خريجة ثانوي؟ و صرتي مستجده ﻻ تنسين هالنصايح من خواتج ♡

[فـــخـــر]

الحضور

الحضور

الحضور

مالعب بدرجاتي غيره كله غايبة : (

والله يوفقكم

 

[S.Y.L]

انا بالتربية الاساسية

ماازيد على كلام البنات شي , اتوقع قالوا كل شي مهم

و من اهم الاشياء تاخذون الميجرشيت و ماتعتمدون على كلام البنات

اول كورس راح تحوسون وايد و تحسون الاجواء غريبه عليكم ووايد اشياء ماتعرفونها بس راح تتعودون بسرعه ماكو شي صعب .

السنه اليايه كلناا بنصير مستجدات بنحوس ويااكم دام الكلية يديده مانعرف عنها شي

بس يالله ان شاء الله خير عليننا هالكلية :*

 

[Maryam_]

الله يعطيكم العافيه بنات



بس نبي نصايح

 

[Engineer A]

الله يعطيكم العافيه بنات
بس سؤال
الميجرشيت من وين اخذه ؟

 

[راتشيل]

الله يعطيكم العافيه بنات
بس سؤال
الميجرشيت من وين اخذه ؟

تخذينه من مكتب التسجيل

 

[فـوووشية]

بنات متى اللقاء التنويري ووين راح يكون
وعادي احد يروح معاي ولازم بروحي

 

[أم فلان الفلاني]

^^^^^^^
ترى كل كليه لها لقاء تنويري تحدده
فسالوا البنات بتويتر

 

[أم فلان الفلاني]

بغيت اقول لكم انا مستجده معاكم هذي السنه
في جم نصيحه لازم تمشين عليها ضروري
1- الصحبة الصالحه
2- تحديد هدف جدامج
3- الحضور والتركيز بالمحاضرات
4- لا تخلي احد يسويلج جدولج انتي حدديه
5- لا تسمعين كلام البنات بسالفة الدكاتره يعني لو الوحده تكون ملتزمه وتسوي اللي يبيه الدكتور اكيد راح تاخذ a
وووووو بس واذا تذكرت اكتبلكم
الله يوفق الجميع

 

[أحلى البشر]

بنات نصيحه روحوا اللقاء التنويري ترى واااااااااااايد مهم ويعلمونكم شلون تسجلون بسستم الجامعه ونصايح وايد ماتعرفونها اللي ماتروح بتضيع فيما بعد
يلا روحوا مو من اولها مالكم خلق

 

[Toona_Ald]

يعطيج العافيه عالموضوع..

أنا تخرجت من الثانويه الحمدلله والحين بكون مستجده بكلية التربيه - جامعة الكويت

اتوقع المشكله الوحيده اللي راح تواجهني المباني والقاعات مااااا أدل مااا أدل ونوعي بسرعه أنسى *تبجي الكاتبه*

وأتمنى نصايح عامه من بنات الكليه :* وشكرا

وناسه انتي معاي كنتي ادبي ولا علمي ؟

 

[Toona_Ald]

منو بتروح اللقاء التنويري ؟
مستحيه اروح لووول
من اولها مستحيه

انا بروح لان قالولي حضروج مهم جدا يبون يفيدونا

 

[محبوب قلبي]

حبيت انبه على اول كلمه فالموضوع

بلسم > بسم الله الرحمن الرحيم


و جزاك الله كل خير

 

[~mmm~]

وي عيل شلون يعني لازم اروح لوول
برمضان محد له خلق وزحمه ولويه

 

[فـــخـــر]

موشرط تروحون اللقاء , اللي يبي يروح بس مو اجباري

< مارحتله انا :\

 

[al-noory]

السلااام عليكم ..

مبروكك تخرجكم وعسى الله يوفقكم ...

انا قبلكم بسنه كنت بالعلوم الاجتماعيه وحولت للتربيه

اول شي بنات نصيحه لا تمشون على كلام اي احد خاصه بسالفه المواد عشان ما تسجلين مواد مو مطلوبه عليج
اخذي المجرشيت ( صحيفه التخرج ) من بنات القوائم او من التوجيه والارشاد
اسألوا ولا تستحون تراا عادي كلنا ما كنا نعرف خاصه الكلمات
اذكر العام كنت اتنح لما اسمع كلمه ميدتيرم او كويز او اوفر لود
وسالفه المباني عادي راح تدلون مع الايام اهم شي تعالوا قبل المحاضره بفتره
نصيحه تكرمون النعال اللي بتلبسونها اهم شي تكون مريحه لان بتمشووون مشي
الخرده هههههه شي مهم تراا والله عشان مكاين المااي خلوها دايم معاكم

ترا الحيااه الجامعيه حلووه وموفقين ان شا الله

 

[al-noory]

سلم الدرجاااات عشان تعرفونها
الدرجه طبعا من ١٠٠ كل دكتور يقسمها حسب نظامه ..

A : 95-100
a- : 90-94
b+ : 87-89
b : 83-86
b- : 80-82
c+:79-77
c:73-76
c-:70-72
d+:65-69
d:60-64
f:اقل من 60 وتعتبر سقوط الله يبعدكم عنها
fa: هو سقوط لان غياباتج وايد او انج ما حضرتي الفاينل

 

[Miss.Nony]

وناسه انتي معاي كنتي ادبي ولا علمي ؟

اخيييرا لقيت وحده تربيه

كنت أدبي

 

[Miss.Nony]

السلااام عليكم ..

مبروكك تخرجكم وعسى الله يوفقكم ...

انا قبلكم بسنه كنت بالعلوم الاجتماعيه وحولت للتربيه

اول شي بنات نصيحه لا تمشون على كلام اي احد خاصه بسالفه المواد عشان ما تسجلين مواد مو مطلوبه عليج
اخذي المجرشيت ( صحيفه التخرج ) من بنات القوائم او من التوجيه والارشاد
اسألوا ولا تستحون تراا عادي كلنا ما كنا نعرف خاصه الكلمات
اذكر العام كنت اتنح لما اسمع كلمه ميدتيرم او كويز او اوفر لود
وسالفه المباني عادي راح تدلون مع الايام اهم شي تعالوا قبل المحاضره بفتره
نصيحه تكرمون النعال اللي بتلبسونها اهم شي تكون مريحه لان بتمشووون مشي
الخرده هههههه شي مهم تراا والله عشان مكاين المااي خلوها دايم معاكم

ترا الحيااه الجامعيه حلووه وموفقين ان شا الله

حبيبتي اجمعين يارب

وصح في كلمات ما كنت أعرفها بس عرفت إلا البايفورس يعني شنو؟ وليش نروح لها إذا بنسجل مواد دام السستم موجود؟

 

[فـــخـــر]

اذا مالقيتي مواد بالسستم تروحين باي فورس يسجلونج بالشعب المغلقة

او اذا عددكم كبير يبطلون لكم شعب جديده

 

[DaLoo3t BaBaTii]

مبروك القبول ..

و لا تحاتون ، الجامعة احلى مرحلة بحياتكم ..

ماكو شي يستاهل تحاتونه او تخافون منه !

اهم شي لا ترافجين اي وحدة ، لان بتلاقين البنات اشكال و انواع

في منهم الزين و في الشين ، و الله يبعدنا عن بنات السوء