انتي ماقدرتي شعوره ونفسيته ..!! تدرين شنو قويه عالريال لما يحس انه عقيم ومافيه عيال ..!!
يحس انه مو ريال مع انه شي عادي ..!! وانتي المفروض كنتي تواسينه مو تظغطين عليه بسالفة الفحوصات والعلاج
اللي تحب زوجها تصبر عليه حتى لو مافيه عيال تقول الحمدالله عايشه مع انسان احبه وصدقيني اهو لما يشوفج جذي بيعالج حتى لو بدون علمج
وصدقيني سالفة العقم الي فيه اهي الي مخليته عصبي ومايهتم لانه حاس بالنقص وحاس بالعجز وهاذي ردة فعل طبيعيه
وانتي فوق كل هاذا هددتيه بالفضيحه ..!! تفضحينه انه عقيم ؟؟ ليش هالشي بيده ؟؟ ولا امر الله ..؟؟
اهو اشلون بيامن يعيش ويا انسانه اتهدده بالفضيحه والاهانه ؟؟
حبيبتي انا ما هددته .. بعدين الفضيحة مو بس انه ما يخلف .. الفضيحة اطباعه وتصرفاته واسلوبه وعيوبه الثانية أنا للحين ماقلت كل شي .. هذي الأمور بتخلي كل الناس يرفضون يزوجونه لو فكر يخطب , انا بالعكس قلت له طلقني بهدوووء وبدون شوشرة واوعدك محد بيدري عن سبب خلافاتنا ونقول للناس انها خلافات زوجية وخلاص , لكنه رفض ويبي المشاكل فقلت له خلاص تحمل اللي بيجيك انت بكذا راح تضطرني اقول كل شي وتصير فضايح .. هذا بالنسبة لسالفة الفضيحة .
الشي الثاني انا فعلاً حبيته بيوم من الأيام , لكن هو بغباءه حول هالحب لكره وحقد , مافي انثى تتحمل انها تنجرح وتعيش مع شخص عديم الاحساس وماعنده احترام وتقدير وحس بالمسؤولية
هذا غير عيوبه الكثيرة اللي كل مالها تزيد وتكبر , انا صبورة حيييل والدليل صبرت كل هالسنين مع اني اعرف شخصيته واعرف انه مافي أمل يتغير ماعنده قابليه يغير نفسه ولا مقتنع انه غلط
بالعكس شخص مستفز ومجادل ويحب يشوف اللي قدامه معصب ويحترق عشان يونس نفسه
احس فيه الوناسه بتنط من عيونه لما يشوفني مقهورة ومعصبة شلون اتحمل واحد بهالمواصفات !!
على فكرة من أجلت سفري هالكم يوم وانا العن حظي باليوم 500 مرة لأنه مايبي يتعب نفسه ويراضيني حتى .. انا وصلت لقناعة اني انفصل عنه ومتأكدة انه بيعظ أصابع الندم لما يفقدني
هو الحين من كثر ما صبرت عليه مو حاسس انه شخص لا يطاق وطبعه خايس ومافي مرة طبيعية تتحمله , لكنه بيحس وبيعرف خصوصاً لما يشوفني متزوجة وسعيدة وعيالي حولي حزتها بيحس
سولفت وايد بس توني متهاوشة معاه .. يعني وصلنا لآخر المشوار ويدري انه بيفارقني بعد كم يوم ومو قادر يمسك نفسه من المشاكل واللعب بالاعصاب !!
شكراً لكل اللي ردوا .. واتمنى منكم دعوة في ظهر الغيب .
