خلطتي الصابونية:والله بيـــاض على بياض فضيع للجسم ولون واحد وبدقايق _بصــور من تلفوني

[دموع حارقه]

كل مره اقول بتعامل معاج انسى مادري ليش
المهم انا عييزه ممكن اتريها منج اذا تبيعينها مع التفاصيل؟؟

 

[نوروه قطر]

الله يوفقج يامزيونه ويخليلج عيالج ويسخر لج زوجج
قولوا امييين
الله يبيض وجهج دنيا واخرره

 

[my world]

نبي الصوووووووووووووور بلييييييييييييييييييييز

 

[*سما*]

الصراحه انا جربت هالخلطه وااااااااااااااااي تهبل تجنن
نعومه وبياض كاني حاطه كريم اساس وربي.
الله يعطيج العافيه

 

[hessa21]

بدوون لا تقوليين ما استغني عنهاا بدووم عليهااا من تخلص اطلبهاا منج

 

[missbaff]

مشكورآآآ حبوبآ

 

[الحلا توته]

مشكوووووووووورة ما قصرتي

 

[روعة الوجدان]

مشكوره غناتي

والله يعطيج العافيه

وإن شاءالله بجربها

 

[نونه200]

ماشاءالله تبارك الرحمن,,, احلى مزيونه حبيبتي الله يعطيج العافيه ..الله يحرم يدينج عن النار صراحه الخلطه تهبل صج بياض ..بس عادي الخلطه بعد مااستخدمها يتغير لونها..لان لونها صار فيه شوي لون اخظر,,يعني اكمل مالها تأثير.: انا استخدمتها اسبوعين ياليت ياقلبي تردين علي بسرعه ,,جزاج الله خير...

 

[بيلسان.]

ما شاء الله

يعطيك العافيه

 

[انواروه]

شالخلطة اللي كل االدنيا تسولف فيها

بعد عمري والله مزيونه وشقره انقذتي البشريه بهالخلطه :eh_s(6):

 

[معلمة روضه]

ههههههههههه الله يقطع ابليسج انواروه

ههههههههه عجبتني انقذتي البشريه

والله ودي اسويها يا مزيونه ورحت عند الفليبينه جااان انسى واتدوده لأن طلعت لي اكثر من صابونه بابايا !!

والصور مو طالعه اللي انتي منزلتها

بعد قلبي جزاك الله كل خير وعساج دوووم مزيونه

 

[B7BoOo7a]

السلام عليكم

انا ان شاء الله بطلبها منج مزيونه

تخيلوا بنات الحواي مال جمعيه القرين حقييييير طلع ونصااااب جدجد ليلحين متضايفه ومنبطه جبدي منه

تخيلوا انا شريت لخلطه الصابونيه كان بتاريخ 21\10 وما كنت داخله المنتدى من فتره بس كنت اتذكر انه كان مكتوب

بتوقيعج مزيونه انج ما تتعاملين الا مع هالحواي ورحتله واوول ما دخلت قلت له ابي الخلطه الصابونيه قالي موجوده قلت له مالت منو؟

قالي شقره و مزيونه انا استانست وقلت له اي صح عطني اياها وعطاني معاها فيتامين سي

استخدمتها كذا مره ما احس فيه نتيجه وايد لان الحمدلله بشرتي بيضه بي المناطق الحساسه مو وايد بيضه يعني يبيلها شغل ههه

المهم دقيت علي بنت خالتي ولا تقولي ترى مزيونه حاطه تنبيه تقول انها طلعت من حواي القرين من 13\10
انا ما صدقت دخلت ولا طلع صج

واااااااي منقهره منه الجلب تكرمون شلون قالها لي بكل ثقه (( هاذي خلطه شقره و مزيونه )) الله لا يوفقه الغشاش

والحين بخلصها وما احس في فرق ببجي

مزيونه ليش ما تقاضينهم هالجذابين وبنت خالتي بعد شرت الخلطه من جمعيه القرين رقم 3 يقولها اي اصليه وتبع البنت شقره و مزيونه

شوفي يستخدمون اسمج وكل غش

الله يعينج على هالاشكال انا اتضايق وايد عيل انتي شلون حبيبتي والله

الله يوفقج يا رب و تاخذين حقج منهم يااااا رب :**

و ان شاء اللع قريب بطلب منج مع الفيتامين

وما استبعد ان الفيتامين اللي معطيني اياه بعد غير فيتامينج اففف عليهم هالنصابين

 

[sweet-ss]

بسم الله الرحمن الرحيم


السيدات المحترمات // عضوات ومشرفات ومديرات منتديات كويتيات

الموضوع /// خلطتي الصابونية:والله بيـــاض على بياض فضيع للجسم ولون واحد وبدقايق _بصــور من تلفوني

تحية طيبه وبعد,,,



شخباركم كويتيات

وخليجيات

وعربيات

عندي لكم خلطه صابونية خاااصه فيني من تأليفي عاااد أبي عليها براءة اختراع منكم اوكي

بنات ما كتبتها لكم الا و انا مجربتها وضامنتها لكم والله يشهد علي

بنات هالخلطة تعطيج بياض على بياض ونظافة حلوه ولون الجسم يصير منور وعجيب وبياض بتشوفينه فوري والله العظيم في دقيقتين بس

وطريقتها سهله وتونس وممتعه
والأشياء اللي نحتاجها مع فوايدها

1-صابونه الكركم ------------------------- ( تبييض+ نظافة+ تشيل الحبوب الدهنيه بالجسم )
2-صابونه الغار--------------------------- ( تبييض + نظافة وتشيل الحبوب وتصفي)
3-صابونه السحرية------------------------ ( تبييض)
4-صابونه البابايا --------------------------( تبييض + تشيل الحبوب وتوحد اللون)
5-ماي ورد قلاص وربع------------------- ( ترطيب نعومه تبييض)
6-اشوية كركم جسم ------------------------( تبييض)
7-ملعقة كبيره ملح خشن -------------------( تطهر الخلطة + نظافة)
8-ملعقتين كبار سفيد اب مطحون- ---------- ( تبييض)
9-ملعقة وسط نشا-------------------------- ( تبييض + لتماسك الخلطة)

والحين نبشر صابونه الكركم وصابون الغار و الصابونه السحرية وصابونه البابايا

نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون

نبشرهم ونحطهم في صحن بروحهم راح تصير عندج كميه من الصابون المبشور

نخليهم ونروح نأخذ جدر ضيج اشوي ما يكون كبير ونحط فيه قلاص وربع ماي ورد ونحط السفيد اب ملعقتين كبار وبعدين الكركم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة <<< طاااع التشبيه المهم

أي والله صج بيذوب وتتكون عندج الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه النشا على طول واهيا حارة على الخلطة وحركيها عدل

وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

طريقة استخدامها:
مع كل استحمام استخدميها اخذي كميه في ايدج وفركي فيها جسمج كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو

وبعد الحمام بعد ما تنشفين جسمج دهني جسمج في أي كريم مرطب للجسم عشان تزيد النعومه وترطبين الجسم بعد الصابون

للعلم انا سويت خلطتي الاولى وخلصت وسويت ثانيه وبتخلص بعد والحين ببتدي في الثالثه ان شاء الله


​

ين احصل الخلطه الله يعافييييييييج
عاجل

 

[ام رهف]

للرفع

 

[Vip Girl ~]

لو سمحتي اختي توصلين الخلطة لقطر لاني محتاجتها ضروري لاني في حال لا يعلمة الا اللة بشرتي رايحة فيها واذا في مجال ادزين لي رقمج للتواصل اكون لج شاكرة

 

[^بنت النوور^]

حاولت اني اسويها بس ما مع الاسف ما تضبط معاي ما ادري ليش

 

[EnG.SaMoRa]

انتي رايحه شهر 10 انا قبل 3 ايام وليلحين رازها ويقول هذي الخلطه حصريه
بليييييييز مزيوونه هذي خلطتج االي عنده؟؟

لانه قاعد يربح على حسابج

انا قربت تخلص مالتي والعطار كان قريب مني فسهل علي اشتري من عنده

 

[من غيري يتدلع]

مشكوره

 

[manhattan girl]

الله صج ما يبيله تحلفين حبيبتي الصراحه خلطاتج ما في عليها ربي دوم يوفقج بس الصور حبيبتي مو طالعه