خـــلص عرســــي ( تعــالوا سألوني) ** اسأل مجرب ولا تسأل طبيب :)

[ɱęɱǫ]

شي ندمتي مااسويته قبل زواجك وبعد

والله يسعدك

 

[(حكاية قلب )]

خو موضوع

اب

اب ​

 

[قطوه بطه]

اممممم انا اول شريره تسألج ههههههاي تعالي تعالي








خخخخخ لا تخافين ، بس ببلش بالسؤالف السخيف لووووول

شنو شعورج اول مادشيتي القاعه ادري مرتبكه بي اقصد حاولتي تدشين مع الاغنيه اللي طالبتها انا ابي ادش بالترتيب بالضبط لووووول وشنو شعورج اول ماقالوا شيخ الشبااااب بيدش تغطواااا يلا قووولي







والسؤال الصجي

شنو تمنيتي لو انج سويتيه بيوم العرس اقصد بوقت العرس بالليل يعني ندمتي انج ماسويتيه

ي حي الله اول عروسه شريره ههههههههه

ممم انا بطبعي جريئه احساسي جدا عادي دشيت بثقه بس حسيت ببرد هههههه والله وطالعت الناس واخز المعازيم بعد هههههههههههههه ترا صج ماتغشمر

الدخله دخلت ع ذوق الفنانه كانت حليوه الدخله معني ماسمعتها وقتها كنت منصمخه ههههه
ماحطيت ديجي عشان ميزانيتي كانت تكح كح طبعا راح اققولكم ع شنو فسفست فلوسي
بس من ناحيه تنظيم الدخله كانت عادي لا تحاتين كل شي بيمشي بدون تنظيم او خطط

سوالج الثاني الشي الي ندمت عليه اني ما عشت هالليله بكل تفاصيلها والله والله ي بنات ليله بالعمر لا تطوفونها اوكي حيا وتوتر بس لا يغلب عليج لدرجة انج تخربين ليلتج
تحسفت اني ماسهرت اسولف وياه خمدنا ع طول هههههههههه كنا تعابا

وبث :$

 

[قطوه بطه]

حناين ي هلا وغلا الله يبارك فيج تسلمين وهذول خواتي والله يشهد اني ابي لهم الخير

من ناحيه التمييز ماتميزت الا بطلتي اول ليله اهي الي ركزت عليها بما اني ساكنه بشقه بروحي والشي الحلو الي سويته اني حاولت اني اخذ ستايل كلاسسيك يعني لو بعد مليون سنه ماتروح موضته عشان لما اشوف الصور ما اتحسف وهذا الي انصح العرايس فيه خلو الهبات لان الهبه عمرها قصير بعد فتره بتضحكين ع الستايل وحلات العروس لو بعد مليون سنه تضل حلوه

من ناحيه ممنوع الشتهير انا عارفه بس اختي انا خسرت مبالغ مو شويه مع مشاعل نصب نهب عيني عينك وودي انبه البنات مابي يصير فيهم الي صار فيني والله يشهد مو عدواه لاحد بس ابي اطرح تجربتي بالتفصيل واقلل خساير العرايس

وشكرا يا قلبي عالمرور

 

[شذونه]

هلا هلااا

اول مصحيتي من النوم شسويتي وشلبستي وين ررحتي

احسنا طلعنا برا الموضوع لووووووووووول


اممممم ياربي نسيت بس اتذكر برجع

 

[قطوه بطه]

انوار الكويت حياج الله اختي ان شالله تستفيدين وانا حاضره لاي سوال ي قلبي :*

غلامور مطير هلا وغلا ببنت العم هههههههه مكياجي يالغاليه كان صالون العرايس الاول اكيد حنان دشتي شعري عند زينب ومكياجي عند امل كنت فعلا مميزه لدرجة يمكن ثلاث عرايس حجزوا لان اعجبهم شكلي (((( بس عندي تعليق ع فرع بستكي الله يهداهم ماكو معامله خاصه للعروس تصفين دور حالج حال الي دافعه 40 وزحمممممه مو طبيعيه لو جيتي متاخر راح تطلعين متاخر وحوسه شوي وبس )))))))))))) الون المكياج لون الكريم طبيعي وروعه العيون ذهبي بس خفيف جاي ع صدفي مع شوية بني ام الحمره حمرا بنفس لون المسكه جوري التسريحه ع حسب الطرحه انا صممت لي تسريحه حيل ناعمه ودخلت الطرحه بشكل روعه زينب صج صج مبدعه


بدلتي كانت بدلة الاحلام ههههه طبعا عند زياد انطوان الي نص عرايس كويتيات ماخذين منه روعه شوي بحقها ما تحسفت اني دفعت 1600 (( تعليق عالبدله انها كورسيه فيه سيام حديد لبسوني وعقب قعدوني عالكرسي الصغير اسوي شعري ف انجفس الكورسيه طلع كان لي كروشه حتا بالصور باين هذا تعليقي الوحيد ...

الدخله مثل ما قلت بالرد الي فوق ممممممم بالنسبه لاول يوم شلون غسلت وبدلت هذا بحطه برد بروحه حق الكل نطريني :*

المشاغل راح اتكلم فيها بعد قليل هههههه ولا تتوترين ولا شي وربي مايحتاج كللللش عيشي حلظات العزوبيه استمتعي نصيحه :* وموفقه قلبو

 

[قطوه بطه]

الاميره جوري الله يسلمج ويخليج لعينن ترجيج :*

عنزيه حسيت اني ماسويت عبي طلعات كافيه اغلبهم فيها شغل ف صار عندي نقص عبي اما الملابس حسيت اني كثرت اشيا مزلطه وبجايمي كانهم بجايم عجوز اتسوعب ورحت شريت نظام شورتات وبديات << كثري منهم نصيحه واشتري كارديغانات او بلوفرات ملوننه عشامن لا توهقتي بشي مزلطه ترقعين الموقف ههههههه وتحسفت اني لما كنت اشتري ماكنت اركب القطع واشوفهم كاملين يعني اي شي احط عيني عليه اخمطه فصار عندي اشيا مرقعه ما تتركب
لما قمت من النوم مادري حسيت مخي مخربط ههههههه يبيلي فورمات ههههه طبعا يبيلج شهر ع ماتنامين صج صج هههه
وموفقه يالغاليه :*

شوشو طرحتي مع النفنوف كانت الطرحه اقصيره ع الكتف حيييل كيوت شعوري اول ماقالوا المعرس جا حسيت قلبي قلب طيران وكواسير ( بالعلم انو كنت اكلمه واطلع معاه يعني اعرفه بس الشعور غييير مخيف تحسين خلا صارت الصجيه ههههههههه وعشان محد يفهم غلط اهو يصير لي عشان جذي ميانه بس عالكوشه شعور غريييب ماقدرت حتى ارفع عيني


مزاجيه مسكتي كانت مدوره كلاسيك جوري وشوية لولو اخذتها من الجره بحدود ال60 المشاغل وما ادراك ما المشاغل حبيباتي فتحوا اعيونكم شوي روحوا البلوكات تكفوووون وادعولي واكو خياطين لو تاخذين صورة اي موديل ينسخونه


نوفاتي جزاج الله خير حبيبتي

يرخصلك ي هلا ومسهلا مبطي ماشفتج ماكنت متوتره كنت مو صاحيه كل شي اسمع عنه اجربه هههههههههههههههههههه

عاشقه الاسلام مشكوره يالغاليه عالدعوه الحلوه مثلج اجمعين

 

[مكحوله العين]

هاي بطوطة شلونج الف مبروك العرس بالتوفيق ان شاء الله انا متزوجه من زمان وعندي بنتين بس استمتعت بالموضوع وحابه اشوف ردودج الباقيه علي اسئلة البنات بس في نقطة بطلع شوي عن الموضوع نصيحة متزوجة الزوج اهم شي عنده تحترمينه وتسمعين كلامه ولا تستقوين عليه وانجج مدلعه عند اهلج بيني له اناهوا الكل في الكل وبسسسس :eh_s(22):

 

[قطوه بطه]

معلمه شيسمونه هلا وغلا اي بالضبط والله والله اني مابيكم تخسرون مثل ماخسرت وربي مبالغ لدرجه فلست
بس نصيحتي مثل ماقلت خلو المشاغل ع صوب وروحوا للخياطين الهنود بالبلوكات شوفوا وردولي خبر هههههههههه ان مالقيتوا نص الي بالمشاغل اهناك وارخص واحس ماكون انا بنت امي ههههه
قسما بالله رايحه معرض ووحده تبيع جاكيت ريش وجاكار انا ماخذته ب 23 وربي ي بنات تبيعه مع نفنوف ساده استريش كامه شلحه حتا الخامه رخيصه تهقون بجم ؟؟؟؟؟؟ وربي ب 150 وعشاني بتعطيني يا ب 120 @

ادمنت حبه الله يبارك فيج تسلمين

راعيه بيت تسلمين يالغاليه

فراوله انا اكلمه لانه يصير لي من قريب لو واحد غريب ما كلمته شوفي المكالمات لها سلبيات واجبابيات انا ماخذه عليه من ناحيه طبع بس شعور الصدمه مالت المكان شوي غريبه والشوق لحياة العزوبيه غير هذا لا تحاتين
(((((((((( بنات راح تصيرون حساسات اول شهر يعني لو يقولج ي جيكره عن ضحك راح اتطقينها بجيه هههههه واحيانا تبجين بدون سبب هههه بس ترا كل هذا طبيعي

مي مو الشي الي ندمت عليه اني ما استمتعت بوقتي مع صديقاتي ماطلعت ما سويت حفلة توديع عزوبيه ههههههه او اقلها يجوني البيت تحسفت اني ماجهزت مبجر وارتحت اقلها اسبوعين لان لاخر يوم كنت اروح السوق اخلص شغلي تحسفت ماشريت ذهب تحسفت اني سويت تقشير لان ماجاب نتيجه ومن غبائي مسويته تقريبا اربع مرات تحسفت ان ماطلبت منه يجيب لي هدايا كل اسبوع او اسبوعين وووو اشيا واجد بس خليني اتذكر هههههههه


حكايه هلا ومسهلا منوره وشكرا عالمرور:*

 

[قطوه بطه]

شذونه ما طلعت الا لاهله وردينا الشقه لبس ماتذكر بس ماكان مهم حيل صر احه ههههههههههههههههه

وناطره اسالتج يالغاليه

مكحوله العين ي هلا ومسهلا نورتي الموضوع والله يخلي لج بنوتاتج الحلوين وان شاءالله تشوفينهم عرايس
هذي النقطه مهمه لان صج الحياة تختلف مليييون بالميه انا حاشتني صدمه وللحين هالصدمه فيني معنه كملت شهرين وهذا الي يخليني ام دمعيه كله ابجي وادري غلط ان الرجال يتعود يشوف دمعتي ع الشي الي يستاهل وميستاهل بدذي ماتصير لدموعي هيبه
اكيد العناد مايوكل خبز والدليل تهاوشنا ع نقاب هههههههههه بس يالغاليه بعد مو كل شي حاضر وع راسي لازم شوي يكون للبنت شخصيه عشان مايتعود انه يفرض عليها كل شي
نخلي الافتاء ع حسب الموقف هههههههههههههههههههه نورتيني واسعدتيني فديتج ونبي نسمع بعد منج نصايح :*

 

[قطوه بطه]

اوه تعبت من الرد شكلي ارد بضمير ههههههههههههههههههههه

نجي لموضوع شاغل كل العرايس الي هو اول ليله شلبس شحط شهبب صح ؟؟؟؟

انا شريت قميصي من ذكائي الخارق قصير طبعا غلط شنيع اتمنى محد يطيح فيه لاسباب عديده

اولا اذا ماراح تشيلين كريمج راس تصير سيقانج لون وجسمج من فوق لون بيطلع رعب هههههه
ثانيا لااااااحقه عالقصير يا مالج من القصير بعدين حلاته طويل ومحتشم نوعا ما لانج راح اتجسدين البراءه الي راح تفقدينها لما تتعودين عليه بعدين ههههههههههههههههههههه
ولان شكله اذرب بمليون مره هههه نصيحه

نرد لمحور حديثنا الا وهو المكياج والكريم ( بنات لا تحطون لوشن قبل تالكريم والنتوا بالصالون عشان كريمكم يثبت )
عن نفسي انا رحت خففت مكياجي وغسلت جسمي ( الكريم غثيث بس طلع لما حطيت زيت جونسون = ذكروني احط رد خاص لهلزيت العجيب والله والله خيال احطه يوميا بعد الشاور لدرجة زوجي يقول احس بشرتج بشرة طفل شتحطين انتي؟ )
اختاروا بودي لوشن ويا سبري يكون مميز لان هالليله مميزه بكل تفاصيلها وراح يتذكر الريحه لاخر يوم بحياته ههههه
(هم بعد ذكروني اعطيكم اسامي اللوشنات من باث اند بودي وورك)
ماغسلت شعري بس بطلته وعطرته
مممم شنو بعد شنوووو بس اذا في شي ناسيته ذكروني فديتكم امواه

 

[قطوه بطه]

اهم شي خلصوا تجهيزكم قبل العرس بثلاث اسابيع على الاقل واستمتعوا تكفووون لا تغلطون غلطتي

 

[فراولةksa]

الله يخليكم لبعض ويحقق لكم ماتتمنوووون
وكمليييييي موضوعك لا تتركينه لاني استفدت كم شغله منك
مششششششششششششششششششششششششششكوره

 

[Glamour-mutir]

بطوطه حبيتج في الله 

الله يسخر قلب ريلج لج 

بس لا تستانسين الرد مافيه اساله بيلج
صبري علي 

 

[Q 8 Y A t]

يااااي ذكرتيني في نفسي

انا كنت احس اني بموت

اقول خبله ليش تزوجت هههههههه

 

[معلمة شيسمونه]

ياحلوج يا بطوطه والله جــــــــــــــــد اتمنى انه يسمحون بذكر السلبيات والايجابيات بحياديه

لاني بسوي نفسج

وتعالي شحقه شاريه قصير اول ليله

انا نويت على البجامه وانتي تبين قصير هههههههههههههههههه كل يوم اتهاوش مع امي واحلف الا البس بجامه

 

[free SpiriT]

السلام عليكم

الله يسعدج و يهنيج يا رب

بس عندي ملاحظة ع آخر صورة بتوقيعج please God if you can't make me thin

ما يصير نقول لله إذا ما تقدر (استغفر الله)
عشان جذيه حبيت أنبهج عشان تشيلينها أتمنى تتقبلين ملاحظتي الأخوية :eh_s(22):

 

[شذونه]

الله يسسعدك ياقلبي

وزيت جونسون قصدك بيبي اويل من جونسون لاني كل مابي اشتريه احسسه يسمر الجسسم هههه

مع اني ماعمري جربته
واممم شخبار شيمسونه انها شالله سهل وسريع ومايوجع

 

[(حكاية قلب )]

اببب

 

[شموخ داري]

صج موضوع حلو والله يوفقج
ويخليلج زوجج​