خلاصة تجربتي الزوجية تبين تستفيدين حياج

[ذابحهم هدوئي]

رد : خلاصة تجربتي الزوجية تبين تستفيدين حياج

فــ انتظارج عسى ربي يوفقج..

 

[مذهــلــه]

تسلمين حبيبتي

يعطيج الف عافية

ناطرين الباااااااااجي

 

[فنتوكة]

اياااااااااام الفحص


ايااااااااااااااااااااااااااام حلوه كانت ايااااااام فحصي ههههههههههههه



فديت الناااس اللي فاهمتنا احنا نيوو عرااايس نبي حركااات سوالف تنبيهات ارشااادااات



فديييتج كملي كملي وياااج ع الخط

 

[سمر^_^]

بانتظارج يالغلا وبكل شوق ^_^

 

[a7la Maryooma]

رد : خلاصة تجربتي الزوجية تبين تستفيدين حياج

موضوعج واااايد حلوو فديتج
كملي متابعييييينج

 

[a7la Maryooma]

رد : خلاصة تجربتي الزوجية تبين تستفيدين حياج

وي الفحص اذكر يومها ماكليت شي وبطني يعورني خااايفه
بس راح اروح الفحص مره ثانيه وبمشي على نصايحج مو الله يسلمج لما سوينا الفحص
نادونا الاسبوع اللي بعده طلع اهوا عنده الوباء الكبدي ومطعم وانا ماعندي مناعه لاني مااخذيت تطعيمت الوباء الكبدي
وقبل كان عادي يتم الزواج جذي اذا كان اهوا مطعم بس على حظي انا طلع قانون يديد اول ناس يطبق عليهم بالكويت احنا ههههههه
اللي اهوا اذا كان احد ىالطرفين عنده وباء الكبدي لازم الاثنين يكونون مطعمين منه هههههه فعطونا ورقه ورحنا مستوصفنا
وقمت اخذ تطعيمات الوباء اهما ثلاث وبين كل وحده وثانيه شهر باقيلي تطعيمه وحده وبعدها بشهر نروح نسوي فحص مره ثانيه امبيه احس نفسي قبسه هههه
امبيه كتبت قصة حياتي
اعذروني فديتكم بس حابه افضفض خخخخ

 

[احبج q8]

^
^
^

حبيبت قلبي انتي لا قبسه ولا شئ
بس النصيب وما يسوي ووايد ناس فيهم الوباء الكبدي ويتعالجون وبعد فترة اييون ويسوون فحص هذي شغله روتينية عمري لا تتعقدين ولا شئ

اصلن الكبد الوبائي موجود فينا كلنا حاله حال الخلايا السرطانية وفايرس العنقز
بس لازم اييله شئ من خارج الجسم وينشطه علشان يتنشط وبسم الله عليكم تمرضين
بالوبائي او العقز او السرطان
طلعت برى الموضوع بس علشان افهمج هالنقطه

 

[روح المطر*]

متابعه
الله يوفقك ويسخرك ابو الشباب

 

[احبج q8]

الحين ملجتي وخلصتي
في بنت يعطونها رقم ريلها يقولون لها كلمي بس هي تستحي وما تكلمه لحد العرس
وفي بنت اصلا هو الريال يقول ما ابي اكلمها لحد العرس
وفي بنت عوبه ههههههه مثلي تكون تعرف ريلها من قبل الزواج
كل هالبنات اقولهم لا تعبين نفسج وتكملين قرايه ههههههه


الحين انتي بنت ويات ام ريلج والا اخته وعطتج رقم ولدهم
او يمكن عطت امج او خالتج
المهم


انا بنظري وايد احسن انج تبدين بمسج مثلا
هذا رقمي وبس
او نفس الحزه اللي امه او اخته يعطونكم رقمه الشخص اللي ياخذ رقمه من اهله يبادر ويعطيهم رقمج ويقول البنت تستحي تدق خل هو اللي يكلمه\
طبعا
انا برايي لو تبدون مسجات وايد احسن على ما تخذين انتي وتهيئين نفسج
بس اذا ابو الشباب طلع جريئ ويبي يكلمج ما فيها شئ
اول مكالمة لا تردين وحتى ثاني مكالمة لا تردين
خل يقول اي زوجتي حياويه مو عوبه ميته بتكلمني
ثالث مكالمة ردي وبصوت مبحوح ما ينسمع وجنج متوترة وردي على سلامه واشلونك انت ومن هالكلام وبس
لا تطولين اكثر من 2 دقايق
علشان لا يقول ما صدقت وهذذي متعوده خلي كل هالسوالف جدامج شباب الحين امفتحين باللبن
والمسكينة اللي علي نياتها دايم تطيح فيها اما المتمرسه وام عوابة تعرف لهم

نرد للموضوع

اول سبوع خلج على هالموال 2 دقايق وقوليله انا مضطرة اسكره الحين اذا قالج ليش قوليله امي تبيني والا مشغوله حيل وما اقدر ااجل الشغله
وهو راح يصير ذرب لا تخافين بهالفترة كلهم يصيرون ذربين
هههههههههههههههههههههه

في بنات باول يوم ملجه يطلعون وحتى اللي ملجين بعد يطلعون مع رياييلهم هالكلام لج ياجاره

خلج ساكته طول ما انتي معاه ساكته هذا احسن لج وله علشان تشوفين شنو عنده خلج مستمعه هو لما يشوفج ساكته راح يفتح مواضيع علشان يخليج تتكلمين هم انتي ردي على قد السؤال خلي هو يطلع اللي عنده علشان تكتشفين مايته اطباعه وهذا الكلام للي تكلمه بعد خلج مستمعه اكثر من قرقه هذا لصالحج لان هو راح يقرق ويطلع كل اللي عنده

سالج جاوبي قد السؤال
اهلج ما تطرينهم الا اذا هو سؤلج سؤال عنهم وما تطرينهم الا بكل خير عمرج لا تقولين ابوي واخوي مكسريني ومكسرين مجاديفي ومالي كلمه بالبيت وانا حالي حال الياهل ومسكرين علي ومن هالكلام اللي ينزل من قيمتج جدام الريال
لاء اذا بتقولين تطرين موقف عن ابوج بهذل فلاني والا فلانية اللي ضايقتني ومسح بكرامتهم القاع وابوي ما يرضا علي وانا دلوعتهم وامي تحوفني لاني حبيبتها
بس عاد كل شئ بالوسط عاد لا تبينين له انج حيل دلوعه في بيت ابوج علشان لا يحس ان مامنج فود وان باجر لاح يتعب في حياته معاج
اللي بوصله ان خلي لابوج واهلج هيبه عنده علشان يعرف ان وراج ناس يوقفونه عند حده اذا فكر في يوم من الايام ان يضايقج

حلو ان باول مكالمتج معاه يعني مو اول مرة تكلمينه لاء بعد مدة مكالمات ههههههههههه
تبدين بكلمة
- الوووووو توك على بالي
- زين انك دقيت توني بكلمك قلبك على قلبي
- توني ماسكة التلفون وبضغط على رقمك لانك واحشني
- ياااااااااااااااي ولهانه على صوتك وينك ما كلمتي اليوم
- توني على طاريك مع فلانة اقولها لك وحشه


هذا اللي يطري علي الحين

بليز بنات اذا الريل ياه وفتح معاج موضوع وانتي مو عاجبج عمرج لا تعبرين عن غضبج بالصراخ هذا الشئ الوحيد اللي كل الرياييل يكرهونه
خلج هادية وقوليله رايج بكل هدؤو
يعني مثلا العرس كان بفندق وهو متفق معاج بهالشئ وبعدين ياج وصدمج ان حجز بصالة شوفي ظروفه بالاول وليش واذا اقتنعتي كا نبيها ما اقتنعتي قوليله ابليز احنا شنو كان اتفاقنا باول الكبار شنو اتفقوا عليه خلاص يصير اللي اتفقنا عليه خل يحس ان لج شخصية مو بس خلاص انا موافقه ومو خالف
هذا مثال
اللي بوصله لج حبيبتي ان خلي لج راي وهم لا تعصبين وتتنرفزين قبل لا تشوفين ظروفه

خلي لج راي وشيلي كلمة ما ادري من قاموسج الي ماله نهاية يعني بالاحرى انسيها كلش كلش

نقطه ثانية حلو انج تاخذين رايه باشياء تبين تشترينها يعني انتي معاه رحتوا السوق اخذي رايه باللي راح تشترينه في رياييل يتقبلون هالشئ وتلاقينه عادي يعطيج رايه وعادي الموضوع عنده وفي رياييل لاء عنده هالشئ صعب ويخاف يقولج رايه وما يعجبج فتلاقينه يدقرج وقولج انا اشدراني هذي سوالف بنات في هذي الحالة ابد لا تزعلين ولا تبرطمين وتخربين طلعتج بكل هدوء رجعي القطعه مكانها وانتي تبتسمين وكملي تشري عادي وخلاص حطي في بالج ان هذا طبع ريلج ولازم تتاقلمين معاه
بس هم هالسالفه ماراح تعدي على خير هههههههههههههههه
لما ترجعين بيتكم بيت اهلج بنفس اليوم وعند الباب وقبل لاتنزلين تقولين له حبيبي انا اليوم بالمحل ماكنت حابه احرجك بس انت الله يهديك احرجتني ونزلي لج جم دمعه وحتى لو ماكو دموع تباكي ههههههه سوي مؤثرات صوتيه بسوتج توحي على ابو انج تبجين
تدمع ناعم مو اربع اربع بنات دموع ناعمه اوكي نرجع للموضوع انت اول رجل بحياتي وانا احبك وكنت قاصده اخذ رايك بموضوع اللبس ولون مو اكثر انا ------ عاد طقي بجوه ههههههه الاخت رقيقه فاهمين علي بنات خلي يحس على دمه ويراضيج وهم يحس انج رقيقه وحساسه وبالعربي انثى ههههههههههه

موقف ثاني هو معاج بالتلفون وصار اللي صار وتهاوشتوا انتي معاه سلاحج الوحيد التباكي ههههههههههه والله سوي صوتج انج تبجين حتى لو ماكو دموع وقوليله خلاص خلاص انت بس قصدق تبجيني وكاني بجيت انا ما اتحمل انك تعصب علي وتتنرفز
وبس سوي مؤثرات صوتيه انج قاعده تبجين هههههههههههه وراح تشوفين ان اللي انتي تبينه راح يمشي لا وفوقها بعد ياقلبي بيراضيج

ناطرة ردودكم علشان اعلمكم على عيارتي واللي ماتبي كيفها راح اعلم اللي يردون علي بس لا وعلى الخاص بعد هههههههههههه
نحاسه
الله يوفقكم

 

[مذهــلــه]

تسلمين حبيبتي يعطيج الف عافية والله نصايحج ذهب

صاجة الرياييل يحبون البنت الحياوية والهادية

بس حبيبتي سؤال دام قاعدة تتكلمين عن فترة الملجة : ااااممممممم

حابة اسأل عن طبيعة المسجات اللي تكون بينا بهالفترة؟؟ وهل لازم أنا اللي أبادر بكل مرة والا اطنشه اذا شفته مايسأل

يعني يمكن هو مو حاب يهليني عن دراستي انتي اشرايج؟؟ حلو اتواصل معاه والا اذا هو ماسأل أنا اطنش بعد ؟؟

 

[طبعي كذه]

بالمفضله لمتابعت جديدك

 

[عذبة الطيش]

جزاك الله خير

 

[احبج q8]

^
^
^
الف مبروك حبيبتي
وهالا هالا بالدراسه معد نافعنا غير شهادتنا حياتي
وحلو منه ان يخاف عليج وما يحب يلهيج
المهم

انا ما احب اللي تطنش ريلها ولا اللي تلزق فيه حيل
حلو الحل الوسط
يعني حلو انج تعبرين عن مشاعرج بس مو كلها لاء تحتفظين بالباقي لج ترى الريال ما يحب اللي تلاحقه حلو تبينين له انج مشتاقتله
يعني انتي تقولين هو ما يراسلج لانج تدرسين وهو ما يبي يلهيج
انتي الليله طرشيله مسج :
تصبح على خير ياكل الخير بحياتي


ونطري لحد باجر لا تطرشين حتى لو هو طرش مسكي نفسج واذا دق ردي وقوليله حبيت اعبر عن اللي احس فيه لا اكثر ولا اقل واتمنى اني اقوم الصبح والاقي مسج انت معبر فيه عن اللي تحسه
بهالطريقه راح يرد عليج

طريقه ثانيه طرشي مسج :
طريت على بالي وحبيت اطرشلك مسج مالقيت غير كلمة الله لا يحرمني منك اطرشها وانت شنو ترسلي
لا تاخذينا على انها طراره
انتي بتعودين ريلج على اللي انتي تبينه عادي لازم انتي تبدين
مسج ثاني :
كل ثانية وكل دقيقه تمر علي توحشني فيها اكثر وانا شنو بالنسبة لك

اتمنى اكون ساعدتج

والله يوفقج

 

[مذهــلــه]

ماشاء الله عليج فديتج والله ^_*

عجبتني مسجاتج ... صاجة خالاتي دايم يقولون لي جذي بس أنا استحي ومااحب اقط نفسي عليه

دايم يقولون لي تواصلي معاه .. لاتخلينه ينساج بالعكس ذكريه فيج بين فترة والثانية عشان يتعلق ^_^

يسلموووووووووووووووووووووو حبيبتي وان شاء الله الليلة راح اطبق اول مسج

 

[sharshora80]

رد : خلاصة تجربتي الزوجية تبين تستفيدين حياج

ما شاء الله عليج زين تسوين
الله يعطيج على قد نيتج

 

[كويتية نايس]

رد : خلاصة تجربتي الزوجية تبين تستفيدين حياج

يسلمووووو

 

[سـلام العـشق]

ما شاء الله عليج افكار حلوه ومفيده

ذكرتيني بوقت الفحص انا كنت على طول لابسه نظارتي علشان اقدر اشوفه

واستفدت من أشياء ان شاء الله بطبقها بعد ما نملج ومتابعينج حبيبتي

 

[عروسه new]

خوووووش مووووضووووع
ومنكممم نستفيييييد ؛)


متااااابعه

 

[احبج q8]

حياكم خواتي
عروسات ميخالف انا مومعارضه الرسائل على الخاص بس كذا رسالة وايد مهمه يتني
يعني الاسئله وايد شفتها لو كانت على العام والكل يستفيد يكون احسن
كلنا هني مجرد نكات محد يعرف الثاني فمافيها شئ اذا حطيتي اسئلتج هني علشات العرايس بعد يستفيدون من مشكلتج وردي


الله يوفقكم

 

[زامليه وافتخر]

كملى حبيبتى موضوعج واايد حلوو

وانا بفتره ملجه واكلم ريلى احب انى اعرف عنه اكثر واكثر ..وانا حيل استحى منه شلون اشيل هالحاجز بينا.؟​