلي

اعذارهم قبيحه نفس ويهم مع احترامي


سوري طوووووولت

واشكررررررج حبيبتي عالموضوع نبي مواضيع وايد اناقشها يعجبني نقاشج