خريجة ثانوي؟ و صرتي مستجده ﻻ تنسين هالنصايح من خواتج ♡

[Maryam_]

بلسم الله

شلونكم كويتيات الجميلات

الحمدالله يارب بفضل الله تخرجنا من المرحلة الثانوية و دشينا مرحلة جامعية

كبررنااااا

مرحلة يديده علينا و مرحلة فيها خوف اكثر
كلكم يالمستمرات و يالجامعيات مريتوا فيها

الله يعلم شكثر خايفين و نحاتي هالتغير الي قاع يصير فجاة

نبي منكم نصيحة و نصيحتين و ثلاث من قلب اخت لين قلبنا
نصحونا شنو الاشياء الي يمكن نواجها و المواقف الي يمكن تمر علينا و الاشياء الي نحرص نبتعد عنها


و الله يوفقكم جميعا و نتخرج بنجاح و نفرح قلوب اهلنا :eh_s(9):

 

[^^طالبه^^]

طبعا انا متخرجه 2009
وبعد متخرجه من كلية التجاري يعني اعرف نظام الدراسه بكليات
بتحجي عن الكليآت

اول شيء
انا اول كورس لي بكلية كننت ضأيعه ماعرف شنو ادرس شنو اخلي ماكنت ادري ان الدوام اجباري والي ماتحضر مالها درجات اعمال والاساتذه الزينين من الشينين ماكنت اعرف
بالكورس الثاني استوعبت وقعدت اتعرف علي بنات كانو وياي بنفس مدرستي قبل وياي بالباص لمي نرد البيت او نروح للكليه المهم كان كورس الثاني لي جنه اول كورس لي بالكليه عرفت شنو الي علي وماعلي فبحذرج من كذا شيء اخذي بالج منهم

1- احفظي المباني والقاعات من اول كورس لج بالكليه
2-المشاركه مع الدكتور اهي الي راح ترفعج والفراره مع البناات وتطنيش المحاضره اهي الي راح تودرج حتي لو ماتحبين الدكتور يا تسحبين الماده يا تحضرين وتاخذين درجة حضورج لا تاخذين اف عليها حراام
3- صادقي الصالحات وخلي عنج المفاسدات , اكيد بكل مكان فيه الصالحه والفاسده ومن اشكالهم يبينون
4-قعدتج الطويله بالكليه اكثر من 4 سنين صدقيني بتضرج فحاولي تخلصين ب4 سنين واذا ابجر زين بعد
و عسى ربي يوفقج وان شاءالله فهمتي شيء من كلامممي وتستفيدين منه

 

[~mmm~]

واي انا من انقبلت وانا بطني يعورني لووول
يلا عاد المستمرات قولولنا شنو النظام هناك

 

[Maryam_]

يعطيج العافيه طالبه و بحط هالحجي ترجيه باذوني p:

~mmm~

واااااي انا بعد احاتي الله يسهل علينا و ننطر المستمرات

 

[ميمو "]

انا الحين خلصت ثلاث كورسات لي بالجامعه فأعتبر مستمره وهالتجربه غيرت حياتي بشكل كبير
1/ اولا لااازم يكون لج هدف تبين تحققينه مهما كان ما يصير تجين الكليه بس لانج انقبلتي حددي اهدافك حتى ما تصيرين تايهه وتحلا الدراسه

2/ حطي ابالج انج رايحه تدرسين وتطلبين العلم لا تلتفتين لتفاهات البنات مثل التنافس بالكشخه ولا تسحبين عل المحاضرات او تستخفين بالمحاضره هذا اكبر غلط لان بالمحاضرات تستفدين شغلاات كثيره كانت بالمهنه او بحياتج الخاصه وترا بالجامعه كثير الدكاتره الي يشجعون الطلاب عل التفوق وعلى الابداع وكلامهم درر عن تجربه اقولكم

3/ حاولي تستفيدين من هالتجربه بأقصى حد لانها ما راح تنعاد لاحقين على اللعب والوناسه الجامعه خليها مكان اتطورين فيه من ذاتج وتبنين فيه اساسات معرفتج

4/ والله الي تمشي سيده. محد يقدر عليها يعني لا يخوفونج البنات من الدكاتره انهم قشرين. انا عن خبره والحمدلله قريداتي حلووه خذيت عند دكاتره مو الكل يمدحهم وكثير خوفوني من الماد بس انا قررت اني اخذها واستمتع فيها واتعلم وجبت قريد محد توقعه السالفه ما تتعلق بالدكتور بالعكس تتعلق بالطالب الثقه اول شي بعده الاجتهاد واضمني الاي
5. / حاولو تزورون مكتبات الجامعه واقضو وقت فراغكم هناك. فيها من اجمل الكتب من جميع المجالات ومكان هادئ للدراسه والقراءه مو عيب الواحد يحاول يتثقف اكثر

6/ الدكاتره تعاملو معهم بأحترام شديد لا اتطيحون الميانه لانه ممكن تاخذين راحتج ولا تلقين الدكتور او الدكتوره قلبو عليج عشان جذيه خلي علاقاتج علاقة طالب بدكتور علاقه رسميه مبنيه عل الاحترام وعل فكره تقريبا كل دكاترتي يحبون هالنظام ولا يحبون البنت الي تستخف دمها او تحب تسولف كثير

7/ ابتعدو عن صديقات السوء ونصايحهم الي بس تحبط يحسسونج ان الجامعه سجن من سوالفهم والدكاتر سجانين ترا الدنيا سهالات والشي توفيق ممن الله

8\ ما علي طولت بس اخر نصيحه . بلييز. لا تحطون مكياج اوفر والله شكله غلط ويأذي البشره بعد ولا الملابس الجاذبه الضيقه والكعوب والله هالشي غلط المفروض الجامعي يكون شكلها عملي بسيط خال من هالبهرجه تبين تكشخين اكشخي بس بالمكان المناسب اما الجامعه لااا الشكل ما يطلع حلو كلش ولا انتي ترتاحين لان بالجامعه كراف وغبار وحر هذا غير المسافات الي نمشيها.


م خالص حبي لكم اتمنى تجون وتستانسون عندنا والي تضيع تسال اي بنت جزاهم الله خير ما يقصرون يدلونج نفس م سوو معي يوم كنت مستجده

 

[بنتmbc1]

ع البركه القبول وكلها سهالات

كلنا مرينا بهل التجربة

انا طالبة كلية الدراسات التجارية هذا 3 كورس لي اعتبر مستمره ولله الحمد معدلي جيد جدا

اول مادخلت الكلية كنت ضايعه وما اعرف شي وماكنت مستوعبه بعض الامور بس الحمدلله تدراكت اموري بعد ماتعرفت ع بنات من الكلية مستمرات وخريجات ومن اهني وبعد من بعد اول امتحان

اولا اللبس يكون لبسج محتشم ولا تحطين ميك اب اوفر والكعب ماله داعي بتمشين بالكلية او بالجامعة وتفترين من مبنى لمبنى بتتعبين وحتى شكلج غلط لان انتي طالبة جامعية لازم تلتزمين بالمنظر اللائق طالبة علم

ثانيا حفظي مثل ماقالو البنات المباني والقاعات ووين الاتجاه وحاولي من اول كورس تلاقين طرق مختصره بين المباني

ثالثا تعاملج مع الدكاتره فقط ترتبط بالقاعه وتسالينه بالمحاضره اذا مافهمتي شي عشان تبينين انج فاهمه مو سؤال عبط سؤال فيه ذكاء حاولي تقرين الدرس وتحضرينه قبل المحاضره بيوم وتناقشينهم وهذا الطالب الجامعي المفروض يكون ودوني الملاحظات واستفسري دايم عشان تبيني انج فاهمه وتبين الاي

رابعا شدي حيلج من البدايه حاولي تنسقين جدولج بين المواد العامه والتخصص ولا تضغطين نفسج وبنفس الوقت حاولي تخلصين بسرعه لا تقعدين بالجامعة او بالكلية اكثر من 4 سنين واذا اقل حاولي وتتخرجين بمعدل عالي ومعدلج يساعد على قبولج بالوظايف الحكومية او الخاصة

واي استفسار احنا موجودين لا تخترعين وتخافين عادي جنج رايحه مدرسه يديده بس هذي بشكل اوسع وحريه اكثر وفي مجال وايد ترتفع معدل ثقافتج وعلاقاتج مع البنات الزينين وسالي الكل اللي معاج بالمحاضره وجمعي معلومات من المنتديات ومن البنات

بالتوفيق لج

 

[Maryam_]

يعطيكم العافيه مستمرات

اب اب اب نبي نصايحكم بعد

 

[Miss.Nony]

يعطيج العافيه عالموضوع..

أنا تخرجت من الثانويه الحمدلله والحين بكون مستجده بكلية التربيه - جامعة الكويت

اتوقع المشكله الوحيده اللي راح تواجهني المباني والقاعات مااااا أدل مااا أدل ونوعي بسرعه أنسى *تبجي الكاتبه*

وأتمنى نصايح عامه من بنات الكليه :* وشكرا

 

[فـوووشية]

يعطيكم العافيه والحمدلله استفدت من كلامكم

وان شاء الله الله يبعدناعن بنات السوء ،،
احب النصايح

اللي عندها معلومات عن الشريعه المباني اي شي

* كلي اذان صاغيه >> صح المقوله

 

[stop ana top™]

السلام عليكم

اول شي لازم ما تفكرين باي كلام سلبي يجيج من اي شخص
و اذا حطيتي فبالج هدف تسوينه مثلا حطي ببالج كل المواد تاخذين فيهم امتياز
و الدراسه نصيحه اول كورس شدي حيلج مهم جدا اول كورس
و ابتعدي عن fa و d تلعب بالمعدل لعب
و الحضور الحضور جدا مهم
حاولي تاخذين الماجرشيت عشان تعرفين المواد اللي تفتح مواد
عشان ما تاخرين بالتخرج
اسالي عن طريقه كل دكتوؤر و اللي يناسبج اخذي عنده
مالج شغل بالبنات هذا زين و هذا لا يمكن اهي ما كانت تدرس او طريقته ما تناسبها
لا تهملين اي واجب او تقرير يطلبه منج

و الله يوفقكم ♥

 

[blue ocean]

قواكم الله ..

اب اب

 

[فـوووشية]

بنات سؤال محرج شوي
انا اسمع حولي يقولون الماجرشيت
بس استحيت اسال فحبيت اسالكم
يعني شنو الماجرشيت ؟؟؟؟؟

 

[لـولـيـتـا]

الف الف مبروك القبول

لا تحاتون ولا شي دراسة الجامعه ماكو اسهل ولا احلى منها بس كل المطلوب منكم التركيز والحضور ترا اغلب الدكاتره مايحبون البنت اللي غياباتها وتأخيراتها وايد يحطون عليها
ودرسو اول باول وتشوفون كل المناهج مااااااي

وبالنسبه لتسجيل المواد اذا عندكم اسأله استفسرو من التوجيه والارشاد في كل كليه
عشان ما تتأخرون ومايضيع عليكم شي لا تعتمدون على راي البنات ترا محد وهقني غيرهم لاتغلطون غلطتي ������

يعني حطو في بالكم هالكلمتين (( ان التوجيه والارشاد لو مو مهم اش حقه حاطينه بكل كليه ؟؟ ))

جان خلو كل بنت تسأل رفيجتها وخلاص !!


وترا بكل لقاء تنويري بيجاوبون على 99% من استفساراتكم يعني ماراح تدشون الجامعه الا وانتو فاهمين كل شي وبيعطونكم ماجر شيت او الجدول الخاص بكليتكم عشان تمشون عليه وتاخذون مواده

وبالنسبه للمباني اسهل كليه بسرعه تندل اداب وبعدها شريعه اعقدهم علوم اداريه
ترا المباني واضحه ومن اول يوم بتدلون

وبالتوفيق يارب
واي استفسارات انا بالخدمه


اختكم لوليتا��

 

[لـولـيـتـا]

بنات سؤال محرج شوي
انا اسمع حولي يقولون الماجرشيت
بس استحيت اسال فحبيت اسالكم
يعني شنو الماجرشيت ؟؟؟؟؟

الماجر شيت يعني الجدول الدراسي الخاص بكل كليه فيه كميه المواد الليي بتدرسينهم طول الاربع سنين بالجامعه
:eh_s(17):

 

[فـوووشية]

لوليتا حياتي مشكووورة :$

 

[~mmm~]

منو بتروح اللقاء التنويري ؟
مستحيه اروح لووول
من اولها مستحيه

 

[Miss.Nony]

^^

أنا يمكن اروح مو أكيد

 

[يا كويتنا]

هالحجي كله لبنات الجامعه


انا كنت بالجامعه وما توفقت بسبب الزواج والاولاد


اهم شي الحضور والانتباه مو طول المحاظرة داشتلي تويار او انستغرام او واتس اب ماراح ينفعووونج


وفي بنات تطنش بالمحاظرات تطيحله فراره بالجامعه انسي تسوين جذي راح تروح سنوات دراستج خساااارة

 

[يا كويتنا]

ابي بنات التربية الاساسيه ويينهم


وي عاد الكليه كلها جديده وحنا تاول دفعه تدش فريش فان شالله تكون المباني قريبه من بعض


ابي بنات شلفرق بين دراسة الجامعه والتربية الاساسيه ...

 

[نور .خلود]

انا مستجدهه بالتربية ان شاء الله
و بععد خايفة الله يسهلها
و يعطيكم العافية بنات ما قصرتو