خلصوني من هالعقده

[NaDer.wjoOody]

هلا اعشقه
والله نفس الحاله منجحيني بالدز تخيلي الفيزيا والكيماء والرياضيات عندي توب
اما النجليزي سالفه عندي والامتحان اذا جا العايله كلها تحاتيني معني كنت ادرس بس مايفيد لان مو مأسسه فيه وماكنت حابته
الحين حابته حييل وخاطري اتعلمه والله كريم وعلي ايدكم ان شالله

 

[HmS al JaLiD]

اب اب

 

[a7la-elbanat]

دشي معهد وتعلمي او حتى بالنت ماكو مشكله
وكلميهم بالعربي ترى يعرفون عادي

 

[NaDer.wjoOody]

تسلمين نبع علي الرفع

 

[NaDer.wjoOody]

هلا احلا البنات حاولت بالنت صعب ماتقدرين
والمعهد اي اوكيه بس ناطره احد يعطيني اسم معهد معروف بتعليم المحادثه النقليزيه مو احط افلوسي علي معهد ماستفيد منه
شاكره ردج يالغلا

 

[NaDer.wjoOody]

بنات معقوله مافي وحده مثل حالتي وادخلت معهد

 

[Ms.MrMr]

والله ما ادري بس برفعلج الموضوع :eh_s(6):

وحياااج ياعضوتنا اليديدة انا بعد يديدة

انا اعرف انجليزي بس مشكلتي استحي اتكلم :eh_s(6):

 

[بحر هادي]

انا استغرب من اللي في ديرته ويبي يتكلم انجليش عشان الاجانب..
مفروض هم يتكلمون لغتنا مو احنا ..

انا تخصصي انجليش..ومع هذا ماتكلم انجليش لما بشتري حتى لو مايعرف..مشكلته هذي مو مشكلتي انه مايعرف لغة الديره اللي جاي لها..يعني انتي اضحكي عليه مو تقولين يضحك علي..
مع ان اختي تقول كلميه انجليش مو فاهم..اقولها مابي..

واذا انتي مو حاسه بالثقه كون لغتك مش ولابد..عادي ترى اهم شي الثقه..اشوف كثير ناس يتكلمون ولغتهم مكسررره واغلاط شكثرر ومع هذا واثقين ولاهمهم ويتكلمون بصوت عالي بعد<< من زود الثقه لوول


يعني صح اهم شي الثقه والطلاقه حتى لو القواعد مكسرة..<<بتطلع نفس الهنود لاتكلموا عربي..نفهم عليهم ولو ان لغتهم مكسره

واذا بتتعلمين لاتتعمقين..حدك بس اسئله في الشراء والبيع..والاسعار والمقاسات والتخفيضات..وهذي محادثاتها قليله مرره..يعني باسبوع تحفظين كم جمله وتصيرين اوكي..

خلي اختك تكتبلك هالجمل بورقه ومقابلها عربي..واقعدي عليها اسبوع وانتي حافظتها..مايبيلك معهد حتى..السالفه ممارسه..

 

[Tom ♥ Jerry]

,


آنزين الاساسيات مآ تعرفينهم ؟!
يعني الي علموج اياهم بالمدرسه المتوسط و الثانوي .،
بس هذول الكلمآت المهمه .,،
مو الا تدخلين دورة .,، بس هم دورات الانقلش حلوة

 

[Freakya]

انا ما دشيت مدرسة انجليزية ولا اروح معاهد ولا دروس خصوصة ولا احد يدرسني بالبيت

انا كنت اتعب على روحي بتعلم هاللغة ادش النت على مواقع اجنبية اشوف افلام وايد اقرى كتب و مجلات و بالمدرسة كنت حدي شادة حيلي بالمادة و لما المدرّسة تطلب برزنتيشن ما كنت اسوي شي سخيف كنت صج اطلع مواضيع قوية و كنت ادش معارض مع قسم الانجليزي

يعني في مليون طريقة و طريقة عشان تتقوين بالانجليزي بس اذا انتي هاملة نفسج و تتكيسلين فما راح تقدين تتقوين وراح تتعبين وايد

 

[~✿ ارتـِوآآآء روح !]

دقايق ادور لج مقاطع في وحدة حاطتهم اهني
وبصراحه عجييبين خندوره وارجع لج > مادري ليش رادة بالله

 

[~✿ ارتـِوآآآء روح !]

تفضلي
تبين تتعلمين الأنجليزي بسهوله ووأنتي تضحكين ومستانسة ومجابلة النت دخلي وشوفي ..!

ديوانية الانجلش

تعلم كلمات انجليزيه : Learn English Words

ان شاء الله افدتج ياروحي

 

[NaDer.wjoOody]

الله يحييج حبيبتي مس مرمر ويسلمووو علي الرفع

 

[VET-Nour]

عاد قبل جم يوم واحد داز بروكاست عن تعليم الانجليزي بدون معهد ولا مدرس خصوصي ,
مواقع اجنبيييه عجيبه بس من حظج مسحتهمم

 

[بيلسآن~]

حبيبتي انا اشووف انج مكبره الموضووع ، انا اذا رحت مكان اتعامل وياهم بلغه الاشاره اذا مافهموا عربي ؟؟

مآدري في ناس عندهم عقده من هالموضووع !! مادري ليش

 

[NaDer.wjoOody]

هلا البحر الهادي مشكوره يالغاليه علي الرد الوافي حتي انا مثلج ماحب اعوج الساني بالنقلش واقعد sooo وما soo وهالنظام
انا احب اتحجي بلغتي لله الحمد بس جد انا لو مامريت بمواقف جان عادي عندي الوضع بس كل ماامر موقف اقووول خلاص لازم احط حد وانا طبعي ما احب اصير غشيمه بشي وترا انا كنت ضعيفه بالماده وااايد ايام الدراسه وماكنت احب اطالع افلام اجنبيه بس الحين حبيتها يعني اكذب عليج اذا قلتلج ان الضماير اعرفها بس she وhe اما الضمائر الي اربط فيها الجمل واكون جمله ماعرفها وانا علي قولتج مابي اصير ممتازه باللغه انا راضيه بالجيد وراح احاول علي طريقتج ان اكتب واحفظ

 

[NaDer.wjoOody]

هلا شمحوطه لا والله ايام الدراسه كنت ضعيفه جدا بالماده اقولج الرياضيات والفيزيا كنت اخذ فل مارك اما النقلش كانت العايله تحاتي معاي لوووول وكل شهر ادعي اني انجح والحمدلله كنت انجح بس بالدز وكنت اطير من الفرح بعد
تسلمين علي الرد

 

[NaDer.wjoOody]

تسلمين freakyaعلي الرد وان شالله احاول

 

[رجــــه بـس رزه]

لازم اول شي ماعاد تسمينها عقدة لان لها تاثير نفسي عليج

 

[NaDer.wjoOody]

ياااااااحياتي سدن صقر مشكوره يالغلا ماقصرتي
ان شالله يفيدني بدخله وبتعلم كذا كلمه منه وان شالله استفيد ماتدرين يمكن اصير فلته بالنجلش عليه
جزاج الله خير ماقصرتي