خلطه الكيوي والاناناس من جربها ؟

[دنيتى انا]

خلي عشاج كيويتين ونص عصير اناناس كيديدي كل يوم ينظف البطن ومفيد وفي فيتامينات ويفضل بعد الرياضه

 

[فرحتي2.2]

انا جربته صج حلو

بس للاسف سببلي ضعف بالمبايض

ووحده معالجه رحت لها وقالت لاتشربين اناناس ولا تاكلينه لان يضعف المبايض ويضعف تبويضج وفعلا هذا اللي صار معاي

 

[awashamen7asha]

انا هبيت بهالعصير مع تخفيف و نادي! و جسمي ماتغير ووزني ثابت بس كنت اخذ حبوب المنع عشان جذي جسمي ينتفخ

 

[دلال كووول]

الاناناس والليمون والنعناع روعه بس بعد الاكل بساعه ​

 

[تمره بحلاوتها]

جربته جم يوم مع رجيم وصراحه زين

ماشي مع نظام التخفيف وبين علي الضعف

كنت اشربه بعد العشاء بساعه تقريباً

بس مليت منه ووقفته *

 

[nourhaine]

الاناناس و الكيوي هو ركيزة رجيم الفنان حسين الجسمي و الكل لاحظ النتيجة

 

[ناعمه الخد]

مالقيت نتايج خصوصا انه يحرق المعده لزياده نسبه الحموضه
التنحيف انج تسوين نظام غذائي سليم ومافي حبوب او شي بالدنيا ينحف بدون تعب او انتظام

 

[@محبه الرحمن@]

حلو الاناناس يحرق الدهون والكيوى بعد بس مو كله يحب طعمه

 

[متجر جنات عدن]

للررررررررررفع

 

[دلال كووول]

لذيييذ مع الزنجبييل والنعناع​

 

[لسعة شقاوة78]

جربته الاناناس والكيوي بالليل
والليمون والنعناع الغدا
قسم بالله ضعفت عشر كيلو
وانا هرموناتي مخبووووووووصة
لكن ضعفت