خلعته بالملكه وكاتب بورقتي انه علي عده ؟؟؟ فهموني

[femmi]

الله يخليكم بنات ولايحرمكم السعاده دنيا واخره

 

[Queenleo]

المقصووود الخلوه

اتوقع قصده اختلى فيج

يعني قعدتوا بروحكم بدون شخص معاكم ثالث

وموشرط اللمس حق الخلوه

 

[أحمرجوري]

لا حبيبتي ورقه طلاقج فيها خطأ انتي مطلقج طلاق لازم يكتبون مخالعه يعني خلع وبلخلع تتنازلين عن جميع حقوق من مهر الخ
اما الطلاق فتاخذين جميع حقوق

اما العده للبنت المتزوجه لي دخل بها زوجها اما لي مادخل عليها زوجها مالها عده راجعي المحكمه احسن

 

[أحلى البشر]

قصدج اختلى فيج ولم يدخل عليج
خلوه بدون دخول
الخلوه حتى لو بس تركبين معاه السياره بروحكم تعتبر خلوه وعليج عده 3 حيضات

انا كنت نفسج بالضبط خلعت زوجي بعد الخلوه وقبل الدخول وتنازلت عن مهري كامل واعتديت 3 شهور

 

[تحت ظلك]

الي يفكر ويكتب بهالطريقه أحمدي الله ان انفصلتي عنه

أسألي أهل العلم افضل

 

[جنة المأوى]

" ياأيها الذين آمنوا إذا نكحتم المؤمنات ثم طلقتموهن من قبل أن تمسوهن فما لكم عليهن من عدة تعتدونها فمتعوهن وسرحوهن سراحا جميلا "

حدثنا علي قال : ثنا عبد الله قال : ثني معاوية ، عن علي ، عن ابن عباس قوله ( يا أيها الذين آمنوا إذا نكحتم المؤمنات ثم طلقتموهن من قبل أن تمسوهن فما لكم عليهن من عدة تعتدونها ) فهذا في الرجل يتزوج المرأة ، ثم يطلقها من قبل أن يمسها ، فإذا طلقها واحدة بانت منه ، ولا عدة عليها تتزوج من شاءت ، ثم قرأ ( فمتعوهن وسرحوهن سراحا جميلا ) يقول : إن كان سمى لها صداقا ، فليس لها إلا النصف ، فإن لم يكن سمى لها صداقا ، متعها على قدر عسره ويسره ، وهو السراح الجميل .



اختي المفرووض تروحيين للمحكمة و تستفسريين اكثر ممكن يكون هناك خطأ !!!!
​

 

[اميره1980]

حبيبتي لازم تعدلين الورقة لان اذا ان شاء الله تزوجتي بعدين مره ثانية القاضي او الملاج او المحكمة يطلبون عقد الطلاق و يمكن زوجج الثاني يقراها ما تدرين و الحين الناس ما ترحم

مووووووووووووووووفقة

 

[♥Caramell..♥]

حبيبتي انا مش محامية ولا تخصصي محاماة, بس خذيت مادة " قانون الاسرة" وتكلمنا عن هالموضوع.

أول شي, كان فيه بينكم خلوة صحيحة؟

يعني فيه وقت كنتوا فيه بروحكم فغرفة مسكرة, أو كان الكل طالع برة البيت؟ او طلعتوا بروحكم؟
انا اعرف انه ما مسجج بس اذا كان فيه خلوة ملزوم عليج عدة 3 حيضات.

اما اذا ما كان فيه خلوة + ما مسجج فما عليج عدة وكلمي المحكمة, ترى هاي القانون القطري بس هو نفسه الاسلامي يعني اعتقد ينطبق عليكم بعد. واذا بتتأكدين لا تطلعين انتي لمكتب محامي! يمكن يكون عليج عدة, طرشي حد يسألج او اتصلي فيهم واسألي, او اتصلي فشيخ عندكم فالكويت.

والله يعوضج باللي احسن منه, قولي ااااامين :yaaaaaarb:​

 

[بيلسسان]

مادري .!!


يمكن اهم يكتبون جذي بالمحاكم .!!

 

[المغترهـ]

روحي ضرورررررررررررررررررررررررررررررررررررررررررررررري تغيرين صك بنفسك لان من حقك

لازم تروحين تغيرينه ضروررررررررررري انا لو جانى صك كذا من ماكتب ع طول دايركت للمحكمه واتفاهم معاه

 

[دآنة آلرشآيده]

ماعندي فكره
الله يعوضج خييير

 

[ضي الدنيا]

يااا غناااتي يمكن يقصد انه قاعد معاااج وسوالف وكان يشووفج بس ما صار بينكم ؟؟؟؟؟؟ ..



فهمتيني ..


بس يااا غنااااتي ع حسب ظني ماالج عده