خطاء اليوم الشائعه في لهجتنا الكويتيه

[iLLuMinaTion]

السلام عليكم

اذكر قبل اسابيع استضاف الاستاذ خالد العبدالجليل الكاتب ...الرشيد

ومنها تعلمنا بعض الاخطاء اللي يقولونها الشباب اليوم نذكر منها

الخطأ : لا تتغشمر ....الصح : لااتغشمر

الخطا : خسر بكسر الخاء ..الصح : خسر بفتح الخاء

الخطأ : يخورها ...الصح : يخوره

الخطا : اريوق ...الصح : ريوق بكسر الراء


ناطره ملاحظاتكم

 

[LuLiTa]

اممم مشكورة

 

[om yousefany]

وي عيالنا الحين اتشوفينة زين يتكلم كويتي لا وانقهر اذا لقيت ياهل يتكلم اندونيسي او هندي وايد عيالنا يتاثرون بالخارج ومع الخدم انا اقول علمو اللغة الكويتية حق عيالكم صح
ومشكورة على الموضوع اختي

 

[::كيك وعسل::]

رد : خطاء اليوم الشائعه في لهجتنا الكويتيه

ايه صاجه
ولا بعضهم كلامه مكسر مادري من وين جاي!!!!

 

[اريج الجوري]

رد : خطاء اليوم الشائعه في لهجتنا الكويتيه

وييييي وقفت على هالكلمتين ,,,

ياكثر البدليات ,,,

واكثر كلمه تغثني ,,,

ياقالوا من عندي ,,,

مثلا ,,, توني راده من عندهم ؟؟؟ خير ان شاء الله من وين جايين ؟؟؟

المفروض نقول توني راده منهم ,,,

وغيره وغيره وغيره ,,,

انا شكثر احاول اكلم عيالي اللهجه الكويتيه الاصليه عشان يتعلمونها ,,,

تحياتي ...

 

[قفشـه]

رد : خطاء اليوم الشائعه في لهجتنا الكويتيه

تبين تعرفين الخطأ صح

طالعي المسلسلات الكويتيه من الستينات لي قبل الغزو بشوي وطالعي مسلسلات الحين

ولاحظي الفرق

قبل اللهجة شزينها سلسه وخفيفه والحجي يهبل

الحين خووووو ويامعوووود ويضخمووونهم حيل لعبوا بلهجتنا الكواوله والايرانيين

طبعا مثل ماقالت غنيمه الفهد التضخيم ياي من دول مجاوره (ايران والعراق)

والا اللغه الكويتيه خفيفه وسلسه والله طالعوا ايام الستينات حجيهم ايهبل

 

[اخت خالتهم]

رد : خطاء اليوم الشائعه في لهجتنا الكويتيه

انا اقول خسر عادي بالفتحه
و ما اقول اريوق اقول ريوق


بس يخورها و تتغشمر اقولهم

 

[iLLuMinaTion]

اي صح هم انا تغثني كلمه ..من عندهم...

وفي كلمه بعد ..يقولونها ( همن )..بما معناه كذلك

وفي كلمه هالايام طالعين فيها ..يالا باليالله ....يعني بالغصب

 

[اريج الجوري]

رد : خطاء اليوم الشائعه في لهجتنا الكويتيه

اوف انا اكره سالفة اقوى شي ,,, واي شي ,,, يازين مسلسل درب الزلق وكلامهم ,,,

على طاري المسلسل ,,,

منو تعرف يعني شنو الحفيز ؟؟؟

لها مني بوسه ,,, هع

 

[كيفي كويتيه~]

رد : خطاء اليوم الشائعه في لهجتنا الكويتيه

^^

يعني معرض

 

[منو انا]

انا لما شفت الحلقه جكيت اني كويتيه اقلب كلامنا صاير مقلوب

 

[iLLuMinaTion]

رد: رد : خطاء اليوم الشائعه في لهجتنا الكويتيه

اوف انا اكره سالفة اقوى شي ,,, واي شي ,,, يازين مسلسل درب الزلق وكلامهم ,,,

على طاري المسلسل ,,,

منو تعرف يعني شنو الحفيز ؟؟؟

لها مني بوسه ,,, هع

الحفيز يعني المحل...ناطره البوسه لوووووووووول

ذاك اليوم وحده اقولها مرزام ...تقول يعني شنو

 

[البسايل]

رد: رد : خطاء اليوم الشائعه في لهجتنا الكويتيه

اوف انا اكره سالفة اقوى شي ,,, واي شي ,,, يازين مسلسل درب الزلق وكلامهم ,,,

على طاري المسلسل ,,,

منو تعرف يعني شنو الحفيز ؟؟؟

لها مني بوسه ,,, هع

الحفيز يعني الوكاله مثلا يقول شريت سياره من الحفيز يعني جديده من الوكاله امي للحين تقولهاااا ..... يلا وين البوسه
صاحبة الموضوع تسلمين موضوعج جا علي الجرح

 

[نور مغليها]

رد : خطاء اليوم الشائعه في لهجتنا الكويتيه

انتي مثلي ماحب كلمة اقوى شي

 

[iLLuMinaTion]

مشكوره حبيبتي

في بعض الناس يقولون ..محد ماكو ..يعني ماكو احد ...شلون مادري

 

[أبله^زوزو]

قفشه حارقين خبزج ايران والعراق؟؟ ليش متحامله عليهم جذي؟؟

يعني مافي لغه تأثرت فيها الكويت غير الايرانيه والعراقيه !!

صج شر البليه مايضحك

ولاتزعلين انتي يا ام اللغه والفصاحه الكويتيه كلنا مانعرف نتحجى كويتي

على فكره لومينا التشكيل موبدليه والدليل التالي

باللغه العربيه خسر بالفتحه وليس الكسره وانتي تقولين هذا الصحيح

طيب شلون عندنا بالكويت الي يقول

لبن بالفتحه بدليه مع ان باللغه العربيه لبن بالفتحه وليس الكسره

نفس الشي سمك باللغه العربيه فتحه مو كسره

ترى اللغه العاميه تختلف عن اللغه العربيه

والدليل احنا عندنا المؤنث نهاية الكلمه نرفقها بج بدال ك

فالتشكيل اصلا متعلق بالحجي العامي ماله شغل باللغه العربيه !!

اما باجي الكلمات انا شخصيا اول مره يمرون علي وشكرا على التوضيح

 

[iLLuMinaTion]

بالحلقه قال

ليش نقول طارق بالقاف
وما نقول عبالدالرزاق بالقاف

لأن طارق كلمه جديده على الكويتيين
وعبدالرزاق كلمه قديمه عند الكويتيين

ونفس الشي

لما تقولين قمه الراس ..ما تقولينها بالقاف

بس القمه العربيه تقولين القاف ..لان القمه العربيه جديده للكويتيين...

 

[Ms.Mia]

رد : خطاء اليوم الشائعه في لهجتنا الكويتيه

تسلمين

 

[tt2tt]

رد : خطاء اليوم الشائعه في لهجتنا الكويتيه

ابببب

 

[LOoOLWa]

رد : خطاء اليوم الشائعه في لهجتنا الكويتيه

يسلمو حبيبتي على الموضوع
وأنا رايي من راي قفشه
فعلا كلامها كله صح
هذا اللي حاصل عندنا​