خطيبي لوتقوم الدنيا وتقعد مايتكلم

[يارب.عونك]

السلام عليكم حبيباتي الصراحة انا وايد احبكم واثق في نصايحكم

انا مخطوبه لانسان صارلي سنه واكلمه ويكلمني
مشكلته يابنات انسان كتوم غامض مايتكلم لو فيه هموم الدنيا مايتكلم ولايقول اللي فيه ابدا ابدا
حاولت بكذا طريقة ابطل منه هالعقده بس ماكو فايده:eh_s(11): هذي المشكله الاولى

المشكلة الثانيه
اذا تهاوشنا .. انا اللي اتكلم اتكلم اتكلم ومايرد علي اقوله ليش ماترد لاتحقر قول اي شي .. هم مايرد لو تقوم الدنيا وتقعد مايرد :eh_s(11): وانا محتاجة اي كلمه منه ابي يقول اي شي ابي يحسسني انه مهتم بعلاقتنا
واذا تكلم قال كلمة وحده ماكو غيرها بكل هوشه يقولها (ترى ماكو شي انتي مكبره الموضوع) وبسسس تتصكر السالفه على هالكلمة .. يعني مرات انا محتاجة يشاركني يقول رايه يفهمني وجة نظره اهوا كلش مايقول ولا شي اهوا انسان مريح راسه مايبي يتناقش :rgewrg: مايبي يفكر :rgewrg: مايبي مايبي:eh_s(14)::eh_s(14):

ياربي ساعدوني ماعندي احد اقوله غيركم :eh_s(2)::eh_s(2):

 

[يارب.عونك]

لا اله الا الله

 

[فوفو22]

هذا النوع من اصحاب هالسلوك

يستخدمونه لانه عارفين اللي امامهم يتأثرون ويتضايقون من هالسلوك الغامض

هو عطاك جزء من الحل استغليه بذكاء

لما قالج

(ترى ماكو شي انتي مكبره الموضوع)

تعاملي معه انه انسان طبيعي واستمري بتلقائيتج بعيدا عن سؤاله

اشفيك ...عسى ماشر ....ليش ساكت

اتركيه لحاله .....وانتي خليج طبيعية

لانه لما يشوف الطرف الثاني غير مبالي بانفعاله

مع الوقت يترك هالسلوك ويبحث عن شي اخر

فوفو

 

[منووله مشعل]

فوفو ما قصرررررت

الله يهديكم لبعض يارب

 

[سومه 22]

يووووه ي قلبي انتي ..

وربي نفس معاناتك .... =)

بس الحمدالله الحين تماااام ..

اسمعي نصيحتي ولا راح تندمين ... بس لاتتطبقين كلامي لحد ماتحسين ان كبدك طقت =(

انا كنت اعاني منه .. مايقوول كلمه حلووه ابد .. بس انا اللي اقوول ...؟؟ وكان يسولف معي زي واحد من الربع

المهم انتي اتركيه وخليه براحته بس لاتتأخرين عليه في الرد ع مكالمه او رساله ...

انا جلست 8 شهور على هالحال ... ؟؟ لحد ماحطيت للمشكله حـــل ..؟؟

صارحته بالرسايل وقلت له انا بقول لك اللي بخاطري .. قولي اللي بخاطرك تجاه هو

ولاتتكلمين عن موضوع في تفاصيله لحد هو مايتكلم ... !!

بس بااسلوووب ... مثل ليش مااحسك تقوول لي كلام حلو ومن هالكلام ... صدقيني بيحس بتأنيب الضمير ..

وانتي راح تتفاعلين معاه بالكلام الحلو المحترم ...

وإن شاء الله ربي يوفقكم ويجعل بينكم موده ومحبه ي ررب

 

[طموحه بزياده]

مايعرف يعبر يمكن



كلميه مسجات واتس اب جربي تتعرفين عليه كتابيا وبعدين كلاميا

 

[Patcholli]

عامليه بالمثل عشان يحس شويه ويتلحلح

 

[انثى عاشقة]

انتي صيري الهادية والغامضة
لاتلاحقينه بيلاحقك هو
كل الرجال جذي ​

 

[رنيم الروح]

حبيبتي في نوع من الرجال هذي طبيعتهم مايحب يتكلم في اموره او شي يخصه وطبيعه صعب اتغيرينها

 

[بنت الشامية]

امبيه بالضبط نفس الي عندي ليدرجة اني ابجي منه والله ما يتكلم وكل سبة السوالف اخوهحماي العود قاعد لنا عسى ما تحجينى علق ولا يتليقف حتى خالتي لمن مثلا تسألني يقول ليش ما تسألين مرتي ولا على ناس وناس وريلي ساكت ما يتكلم ما قمت احب اقعد بالزوارة والسبة حماي

 

[حبيبي مالكني]

الناس اطباع
اهو طبعه جذيه
اهو عارف انج تحترين عشان جذيه مو قاعد يتجاوب معاج
انتي بيني له انج مو مهتمه واهو راح يتغير شوي شوي

 

[Perfume]

حبيبتي هذااا طبعه
انا رفيجتي ريلها جذي تقول يروح الدوام ويرد مايتكلم ولا يقووول شصار شماصار
يسوي اشغال او حتى سوالف اهيا لها دخل فيها ولا يقوووول لها شي
تقةل اول شي كانت تزعل بس الحين عرفت انه طبعه جذي خلاص ودام انه زين معاها رظت بالامر الواقع

 

[[ نور عيني ]]

-


كلآم فوفو عيين آلعقل ..
وبعد حآولي معآه بآلمسجآت
بآجوآءءءَ هآديه مو بنفس حزه آلهوآش تسألينه ..
يعني لمآ يكون آلجو رومآنسي و تتبآدلين معآه آلكلآم سئليه قولي آنت ليش غآمض وكتوم َ !
ليش مآ آقدر آخذ وآعطي معآك .. آحس آنك مآ تفهمني بعض آلآحيآن ..
بس لآ تجرحينه ب آلكلآم حآولي يكون آسلوبج لطييف و هآدي :$
بآلتوفيييق يآ عمرررريَ ..





..

 

[al-musk]

في نوعية اذا حس نفسه اغلطان يتهوق ويسكت

 

[أكذب عليك]

عندي يكون كتوم ولا واحد اذا تحجى جاب العيد 
حبيبتي لاتحطينهااا مشكله اعتبريه طبع وانتي بعد
اكيد فيج اطبااع اهوو مايحبهااا

اتبعي معااه اسلوب السؤال
شسويت اليوم؟
وين مشاويرك باجر ؟
شلون دوامك اليوم ؟
ومن هالاساله عوديه يفضفض حتي لو بالسوال
وع ماتتزوجين باقربين اكثر وبتلاقينه شوي شوي تعووود ع الحجي معااج وفض فض

وانتو الحين خطوبه فعادي ممكن متحفظ شوي كونكم مخطوبين ومايبي مشاكل


والله يوفقج ان شالله

 

[دهورتني يازين]

اب اب اب

 

[تآعِبنْ قَلْبِيْ]

مآآآآآآآآآآصدق جنج تتكلمين عن ريلي@@

بس خلاص تعبت عرفت طبعه خمس سنين من تزوجنا ولا تغير

 

[WAAAW]

واي ينرفز شنو هذا .. كفخيه باكبر شي عندج ههههههههههههههههههههههههههه لالا اتغشمر

بس مادري انا ما اتحمل هالنوع

 

[جذابه بنت ذيابه]

حبيبتي كوني غامضه معاه و بيكون صريح معاج وغيري شخصيتج لاتسالينه واجد يمل

 

[ms mooka]

حبيبتي اوخيتي سمعيني
من الصعب انج تغيرين (طبع) فيه ولكن من السهل انج تغيرين (سلوك)

هذا طبعه ماراح تقدرين تغيرينه

خلج ذكيه و حاولي تكسبينه يمكن لعل وعسى ما اقولج يتغير بس يعطيج رايه

واذا تغير زين ع زين