خريجات كلية العلوم الادارية-جامعة الكويت(قسم المحاسبة)

[nonosha]

نونوشاا والله الصراحه الف واايد ... مادري شنو مستوى السي دي بس شوفي مايصير تاخذين بس جزء منه يعني بس مثلا الجزء الخاص بالتوفل او الايلتز ؟

اييي ماراح استعيل باسال عدل
المشكلة ان محد يدري يعني حتى الدورات لما ادش محد يدري عن شي كله انا قاعدة اجرب
واللي كملوا ماستر اوردي كانوا دارسين بره او اللي دارسين بجامعة الكويت بس عماتي
بس وحده كملت بريطانيا اوردي اهيا دارسة اداب انجليزي فسهالة السالفة عندها
والثانية صج mba بس بماسترخ ماادري شسم الجامعة حتى ما متحنت جيمات على ابو عندها خبرة طويلة فقبلوها على طول بس جنه سولها امتحان اهما من عندهم

امممم بس اتوقع على اخر 6 بامتحان ايلز بعدها اقرر جان زين ايب سكور وافتك
لي وقتها اقولكم بس قلت اسالكم قبل يمكن تعرفون

 

[leolady31]

ترى العاديه والبروفشنال ماتفرق الا في شيين انه البروفشنال تحسب ال paybackperied و طبعا ال discount paybackperiod والشي الثاني تحسب nfv بس :d

لا الطاوله حييييييييييييل كببببببيره تكفي كل الاشياء بس مادري عن هالسنه ... اممم انا عندي وحده بروفشنال ووحده عاديه .. انا ماحب البروفشنال دقمها مادري شلوون فانا دايما احل بالعاديه والبروفشنال اخليها سبييير

ستووووووووووووووووووووووووووووووب
ليش ما تفرق في مرات يقولج حسبي برزنت فاليو و جذي شنو ماكو اسئلة حل حل طويل يعني؟؟

و صج دقمها يابسه غصب تنطق بس تعودت اتوحش و انا استخدمها هههههههه

 

[frawlah_83]

العاديه تحل كلش شي ماعدا الشي الي قتلج عنهم .. في فروق ثانيه بس مانحتاجهم

 

[leolady31]

العاديه تحل كلش شي ماعدا الشي الي قتلج عنهم .. في فروق ثانيه بس مانحتاجهم

اها
بس انا بستخدمها لان تعودت عليها واييييييييي قرب الامتحان ودي اخلص امتحن افتك استغفرالله احسه همم
اشلون الدراسه معاج
انا قاعده احل مسائل و اخر اسبوع بحل الموك :yaaaaaarb: الله يستر ما بقى شي

 

[frawlah_83]

والله الحمدلله ماشي الحال في جم شيء قاعد ارد عليه على السريع وهم احل السي اف بوك الاسئله الي فيه نهايه الاسبوع راح اكون خالصه ان شاءالله قبل السبت بروح امتحن الموك وتالي بعدها عندي امتحانات وايد بحلها الي اقدر عليه السبت الي وراه راح احل الموك واشوف شنو يحتاج مراجعه سريعه ...

الله اسهل ان شاء الله ... عيل انا عكسج مابي اي يوم الامتحان ابي كثر ماقدر احل

 

[pink banana]

سلاااااام
بنات الديواان بلش انترفيو اول يوم يوم الاربعاء الياي جنة
جيكوا على يور موبايلز
وقود لاك

 

[^^ROSE^^]

لا والله!!!
يااااااااااااااااااااارب سهل علينا يارب

 

[leolady31]

لالالالالالالالالالالالالالالالالالا مابي مالي خلقهم
قاعده ادرس لوووووووووووووووول

فراوله لا انا ابي افتك ابي اشوف النتيجه
ابي اشوف الامتحان اصلا اشلون صاير شنو راح اسوي شنو بهبب هههههههههههه

 

[^^ROSE^^]

بنات تعرفون مدرس زين حق كوست اكاونتنغ؟
انا ببلش ادرس cma ان شاء الله بروحي بس اذا توهقت بشي باييب مدرس
وماعندي خبره بالمدرسين
خابره ايهاب مال الادفانس جنه يدرس تكاليف 2 اللي هي كوست عندنا

ماتعرفون واحد زين بعد؟

 

[frawlah_83]

انا اقول ماتحتاجين مدرس درسي بروحج احسن وشوفي اذا تحصلين سيديااات تنباع مع الكتب ..

الحين استقريت على cma ذيك الايام تقولين cfa

 

[frawlah_83]

سامعيين عن شركه المصالح الاستثماريه .؟؟ عمي لاقيلي فيها شغل ويبي السي في مالي .. بس مادري شنو طبيعه الشغل ليلحين

بس انا مادري بيني وبينكم متردده مابي ادور بالخاص اللحين شوي تعقدت وخرعوون وشكلها شركه صغييره وودي انا بمكان استقر فييه يعني مو كل جم سنه مغيره مكاني .. اانا من قبل مشتغله في مكانين فودي اللحين بوظيفه العمر يعني بطول فيها واااايد ...

انا مفكره انها اول شي بدور بالحكومه مني لي سنه جدام مالقيت شي بدور بالخاص .. ؟؟ شرايكم انتو .؟

 

[^^ROSE^^]

لووووووووووووول
شفت حوستكم مع الامتحانات وبقعد سنه ونص جان اهون p;
وال cma كلهم امتحانين اخذ واحد شهر 9 واحد شهر 12 ومع السلامه
ان شفت فيني حيل اخذ لفل 1 cfa شهر 6
بس حاليا دام الذاكره فيها تناتيش كوست اكاونتنغ خل ادرس cma لووووووووووول

ذاك اليوم رحت الجامعه طبعت فوق 500 ورقه منهج لفل 1 cma خو عندنا ببلاش
حللت اكاونت رفيجتي لووووووول

 

[^^ROSE^^]

فراوله المصالح الاستثماريه ولا العقاريه؟

لان بمادة financial analysis كنت مسويه عن تمدين وال benchmark المصالح العقاريه
وعقب ماحللت هوريزونتال و فيرتيكال و طلعت الريشيوز ولا الشركه طايح حظها لوووووووول
هالكلام الصيفي اللي فات
مادري جان تسنعوا الحين
بس كانت الشركه تعباااااااانه بس اسم

 

[frawlah_83]

الاستثماريه .. بس العقاريه من نفس الجروب يعني كلهم واحد ... طبعا دشيت السايت سوييت نظره سريعه مكانهم في غرفه التجاره ودام ماجرين اهناك يععني ماخذين مكتب يعني شركه صغييره مادري انا حسسيت انها خربوطه ...

اااااااففففففف انا ليش ماحب سالفه الواسطات ماحب الناس يقعدون ادوروني لي اماكن انا مابي وتالي احس فشله ارفض !!!

احب لما انا القه مكان يعجبني ميخالف الي يبي اشوفلي واسطه اشوفلي اما اني الناس اتسالي جذي ماحب

تهقنين يعني موفشله اذا رفضت !! <<< انتي بالاول خل ادقوون علييج وروحي المقابله وصير خيير ان شاءالله هههههههههههه

 

[nonosha]

لا فوفو عادي دام مو عاجبج مو الا تروحين
بس انا الصراحة مااعرف عنها شي عشان اقولج
واذا مستحيه من عمج .. قولي حق ابوج اهون السالفة
ان مو مفكرة الحين بخاص وبخاطرج بحكومة والكلام اللي كتبتيه

والله يوفقج

 

[frawlah_83]

لا عادي مو مستحيه من عمي ابوي قالي عمج بكلمج وبيطلب السي في لاقيلج شغل في هالمكان بس انا قلت حق ابوي شكلها شركه خربووطه وصغيره وانا مابي جذي وانا من قبل قايلتلهم انتي بشوف فرصتي بالحكومه اول ..

جان اقولي انتي شوفي شنو الشغله وشوفي المكان وخل ادقوون عليييج بالاول خوو قالوله يب السي في بس مو شرط ادقوون !!!

كلش كلش اذا دقو رحت المقابله وكلشي تالي بقولهم مادري ماعجبني الوضع !!

انا اصلا مو مقتنعه فيها نهائياا

 

[nonosha]

اي صح زين ماتسووييين

 

[frawlah_83]

:ch12:

مادري ليش وقت الي ادرس تيني النومه وانت صكيت الكتاب عشان انام طارت النوم اوووف :rgewrg:

الا بسالكم سوال اللحين سمعت من وحده انه الي تكمل ماستر وماعندها وظيفه يعطونها معاش 400 !! صج ؟؟؟:eh_s(10):

 

[nonosha]

انا سامعة يعطون بس 400 ماادري والله

 

[frawlah_83]

اها يعني صج هم انتي سامعه !!!