خطيبي متزوج بالسر

[DooLy88]

تفكيره تجاري ماشالله عليه

بشنو راح ينفعج الحب عقب؟؟

يبي فلوس زوجاته

يتزوج ويطلق
ويتزوج بالسر
ويبي منكم فلوس

شلون حبيتيه ؟؟؟؟؟؟؟؟؟؟؟!

لو انا منج
ابعد عن الشر واغني له

لأن وايد لوية وعوار راس - وبدل لايصرف علي اصرف عليه

 

[رفيف الورد]

اختي حبيبتي لا تستعيليين البنات ما قصروا بالردود

وصج هذا الريال غريب وصريح بدرجه وقحه اسمحيلي بس انتي كل هالمده وياه والحين يقارنج فيها

وديري بالج تاخذين قرض عشان ريال

الرياييل مالهم امان وخاصة هذا اشكره قالج افلوس

والله يعوضج باحسن منه وتفرحين في بنتج واشوفين عيالها

لا تضاقين نفسج انج ما قصرتي واذهبة والله

وأنا رايي مع راي الخوات وما قصروا حبيباتي
ديري بالج حبيبتي من هالريال لا يحط برقبتج حجر ويرميج بوسط النهر ترا هالريال للأسف شكله ذيب يا حبيبتي عزي نفسج ورفعي راسج وما عاش اللي يحطم حياتج يا الغاليه وتراالريال شكله ما له أمان وابتعدي عنه وقولي له ما بيك خلاص عفتك والله يخلي لج أهلج ولا يحرمج منهم ويحقق لج كل اللي يتمناه قلبج عاجلا غير آجلا آمين يا رب العالمين

 

[đeɱɛɼɑ™]

هذا من آولهآ داش على طمع :/
ويعآيرج من الحين ويقآرن بينج وبينهآ .. وفوق هذآ مطلق ومتزوج كذآ مرة علني وبالسر وما خفي كآن اعظم
يعني تآريخه ما يطمن !
انا اقول بعدي عنه احسسن وبدآل الريآل .. مليون !

 

[ورق عنب]

ما انصحج بالزواج منه .. وانتي حره وكيفج

 

[المستبــده]

حبيبتي اللي هذا اوله ينعاف تاليه

هذا مبين عليه باجر بيعيش على فلوسج وفلوس الثانيه
بياخذ منج ومنها
وبقول يحليلهم يبون ريال وبس

هذا قاعد يستغلج ويستغلها
لانه عارف انكم محتاجين لريال

خليج قويه ودةسي على حبج له
هذا كلش ما ينفع يكون زوج لج
انتي تبين واحد يكون لج سند و عزوه لا طحتي تلاقين من يشيلج
موو واحد يبيج انتي تكونين له سند

 

[شــغــب]

والله مادري هذا ياخذ ويطلق

استغفرالله شكله بس عشان الفلوس وتهمه حيل.. والدليل يقول ماخذ زوجته بالسر لانها وارثه من رجلهآ

وانا اكررره الرجال الي جذي

حلاته هو يشتغل ويتوظف ويجيب الي يبيه من فلوسه مو يطلب منج فلوس عشان مزرعه

وانتو للحين ماتوجتو

فالزبده .. ابعد عن الشر وغنيلو

وانتي وراحتج

 

[((shoOoshoOo))]

مبين من كلامج اهوا مو خوش ريال وانه يلعب وايـد !!

ابعدي عنه .. الريال اللي يطلب من مرهـ فلووس مو ريال !!

الله يوفقج باللي احسن منه

 

[frasha.q8]

هذا اصلا مو ريال وماهمته انتي من الاساس بس يبي ايمع فلوس من ظهر الحريم اللي ياخذهم والله الرياييل الحين ينخاف منهم لو شنو اقول كلام حلو ومعسول بس عشان مصالحهم وفلوس هذا لازم الوحده ماتتحسف عليه وتوخر عنه لو انا منج اهده ويييع اصبر واصبر وافطر على بصله مالت عليه وابين عليه راعي حريم مادري اشلون انتي اتشوفيه انه خوش واحد وطيب وخلوق هذا ذيب ينخاف منه وماافكر اهد بنتي عشان ريال وجانزين يستاهل اصلا مافي ريال بالدنيا يستاهل تهدين بنتج عشانه باجر اول وحده راح تهدج بنتج لانج هديتيها عشان ريال وصخ مايستاهل حتى انج تفكرين فيه ومحد راح يندم غيرج

 

[انا لحبيبي .]

الله يكتبلك يلي فيه الخير ،

 

[كويتية بروما]

اللي مافيه خير
تركه اخير

 

[Tom ♥ Jerry]

.،


شلون متزوج سنه و عنده اربع يهال ! ::/
مو فاهمتهآ هاذي :|


المهم شوفي آنتي قعدي بينج و بين نفسج و قولي .،
فكري بـ عقلج مو بـ قلبج

اذا تحبينه و ناوية تعيشين وياه
رآح يسوي سوالف و آنتي ليلحين ترا مآ شفتي شي
بتشوفين آكثر و أكثر ليه يابها عندج على قولته

و اذا مآ تبين تعيشين معاها و آنتي مو مجبورة صراحه
خلاص كل وآحد يروح بـ طريجه
فكري بـ عقلج و آختاري الحل المناسب لج انتي و بنتج ؛*

 

[حورني 2010]

حبيبتى نصيحه يا عمرى لا تاخذج العواطف وتندمين بعدين هذا بصراحه ينخاف منه بصراحه مادى حده مو فقير وعلى نياته حبيبتى يخطط

ويدبر خافى على عمرج وربى بيعوضج اللى يستاهلج ويسعدج وهذا وابتعدى عنه شويه شويه تلاقين نفسج اتعودتى على بعده

وكثرى الاستغفار واقرى سوره البقره تره القران والله يريحج ويقويج والله معاج ما يستاهل من الكلام اللى قلتيه حرام تاذين وتعورين قلبج

ولا تضايجين من كلامى بصراحه حبيت اقول وجهه نظرى وانتى براحتج

معاها
والله يرزقج اللي احسن منه

 

[لولو ؛) الصغيره]

الله يعينك

شكله هذا الرجال يلعب

ربي يسخرلك ولد الحلال اللي يسعدك

 

[ҜęҜสђ]

انتي استخيري..
وفكري بعقل من دون عوااطف..
خلي الحب ع جنب وفكري بالمووضوع من كل الجوانب..

 

[maku-sh'3l]

مستحيييل ! لا توافقييين ما خذاج يبيج تاخذينله قرض و يقولج مرتي عندها فلوس شهالخرابيط يدور حريم عشان فلوسهم ! امي طلعي من حياتج و الله حرام عليه استغفر الله

 

[غزل الديره]

الله يستر عليج بس الريال ذاخل علي فلوس حتي يعطيج العافيه ما قالها لج وانتي تبين ريال وبس بعدين ييخذكل الي عندج والله يوفقج وسخرلج عبيده

 

[روقآآن الريآآَض]

استخيري

والخيره فيما اختاره الله

بس اذا سوى كيذا من البدايه وش بقى

 

[رواضي قطر]

حبيتي باااين علييييييييه كلش مو مررريح شتبين فيه خل يولي

 

[المرتاحة]

انا اقول خليه يولي

من صجج انتي؟!!

والله يعوضج باللي احسن منه

 

[كويتية222]

أحمدي ربج البنك رفضوا تاخذين قرض

اصحي لعمرج الريال اللي ينزل نفسه لبيزات ارملة وام يتيمة ولا يستحرم ولا يحرم ولا يحلل هذا ماله امان وتخافين منه

ياحليله مضبط عمرة ارملة وفلوس ومطلقة وقرض وتالي منج ومنها وبيتزوج ام 14 !

انتي ما تحبينه انتي تعلقتي فيه لانج تتصورين انه اخر امل لج بالزواج !

اختي لا تتسرعين ربي موضح لج كل شي وكاشفه فلا تتهورين وتمشين وراه

واهو ما اعترف لج الا لانه بيتسفيد منكم اثنينكم ويسوي تعاون مشترك يعني تسكن وياج بالبيت

لكن اهو يقولج انه متزوجها بالسر طيب شلون يسكنها وياج بالبيت اهل البنت اليتيمة ما راح يعرفون !!​