خلاص انا فشلت في كل شي .. حتى اللي احبه مات .. ليش اعذب اخوانه معاي ؟

[The Boutique]

السلام عليكم














مابي اطول عليكم
انا كنت كاتبه موضوع ابي طبيب بيطري لان الري عذب قطاوتي كان فيهم اسهال
وامس مات حبيبي الصغير لاحول ولا قوه الا بالله العلي العظيم
كنت وايد احبه ووووايد واااااايد
المهم الحين اخوانه ابي اوديهم ملجأ خلاص صرت منرعبه يموت واحد منهم ويصير فيني اللي صاير فيني الحين
و مابي اعطيهم احد اخاف يعذبونهم ولا مايعرفون يربونهم خصوصا انهم حساسين ومايتحملون برد
ابي ملجأ ناس فعلا يحبونهم ويعتنون فيهم
انا لقيت واحد اسمه paws في غيره ولا بس هذا
ومنو تعرف شنو سياستهم بخصوص انهم يتبنون القطاوه

ادعولي قلبي شاب نار :0bee2e8d89:

 

[.. Dior ..]

ياحياتي لاتتضايقين

والله مااعرف مكان ملجا ولا ودي اساعدج عور قلبي اللي مات

وحاولي تخلينهم عند احد من اهلكم علشان يكونون تحت عينج وتشوفينهم من فتره لثانيه او خليهم عندج واعتني فيهم شوفيلج طبيب ثاني البنات مايقصرون

بعد قلبي الله يصبرج

 

[قلم رصاص]

الله يعوضج خير

لا تتكدرين اختي لأن هالشي طبيعي انا لما كنت اييب قطاوه في منهم يموتون من البرد لأني كنت اسبحهم واهم صغار بس بعدين تعلمت شلون اعتني فيهم واخر وحده الي اهي عندي الحين نفس الشي صار فيها سهال لما كانت صغيره بس اعتنيت فيها عدل ولله الحمد لي الحين عندي وعندها عيال ووحده من عيالها نفس الشي ماتت لما صار عمرها 8 شهور تخيلي شصار فيني

ونفس الشي مثلج قلت بصرف أمها وأخوها لأني ما قدر أتحمل اشوفهم يموتون بس خليتهم ودعيت ربي ان يعوضني خير والحمدالله لي الحين موجودين عندي

انا رايي انج اذا تحبين القطاوه خليهم عندج وحاولي تعتنين فيهم اكثر يعني اذا صغار خليهم بغرفه وحده ولا اطلعينهم لين يكبرون شوي

مادري شقولج بس حبيت اخفف عليج لأني مريت بمثل هالموقف وحاسه فيج

الله يصبرج ان شاء الله

 

[M!SS CHARISMA]

بعد قلبي لا يضيق خلقج والله اني حاسه فيج انا كان عندي قطو مات وعمره ثمن شهور تخيلي سويت له عمليه الاخصاء وصحته فوق التمام بس تتوقعين شلون مات؟؟؟؟ والله شي يحرق القلب كانت خالتي زايرتنا برمضان والخدامه حطت فراش لها بغرفتي وماكس قلبي كلن يلعب بالغرفه ويوم خلصت من جيام الليل ادور عليه بعطيه السناك ماله مالقيته والله العطيم من ساعه 4 الفير لي 6 المغرب ثاني يوم وانا بالسكه ادور عليه على بالي منحاش من البيت بس لما رديت البيت لقوه خنت حيلي تحت الفراش خالتي واختنق والله تازمت نفسيتي شهر وانا بجي وحالتي حاله وللحين ما احب اسمع اسمه
ما عليه بس انتي قوي قلبج واهتمي بالقطاوه الصغار وانا مستعده اعلمج شلون تهتمين فيهم خصوصا بحالات الاسهال الله يكرم السامع لاني عمري ما وديت قطاوتي للبيطري الا لتطعيمات الشهريه ويس لانهم يخربطون واااايد واذا قطاوتج للحين تعبانين قولي لي وانا بعلمج شتسوين لاتنسين ناطرتج حبيبتي

وحياتي الله يعينج كلنا معااااج

 

[دلوعة اخوها]

اها شعور يعذب ما حسيت ويا رب ما يمر علي لان اموت
اكو وايد يتبنون بس هما بالاخير يحطوهم بملجا ويتبنونهم ناس

 

[الطموحه]

تعوذي من ابليس وذكري الله وانتي ما قصرتي مع قطوتج وان شالله ما راح تقصرين مع اخوانه والله يعوضج خير

 

[The Boutique]

ماعندي تعليق غير اني اشكركم من كل قلبي
والله مالي خلق شي بس فراشي اصيح

 

[sHa6o0ra]

كنت ناويه اربي قطوه هونت عقب ماقريت كلامكم تذكرت قطاوتي الي ماتو عندي شكثر على مدار سنين لين اخر مره كنت بالثانويه قلت بس
ماني مربيه ولا حيوان بعد ماسوت عليي عوار القلب والبجي

 

[أم حمودي**MALL**]

انا بعد شكلي هونت
عاد انا على طريف

 

[The Boutique]

توبه مابي اربي حرقه قلبي كافيه عيوني ورمت من البجي
ماعندي شي غير ابجي
مابي اربي بعد خلااااااااااص

 

[**روان**]

اح والله حاسه فيج .. بعد ما تتعودين عليه حيل يروح
حتى انا هذا هامستري راح .. بس ما مات ! ابوي اخذه بيعطيه ما ادري منو ! انشالله يهتمون فيه كاسر خاطري حيل
حيل حيل تعودت عليه ، انشالله ننسى :\

 

[lojeeen]

اختي B UniqUe مادري شاقولج بس الله يكون بعونج

ما يجوز تسوين بنفسج شذي لازم تفكرين بالمشكله و حلها ما تستسلمين ليأس و النواح انتي راح تمرضين باجر
قولي الله ياخذ و يعطي و الله بيجازيج على حبج و اهتمامج بهل حيوانات المسكينه ان كان لها عمر بتعيش أو الله بياخذ امانته

بس ترى شي صعب انج تتخلين عنهم ما تدرين شنو البيئه الجديده اللي بيكونون فيها باجر بعد ما يتبناهم شخص ثاني يمكن ما يفهم
و يقطهم بالحديقه بعز الصيف على بو قطو عادي بينما اهم متعودين على حنانج و اعتنائج فيهم ترى ما يقدرون ياكلون من الزباله و لا يكسرون العظام اهم لا زالو محتاجينج لا تتخلين عنهم لأنهم ما اسعدوج فكري بكربتهم و خلي علاجهم يكون على إيدج البنات عرضو عليج المساعده خذي بيدهم

 

[ام حنونة]

انتوا من صجكم .؟؟؟؟احنا بعد كانت عندنا قطوه مدلله مسمينها نبوية شبشب ...همن ماتت ....ما دايم الا وجهة سبحانه ...صج ضيقتوا خلقي ....يلا طلعي من مود الحزن وشوفي زباينج ...

 

[SaD FaCe]

الله يعوضج ان شاءالله

 

[بــدويه]

السلام عليكم .. مرحبا أختي :aha: ..
حبيت أقولج ان القطاوه الصغيره تموت إذا ما لقت عناية زينة ولازم تتبعين هالشروط لو ناويه تخلينهم معاج ..
أختي القطاوة الصغيره ما تنحط بمكان بارد او مكان سراميك او كاشي ولا راح يجيها إسهال والسهال علاجة بسيط حبوب يعطيج إيها الطبيب وتصير صحتهم تمام ولا غيري الأكل وكليهم الأكل الجاف الدراي فود تحصلينة بالجمعيات وتحصلين بستي سنتر وثاني شي لازم الكل ينتبه لها القطة الصغيره مايصير تتسبح إلا فوق 3 شهور ولا راح تموت لا تسبحووون القطاوه الصغار وع الطاري لا تخلينهم ترى اهم محتاجين لج :eh_s(21):

 

[ياعشيري جعلك السلال]

^^

صح كلامها انا قطاوتي اذا صار فيهم اسهال اشيل الاكل القواطي واخلي الدراي فوود والحمدلله يصيرون اوكي


يمكن انتي توكلينهم اكل بيت دسم !!

او صح برد عليهم يبيلهم مكان دافي قطواتي الصغار قبل كنت احط لهم دفايه بالشتا
وقمت الصبح مالقيتهم ابوي طلعهم لانم قطاوة شوارع
معورين قلبي صج احبهم

 

[قوطي نيدو]

لا حول ولا قوة الا بالله العلي العظيم

 

[تولاي 2009]

اختي الله يجيرك في مصيبتج ويخلف لك خيرا منها
وهذا قضاء وقدر ولازم نرضي فيه
انا راي انج تخلينهم عندج لانهم متعودين علج وتعرفين لهم ويمكن يخذونهم ناس مايهتمون فيهم مثلج والراي الاول والاخير لج
والله يعينج

 

[روان المطيري]

ياحياتي والله كسرت خاطري