خلونا انقش روحات الازواج للقهاوي و الدواويين

[Brounzi_girlly]

الريال لازم اييله وقت يزهق من الربع ويحس بالتقصير ترى سكوت المرا مو خوف ولا ضعف بالعكس دليل قوتها ورجاحة عقلها
مع التحية..........

 

[-Bello-]

انا بالنسبه لي الريال شكو متزوج اذا لي بعد الزوج يبي حياته تكووون نفس ماكانت لزقه بالربع بكل مكان ..انا ريلي الحمدالله اول شي كان يبي يرووح ويي اول شي كنت اعاند وهواش وبععدين بروحه قام يزهق منهم وحاولت اجذبه للبيت ماشاءالله وقمت انا احن عليه اطلع غير جو وهو اللي مايبي ..فسالفة طلعة الريال تعود على المره اهي اللي تعوده وبطريقتها تجذبه للبيت مو تنفره ..لان ماشاءالله شفت ردوود انه كل وحده عندها فرقا ريلها عيد ..والله يهدي سركم كلكم قولوا امين

 

[جوريةkk]

احنا ما قلنا شي خل يطلع ويروح وينعزم لكن هم للبيت حق و لعياله حق ...و لزوجة حق .

يعني لا نحرمه من ربعه ولا يحرمنا منه..
علي اني وايد اسمع من اخصائي اسره و رجال دين يتكلمون بان اهمية اعطاء بدرجه اولى للبيت و للزوجه و العيال .

ومستحيل انه الزوجه تقدر تحبس الزوج او تتحكم فيه .

ولابد ان يصير توازن . في الحياة

ومثل ما الزوجه مجابلة هالعيال و لابد انه يتعاون شويه..

اتصدقون انا عيالي الصغار متعلقيين فيني وايد .واذا ابوهم يا بالليل و واحد فيهم قاعد بيلعب معاهم ينحاشون ولا يصارخون ما يبونه وزوجي يعصب ليش جذيه عساني ما اقضب واحد الا صارخ .

واذا قلت له اهم مو متعودين يشوفونك ويقعدون معاك يقوم يعصب..بالله هذي حاله؟

انتو حكمو

 

[@Miss Dio@]

هذا المنتج الكويتي
ماتشوفون هالجيل اليديد لا الريال ريال ولا يعرف الخشونه
الرسول قال خيركم خيركم لأهله
ماقال احد ثاني ياناس انا ينيت خلاص

 

[ام قوين]

السلام عليكم
والله اغلب الرياييل شيذيه......الا ما ندر......انا كنت فى البدايه مضايقه وايد وحاشتنى حاله نفسيه ...بس بعدين ولله الحمد الله هدانى ...وقلت لى نفسى انا اموت من الحره وهو مستانس وفرحان ولا على باله فكررت اديه طناش واشغل وقتى طبعا بعد ما اخلص واجبى نحو ابنائى الاعزاء وينامون اجلس على النت او اتابع برامج التلفزيون او اطلع مع الاهل ....والحمد لله والله الحين لا قعد فى البيت اضايق منه لانه ما فى منهم ووانه بس حنه ولا حاط على القنوات الاخباريه

 

[ام قوين]

انا بالنسبه لي الريال شكو متزوج اذا لي بعد الزوج يبي حياته تكووون نفس ماكانت لزقه بالربع بكل مكان ..انا ريلي الحمدالله اول شي كان يبي يرووح ويي اول شي كنت اعاند وهواش وبععدين بروحه قام يزهق منهم وحاولت اجذبه للبيت ماشاءالله وقمت انا احن عليه اطلع غير جو وهو اللي مايبي ..فسالفة طلعة الريال تعود على المره اهي اللي تعوده وبطريقتها تجذبه للبيت مو تنفره ..لان ماشاءالله شفت ردوود انه كل وحده عندها فرقا ريلها عيد ..والله يهدي سركم كلكم قولوا امين

اختى الحبيبه احنا ما ياسنا وصرنا شيذيه لا بعد ما جربنا كل الطرق ولسنوات بس ما شفنا نتيجه علشان شذيه طنشنا وعشنا..... ترى الرييايل مو سوا ... والله لا يغير عليك انتى وريلج

 

[Brounzi_girlly]

صح كلامج أم قوين الرياييل مومثل بعض والشاطرة إلي تصبر وتتحمل والريال يلف ويلف وآخر شي مارده لبيته
مع التحية..........

 

[رفرف]

خل يروح والله حافظه لا يقعد يحن فوق راسي ويبطل كبتات المطبخ ويطل بالجدور جنه شايب متقاعد هذا ليش هني وهذا ليش جذي !!

 

[امون حبيبة زوجها]

اي يروح دربه خضر دوانيه ولا سوقه وفراره وعربده

والله ترى الدوانيه نعمه ظحك سوالف جنجفه يتنفهوون

واعليه السعوديه يتمنون انه عندهم دواوين للشباب ياخذون راحتهم فيها كل اللي عندهم مجالس رسميه واستراحات الله يعينهم

 

[المستبده]

وي ضحكوني البنات الي يبون فرقا رياييلهم
انا عن نفسي الحمدالله دوانيه ريلي كل خميس لا ويمكن يروح ويمكن لا حسب دوامه
يمكن لو دوامه مثل الناس الله يستر مايندرى
بس الحمدالله ان يوم بالاسبوع وطريقه ريلي مايحب القرقه وايد

وترى الدواوين تخرب الريال
انا ريلي كل مايروح عند ربعه يقولي بسافر
اي شي اي شي اي شي

 

[الوردة المكنونة]

انا اول ما تزوج كنت على طووول نجره معاه بسبب القهوه يقعد فيها 24 ساعه ويقعد في البيت يمكن ساعتين على بعض او ثلاث يالكثير

بس شفت ماكو فايده من حنتي طنشت واشوفه صارله فتره ما يروووح وايد صاير يروح نص ساعه او ساعه بالكثير ويرد انا استغربت ولما سألته قالي ابي اقعد مع حبيبتي وبناتي الله هداه الحمدالله