خطيبي وطوله طول الباب بالضبط !! والله مابالغ .... امبيه مو صج !!

[هيبة ملك]

أهم شئ القبول إذا انت متردده

 

[رتبه دبلوماسيه]

استخيري والله يكتب اللي فيه خير

 

[~lonly-sister~]

مشكوره حق كلللللللللللللللللللللللللللللل اللي ردو علي

ماقصرتو والله

يافديتكم وحده ورا الثانيه ^_^

 

[Nmnoum]

استخيري بعدين شوفي ارتحتي ولا لأ

 

[~lonly-sister~]

بنات قبل كم يوم بعد الأستخاره بكم يوم حلمت اني لابسه فستان مشمشي نافش وحلو مره وعاجبني

ومريح لدرجه موطبيعيه يعني مع انو الفستان نافش بس حيل خفيف ومريح ومن نفس الفستان ماخذه ورده مشمشيه وحاطتها

بشعري وامشي وأنا حفيانه وادور نعولي تكرمون واقول نعالي ضايع بس كنت شبه مرتاحه ومستغربه اني حفيانه ادور نعولي!!

وقمت من النوم مبسوطه

وبعدها بيوم حلمت اني لابسه فستان ابيض قصير حلو بس قصير وضيق وضاكني حيل احس اني مو قادره اخذ راحتي فيه وقمت

من النوم مستغربه حيل


شسالفه يعني زين ولا موزين

امبيه احس اني خبله ماادري بهالسوالف

ساعدوووووووووووني الله لايهينكم حبايبي

 

[ياحُبِي لِلكويت]

الله يوفقج ,,,

 

[~lonly-sister~]

اب اب اب اب اب

 

[غلآوي .~]

فسسري حلمج وشوفي شتفسيرهـ

وإن شاء الله خير ..

 

[pinkoosha]

يا حلوه قولي هالحجي حق اهلج اذا ما اقتنعو بكلامج صلي الاستخاره وتوكلي على الله لانه باين من كلامج انج مو قاعده تفكرين بمنطق, الله يهداج الريال ولد عايله ومثقف صج تفكيره راح يكون غير كونه دارس بره بس عادي اعتقد راح يتوافق مع تفكيرج لانج صغيره والاردن يمدحون جامعاتهم بس مو احسن من كندا, اذا اهوه صغير على قولتج خل يكبر معاج ولا تتزوجين واحد كبير خربط ولعب... وأجلو سالفت الحمال تو الناس وشهادتج ماردها راح تكون بيدج, فرصه حلوه لا اطوفينها واذا كان هالزواج خير عليج عسى الله يوفقكم

 

[نازك الملائكة]

طيب وبعد كلامنا بتسمعين اللي بنقوله؟ الحمدلك والشكر العقل نعمة انا اقول الله يعينه عليك جالسة حش فيه

 

[جوك احلى جو]

صلي استخاره وانا اشوف اعذارج مو قويه

الله يكتب لج اللي فيه الخير يارب

 

[حجيه هيونه]

مانقدر نقولج غير انج لازم تستخيرين والله يهديج ان شاء الله

 

[مشتهيه ومستحيه]

تبين نصيحتي اتركيه واعطيني اياه ههههههههههههههههههههههههههههههه

والله تبي تترك الريال مره عشان طويل ومره انا بعدني صغيره مو مال اتحمل مسئوليه ومره ابي شهاده

انا امي الله يحفظها ويخليها لنا تزوجت ابوي واهي عمرها 14 .. قبل صج حريم مو الحين

تلقى عمرها بيصك الـ 30 وللحين عقلها عقل ياهل

وشنو فايده الشهاده لو قالج مابيج تشتغلين؟؟ شنو بتسوين فيها؟؟ بتعلقينها بالمطبخ؟؟

نصيحتني لج بكل صراحه يا تاخذين الريال وتحترمينه من اولها لان امبين انه مو عاجبج يا تتركينه لبنت احسن منج

واللهم صلى على محمد وآل محمد

 

[Madrideya ~]

الله يكتبلج إللي فيه الخير =)

 

[ما كو اسم]

ما عنج سالفه اذا خوش ريال الظاهر الدلع عامل عمايله بس ديري بالج انج تكونين من النوع اللي يقول صديقاتي باجر يقولون ويقولون .

واذا على العقل ترى مو على العمر تعالي معاي بالدوام وشوفي على 40 و50 سنه وخرجين امريكا ولندن وابهات وشوفي العقول

بس نصيحه استخيري كذا مره وحاسه انج راح تاخذينه وراح تموتين فيه حيل

 

[Laidy n3ooma]

عادي اخذيه وروحي كندااا حلوووه وخاصه تورينتووو روووووعه ... وجنها مصر على طول قاعدين

وبعدين جوفي ريل كيم شطووووووله ومامنعها من الزواااج

بس دام انتي مو مقتنعه فكري الف مررررررررررررررررره

 

[دلع العتبان]

والله حيره صراحه ؟؟؟

بس بقولج شغله وانا احب امشي عليها بزواج استخيري وامشي على راحتج ولايهمج احد وامشي على احساسج اهم شي الاحساس تجاهه وانج مرتاحه من هالزواج والله يوفقج وييسر امورج موفقه ،،،​

 

[ســتارز]

اسأليه جم طوله وانتي جم حتى نعرف طولكم مناسب والا لا

عموما برايي الشخصي الطول المناسب للرجل من 175 الى 180 اكثر من جذيه احسه زايد عن الطبيعي

حبيبتي استخيري وكثري استخارة ونتيجتها تحسينها نفسيا مو بالاحلام يعني يا تتقبلين الخاطب او تحسين انج مو متقبلته

موفقة

 

[miss_whitemocha]

والله حبيبتي انا عندي الشهادة قبل الزواج..انا ما أحب أكون متشائمة بس أحب أكون واقعية..اللي متقدم لج اليوم زين و حبوب و طيب بكرة من الله ينقلب حاله و تتغير نفسيته و يقولج ماكو دراسة..حزتها بيكون ضاع عليج كل شي.. توج صغيرة والعمر جدامج إنشالله.. لا تغامرين بشهادتج عشان الزواج..ترى الشهادة عزوة.​

 

[فطفط نجد]

ههههههههههههههههه طول الباب عاد الله يعينج عاد انا طولي 158 يعني لويسلم علي يشيلني يسلم علي وينزلني ههههههههههههههههه الله يستر عليج مو عذر صدقيني عادي استخيري