خلاااااني وراااااح وبعيد بروحي ...

[اميره1980]

انا حاسه انج تراددينه وايد
الريال ما يحب المره العنيدة او اللي على اي كلمة ترد عليه بعشرة
ما حاولتي تسوين جو رومانسي او تحجزين بفندق لكم او سفرة على السريع
الحين البنات صايرين يفنتقون كل شوي طالعيلهم بشغلة
الله يهديه لج و عليج بالدعاء بالهداية حقه

 

[fdeet_shosho]

حبيبتى طنشيه دام هذي سوالفه ادرى مانقدر بس صدقيني اهوا يدرى انج حاطته اكبر اهتماماتج وانه اذا زعلتى بترضين وتردين له بالعيد عيدي واستانسي اول عيد استانسي ويا عيالج بالعيد وثانى عيد طلعى ويا رفيجاتج وخلى عياله عنده وطلعى بروحج شوفيلج اى احد من رفيجاتج وطلعى معاها بالعيد غيري جو ومهما صار هاليومين لاتدقين عليه كلش حتى لو يدق لاتردين عليه عطيه طاف وفرحي نفسج هم فوق شينه تظلمين نفسج وياه وتنحبسين بالبيت لا والله ان شافج فرحانه بينصدم شلون بتستانسين بدونه خل يعرف ان وجودة شي ثانوى بحياتج والله يهديه لج ويسخره لعياله

 

[Q8Lady]

امين ربي يسمع منكم
انا كنت قبل ارادده بس الحين لا ما ارد بس اهوا اللي تغير

 

[Spanish Princess]

رد : خلاااااني وراااااح وبعيد بروحي ...

البنات ما قصرو

طنشيه وادعيله بل هدايه

ولازم تذكرينه بالصلاة

واذا ما نفع احرجيه قوليله انته قدوة عيالك لا شافوك تصلي بيصلوون


والله يهديه

 

[TeAcHeR_BeZaRiN]

رد : خلاااااني وراااااح وبعيد بروحي ...

اولا : لا اتعاقبين نفسج بعيد المسلمين مافي احد يستاهل وانتي جذي ولا راح تكسرين خاطره ولا شي متي وانتي اتحاولين تكسرين خاطره وتعتذرين شنو اسدفتي بس ذليتي نفسج وايد واهو مرتاح


ثانيا: لااااااحظي وفكري عدل بالي بقوله (( لما كنتي تكسرين الدنيا على راسه وادافعين عن كرامتج بقوة يوم انه خانج كان يرد ويعتذر منج ويسوي المستحيل عشان يراضيج بس لما هانت عليج نفسج وضعفتي وقمتي تعتذرين لانج كنتي ادافعين عن كرامتج قام اهو صار القوي وطنش فيج))


ثالثا : لان زوجج شغلج الشاغل ومالج رفيجات ولا طلعات واطالعين لله ثم اطالعينه فلأهو حس بمدى ضعفج وحاجتج له ومايبي يحبس نفسه في روتين حياتج الي اهو محوره واهو اصلا حافظه


الي لازم اتسوينه انج تسترجعين قوتج وادافعين عن حقوقج بقوة
عيدي مع حبايبج الموجودين بالكويت طلعي مع الناس الي ترتاحين معاهم وسعي نطاق رفيجاتج ومعارفج وخليه يحس انج مهمه بحياه الناس وانه في غيره مستمتع بوجودج بحياته خلي محور حياتج عيالج ثم وناستج وواجباتج الاجتماعيه
خلي يحاول يكتشف اشياء ماكان يعرفها بشخصيتج

ومثل ماقتلج لا تحرمين نفسج من فرحه العيد

وعيييدج مبارك يا عسل

 

[مسك وطيب]

رد : خلاااااني وراااااح وبعيد بروحي ...

الله يهديه لنفسه ويرزقه التوبة النصوحة ,,, ادعيله بالهداية الصلاة هي أساس الدين شنو تترجين معامله من واحد مايصلي الا يوم بالاسبوع
لاحول ولاقوة إلا بالله ,,,

 

[( درّه )]

أمبيييييييييييييييه ..

دمعت أعيوني والله ..

الله إيعينج يا أختي ..

تبين أنسبّ حل ؟

" الطناش"

ريلج ما نفع معاه ولا أسلوب ليّن ,, جربي معاه أسلوب " التطنيش " لعلّ وعسى ..

وخلييج دووم مع ربج .. وأدعي له بالهداية ..

دامه ما إيصلي أكييد بأتلاقينه ضايع .. الله المستعان ..

الله إيردّه لج يارب .. ويسخره لج إن شاء الله

 

[قـہۈه فـرنسيـہ™]

الله يهدي سركم ان شاء الله ...تبين الصج ! انتي اللي خليتيه يتماادى يغلط عليج وتترجينه يراضيج أو انتي تسامحينه هذآ أكبر غلط ...


طنشيه جم يوووم ..لا تكلمينه ...كلمج ردي عليه بحجم السؤال لا أكثر ولا أقل ...


اممممم شقول لج ...بصرآآآحه انتي تبين الضيم لنفسج ولا شحااادج صابره كل هالمده ...ما عطيتيه طرااق قوي يصحيه ...

 

[ام اغلى الناس]

وكل يوم تقريبا اعتذر منه على اللي سويته صدقوني ما ابالغ لكم يمكن مليوون مره اعتذرت له وبجيت وطحت على ريله ان ينسى اللي سويته
غلطانه انج نزلتي نفسج له و تعتذرين كل شوي
جدامج حلين ... اما تهتمين بنفسج و تجذبينه بطرق غير مباشره لج و يكره اللي يكلمهم
او تعلمين ابوج و اخوانج عليه يتصرفون معاه
الله يهديه لج

 

[امواج الكويت]

عسى ربي يهديه ويرده لج ردا جميلا

 

[حزينه 22]

رد : خلاااااني وراااااح وبعيد بروحي ...

الله يهديه وعن الاعتذار اختي مهما تحبينه وماتبين فرقاه لا تقوينه على حساب نفسج انتي سويتي قولة المثل تبي تفطم ولدها جابتله بقره ههههه اضحك معاج وابيج تضحكين وتنطشين شوي والله يهديه ويسخره لج

 

[أنا Top أنا]

رد : خلاااااني وراااااح وبعيد بروحي ...

ربي يصلح الحال ~

 

[م فطومه]

حبيتي انتي شخصيتج ضعيفه لاتزعلين مني اعتبريني اختج العودة وسمعي للاخر... شنو تذلين روحج عشان يرضى على شي اهوا سواه اهوا وصلج لمرجلة الينون والحمدلله انها يت على تكسر الاغراض واذا استمريتي على هالحالة بتحطين الحرة بعيالج


اهمليه شوي مو كل ماتشوفين ويهه تعاتبينه ولا تقوليله ابي رضاك لا يا ماما عزي روحج شوي وكلمة ان اهلج مايبونج مطلقه هم مايبون بنتهم تنهان واهي ماسوت شي


اما بنات الحرام فحسبي الله عليهم وثقي ثقة تامه ان ماردة لج بيلف ويدور وبيرجع


قومي اليوم روحي الصالون وكشخي مو حقه لا حقج حطي كل الام والجروح الى فيج ودلعي نفسج ترى الدنيا ماوقفت عليه في بداله الفففففففففففففففففففففففففففففففف اذا الله ماوفقج معاه لا سمح الله
اهم شي صحتج وشبابج ترى الريال اذا شاف المرة ملهوفه عليه يتغلى حقريه شوي

 

[shwarveske]

حبيبتي انا مع البنات لا تقصرين معاه بشي قومي بواجبات بس مو عشانه عشان مرضاة لربج
وهل قلب ريحيه ترا مو نافعج اذا صار فيج شي من كثر هل هم وخلي عيالج بين عيونج ترا يتأثرون من نفسيتج
والله يسخره لج

 

[حنون المزيون]

رد : رد: خلاااااني وراااااح وبعيد بروحي ...

حبيبتى بقولج شغله انتى غافله عنها
وريلج ترى مو هو الوحيد اللى موجود بالدنيا نفس طبعه انا اعرف وحده اكثر من مصيتج بعد

بس تدرين ياقلبى شنو علاج ريلج
اول شىء انج تتوجهين حق ربج صيرى لحوحه بالدعاء هالايام فضيله وربج مايرد عبده
استغفرى وايد كثر ماتقدرين
قولى حق نفسج انا احب ربى اكثر من ريلى
لا يكون ريلج اهو شغلج الشاغل
خليح ثانوى بحياتج
جابلى عيالج
لا تدقين عليه كلش
طنشيه
ان دخل البيت هللى ورحبى فيه
ان طلع من البيت عديه مو ريلج
انسى رق التلفون ماله
لا تهتمين فيه
واذا دخل البيت وحسيتى انه معصب ويبى يناجرج نزلى راسج ولا تردين
واذا خلص كلامه
روحى دار ثانيه ولا تبينين انج زعلانه ولا يشوف دمعه بعينج ديرى بالج
الرياييل مايحبون دمعه المره
عطيه حقه وفراشه
غسلى هدومه
سويله كل شىء
ان قال يمين قولى يمين
وان قال يسار قولى يسار
عطيه كل شىء يبيه طبعا فى مايرضى الله
طيعينى يا حبيبتى لا تحنين وتناجرين
لا تقولين له نبى ونبى ونبى
عطيه فتره طويله وتحملى وادرى ان صعب عليج هالشىء
بس انتى تقولين ابى بيتى وريلى وعيالى
ترى هذا علاج ريلج
ماطار طير وارتفع الا كما طار وقع
انا اعرف من اهلى نفس نمونته
كاو واحد منهم الحين قاعد تحت جناحات مرته بس يطالع ويها يضحك ولا زعلان
مع العلم كان يطقها طق لا صار ولا استوى
بس لما سوت هالطريقه استحى على عمره
تقولى يا ام احمد دايما ادعيلج مو مصدقه ريلى اشلون تغير جذى
تدرين قبل يقولها ويهج نحس ويلوع الجبد اشكره مره قالها اشلون خذيتج ما ادرى
بس تحمله واصبرت ونالت ولله الحمد

كل شىء يبيله صبر
وان لم تصبر فاصطبر

سوى اللى قتلج عليه
وان شاء الله بتبشرينا بالخبر الزين قولى آمين

هدا الكلام العدل

 

[shwarveske]

حبيبتي انا مع البنات لا تقصرين معاه بشي قومي بواجبات بس مو عشانه عشان مرضاة لربج
وهل قلب ريحيه ترا مو نافعج اذا صار فيج شي من كثر هل هم وخلي عيالج بين عيونج ترا يتأثرون من نفسيتج
والله يسخره لج

 

[Q8Lady]

اللهم آمين الله يسمع منكم ويهديه يارب
ماقصرتوا

 

[آم آحمدو]

واي حبيبتي الله يعينج ويهديه ياااااااااااااااااااااااااااااااااارب

ويهدي كل رياييلنا

 

[M!sS_D!oR]

عسى الله يهديه

 

[Q8Lady]

آمين يارب العالمين