خريجه جامعه الكويت وعاطله عن العمل تخيلوا ؟!

[al.jorry]

قوه بنات شلونكم شخباركم
ان شالله بخير
مبارك عليكم باقي الشهر
ببدي بمشكلتي للي مو راضيه تخلص نهائيا :eh_s(11):
اول شئ انا تخرجت 2011 كورس ثاني كليه الاداب تخصص تاريخ
قدمت علي الديوان والحمدالله قبلوني بسرعه تدريس
طبعا لازم تسوين مقابله تعجيزيه كانت
نظام المقابله تعرفونه حظك نصيبك وطبعا النجاح لازم 75 % :eh_s(14):
اول مره قدمت قبل عرسي بكذا اسبوع مانحجت لاني مادرست
وبعدها كنت دارسه واللجنه من سوء حظي كانت كويتيه ومصري وسوريه وهم سقطت
طبعا في مقابله ثالثه سويت اوراقي للمقابله الثالثه انصدمت ردوا اسمي للديوان !!!!!
رحت سالت ليش ؟؟
ماردوا علي قالوا ردينا 10 بنات لانه في مشاكل بالوازاره
هذي السالفه لما استقال المليفي
طبعا نطرت لين شكلوا الحكومه وخليت رغبتي بس التربيه
نظره تقريبا 7 شهووور بعدها اطلع اسمي اول رمضان
وامس امتحنت وقدمت كل شئ زيين
رحت اليوم اشوف نتيجتي قالولي ساقطه
جبت 65 والنجاح 75 تخيلوا حييل انقهرت والله وزاره مادري شلون صايره يعني دارسه ورمضان ساعدوا شوي :eh_s(11):
بس يبون ينحشون الكويتيات مدري شفيهم علينا والله يا بنات حييل مليت
شنو اسوي اكمل ولا اروح وزاره ثانيه ؟؟
بس والله قهر خريجه جامعه وادخل اي وزاره مافي كادر ولاشئ
كل ما اتذكر دراستي وتعبي احس اني ببجي :eh_s(2):
تكفون انصحوني :eh_s(7):​

 

[Talyan Rose]

اختي هونيها

غيرج تخصصات مرغوبه وبشده مثل الهندسه قاعدين بالبيت صارلهم سنه ونص
والتربيه صايره كلها واسطات والديره كلها واسطات
انا توني متخرجه تخصصي محاسبه ,بنات معدلاتهم بالارض بتخصصي ينقبلون بديوان المحاسبه والتامينات واحسن الاماكن
والي معدلاتهم عاليه وماعندهم واسطات الديوان يقطهم وزارة التربيه قمة القهر وودج تحرقين شهادتج على الي قاعد يصير
هذا حال الديره الوضع مأساوي من الماشي الي تصير والسبه الواسطات
ناس مادري شلون تخرجت وماتردي عن تخصصها بشي تعالي شوفيهم وين الحين باعلى المناصب
والمتفوقين وينهم الحين ؟!!!!

خلي واسطتج الله والله كريم كلنا ناطرين

 

[al.jorry]

والله قهر تحسين وزاره التربيه
والله تعجييز والله
مدري شفيهم علينا
حييل يحبطووون
الله يرزق الجميع

 

[Talyan Rose]

اختي اذا انتي تبين التربيه احنا تخصصنا عايفين التربيه

مستوعبه انه الدفعه الي طافت والي قبلها كل الي مقدمين على الديوان من تخصصي قابلينهم تربيه
جنه التربيه مافيها محاسبين فوق ال100 واحد مقدم
وثلاث ارباعهم رافضين لانه راح نشتغل بالوزاره التعبانه المنهريه
وهذا حالنا اذا عندج واسطه تنقبلين حتى بمجلس الوزرا واذا ماعندج نطري والله يفرجها

 

[honey lust]

رفيجتي تخصصها تاريخ و ماشاء الله بسرعه انقبلت من اول مره مع انها مو شاطره وايد

انتي الظاهر طحتي بناس عسريين

ما عليه حاولي بعد

الحين كل من يبي التربيه

الله يسهل امورج و ييسرلج كل عسير

 

[احب روحي]

اخخخ عالجرح

انا محاسبة وقابليني تربية ولانه معدلي ما يطوف ال 2.67 مجبورة اوافق

الشركات كلهم يبون معدلات عالية والوزارات لازم واسطة جايدة عشان ياخذونج مكان سنع

والحمدلله على كل حال

يمكن خيرة لج ماتروحين تدريس جربي قدمي على اماكن ثانية او صيري ادارية بالتربية