خضرة الشبزي الطازجة ؟؟؟ استفسار ؟؟؟

[دمثة]

خضرة الشبزي اشلون اجهزها وافرزهاا واحطها بالفريزر ؟؟؟

 

[Pissy Missy]

والله ما عندي فكرة

بس انا اخذها من وحدة جاهزة وخالصه وحدها لذيذة ومثلجة بس عليج تسوين مرقه اللحم على طريقتج وتحطين الخضرة عليها

 

[nadoooy]

تغسلين الخضرة وتفرمينها وعقب تحطينه بجدر عالنار لين يروح ماي الخضرة كله وياخذ وقت وعقب لازم تحمسنه بالدهن على نار هادية لمدة اربع ساعت عالاقل وعقب ما تبرد تحطينها بجياس بالفريزر وطبعا عارفة طريقة المرق

 

[ســـــكر]

حبيبتىخضره الشبزى خضره تجيبنها من الجبره عند راعي الخضره
قوليله ابي تجمع لي خضره الشبزى وهو يجمعها بس عليج

تفرمينها ناعم وتغسلينها

وبعدين تحمسين اللحم عدل بالكركم وبالبهار المخلوط
بعدها تحطين الخضره وحمسي لين تطلع الريحه وينشف الماى عدل حطي المعجون وهم احمسي عدل حطي عليها الطماط المخلوط
بعدها مرقيها

وحطي عليها لوبياا ناشفه بس مسلوووقه

واتركيها لين تثقل

انتى تعرفين كم ياخذ لحمج من وقت

بس المرقه تصير ثقيله

وبالعافيه

تاكلينها مع العيش المشخووووووول

وهذا شغلي

 

[zebda]

حبيبتي اذا حابه انا ابيع خضرة الشبزي منظفه وخالصه ومطبوخه ومثلجه اييبها من ايران

وطبعا خضرة ايران لا يعلى عليها معروفه بهالشي

بس عليج تحمسينها مع اللحم والبصل وتكملين طبخج

سعر الجيس الواحد 1.500 دينار

والجيس يكفي حق وجبه وحده

اذا حابه تطلبينه راسليني يا قلبي

 

[دمثة]

حبايبي مشكورين ماقصرتوا

 

[جارة القمر]

رد : خضرة الشبزي الطازجة ؟؟؟ استفسار ؟؟؟

تفضلي طلبك::


http://www.q8yat.net/showthread.php?t=320334&page=2

 

[دمثة]

مشكورين