خريجات كلية العلوم الادارية-جامعة الكويت(قسم المحاسبة)

[^^ROSE^^]

ديوان المحاسبه شكثر ياخذ على مايدقون يمتحنونا؟

وشنو ادرس حق الامتحان؟ يحتاج اراجع كتاب الاوديتنغ؟ قبل لا اقطه قولولي p;

 

[leolady31]

روز اهما قالوا الامتحان شهر 4 يعني يمكن اسبوع الياي او اللي وراه و اتوقع يمتحنون بالاساسيات هذا اللي فهمته من مواضيع المنتدى عن هذا الموضوع

 

[^^ROSE^^]

مشكوره
اي قالوا بالاساسيات بس انا الاوديتنغ ماحبيتها مادري شلون خذيت بي بلس
فاذا بايبون منها خل اراجع لان المنجريال والباجي حافظتهم يهبلون بس الاوديتنغ تلوع الجبد>>>>وتبي ديوان المحاسبه بعد لوووووول

 

[^^ROSE^^]

ضرسي يعورني مو وقته تالي الليل :eh_s(2):

 

[q8ia_cutaa]

وي روزي الله يعينج عوار الضرس يذبح ماتشوفين شر
اخذي بندول


واي بنات شفتوا المطر ايين سبحان الله قوي.. ان شاء الله دعيتوا ؟

 

[frawlah_83]

هلووو بنااااااااااات ...

وييي روز سلامات ماتشوفيين شر اخذي بونستاان وباجر من الصبح روحي الطبييب ..

اي كيوته ماشاءالله اهبل الحمدلله دعينا وخل ينزل الغبار معاه... بس انا اخااف من البرق والرعد :\\\

كيووته مشكوره على السؤال وسوري تعبتج معاي :**

بشروا دقو عليكم ديوان المحاسبه ؟؟؟

 

[q8ia_cutaa]

ليش تخافين أنا مبطلة الذريشة ومجابلة الجو لوووول

وعادي حياج بأي وقت جم فوفو عندنا

اليوم بسوي ليزر حق ويهي. أول مرة. برويال حياة

أنتوا تسؤون شيفنج ؟

وعادي أحط ميك اب بأجر ؟

وسنو أحط على ويهي عقب الليزر ؟

 

[^^ROSE^^]

الله يسلمكم
خذيتلي مسكن امس صار اوكي
بروح العياده اشوف شقصته

بنات دقيت على ايرنست اند يونغ بسألهم عن دوراتهم ملوت سي ام اي و سي بي اي
ردت علي هنديه عليها اكسنت مو طبيعي لووووووووووول مافهمت شتقول
نص الحروف بالعتهم جان اصكه بويهها

الله يعافيكم اللي لها خلق تتبرع تدق لو تاخذ الداخلي مال قسم الدورات خل اكلم لي واحد يعرف يتحجى عدل لووووووووول
وشكرا لحسن تعاونكم معنا
هذا رقمهم 22955000 داخلي صفر عشان تطلعلكم الهنديه الخطيره لوووووووووول

 

[^^ROSE^^]

كيوتا انا اسوي عند طلال العلي وايد وايد زين
اي عادي احط مكياج ثاني يوم
واشتري من الصيدليه كريم ماركه ريكسول حق بعد الليزر والتقشير معروف
هذا خوش كريم حطيه جم يوم عقب الجلسه

 

[q8ia_cutaa]

لووووووول على الهندية إلي ردت عليج
كلميها عربي يمكن تفهم

زين ماتسوين شيفنج قبلها ؟

 

[^^ROSE^^]

شيفنج؟؟ يعني وت؟ لوووووووووووول

 

[q8ia_cutaa]

لوووول روز

تحلقين يعني خخخخخ

 

[^^ROSE^^]

والله للحين مافهمت شعلاقه شيفنج اللي مافهمتها بتحلقين لوووووووووووووووووووووووووووووووووووووووول
ماعليه المخ مقفل

انا الله يسلمج سويت اشتراك قبل 5 جلسات وجه و رقبه ب 170
و وقفت جم شهر
طبعا قبل كانت زلوفي عجيبه شعر شعر
و ويهي و شواربي تخوضر لوووووووووووووول
عقب ما خلصت الخمس جلسات تميت جم شهر ماكو شي بعدين قام يطلع خفيييييييف
بس الحين بعد انقطاع 7 شهور رديت 5 جلسات بس خذوا مني 140 لان ثاني مره اسوي عندهم
ومرتاحه منهم الحمدلله

 

[q8ia_cutaa]

الحمدلله.
أنا نفس الحالة ماكان جذي بس قام يزيد من الأكسجين

بس قصدي تحلقين قبل لا تروحين جلسة الليزر. ؟.

 

[^^ROSE^^]

ايييييييييييييييييييييييييييييييييييي
فهمتتتتتتتتتتتتتتتتتتتتتتتتتتتت
قصدج shaving؟؟؟؟؟؟؟؟؟؟؟؟؟
لوووووووووووووووووووووووووووووووووووووووووووووووووووووول

تغديت جان يشتغل مخي واستوعب ههههههههههههههههههههههه

انا ما احلق هم يحلقون لي عندهم وشغلهم معقم و كل شي
اول مره حلقوا لان الشعر طويل كان
بس الباجي يكون نقط و ساعات مايحلقون لان ماكو يكون توه عنونو كلش
بس اذا في بيحلقون تقول لان الليزر حار اذا ماحلقناه تحترق الشعره و يبقع ويهج مكان الحرق جذي
فاحسن يحلقون

ترى حتى underarm سوبت عندهم هذي رابع جلسه و ماااااكو ولا شي
جني شايلته بشيره
ولا يبقع و لا يسود ولا في شي انا خرعوني قبل
واللي تقول يصير فيه ريحه و حاله صروعوني
مافيه شي بالعكس راحه

 

[q8ia_cutaa]

امبيه روز بدعتي

لوووووووووووووووووووووول

عوافي ياختي مطرح مايسري يمري


اشوة انا قتلها انا مابي احلق بروحي جان انتي بتحلقيلي كيفج :q
قالت تعالي ويصير خير

اما اختي سوت الاندر ارم تقول طلع ريحة ووقفت .. بس اهيا سوته ب طيبة كلينك عاد انا ماداني هالعيادة

الله يستر من اليوم :q

قمت من النوم ولا عيني فيها رمد جان اطقها مرضية .. ورحت سويت تحليل دم ذبحوووني يالله لقولي عرج فديتني :$

وبعدين رحت حفيت حواجبي عند صالون يورز عند وحدة اسمها ادنا هندية اهيا بس تعرف حق حواجبي :$ عراض وحلوين :$
وهمن فديتتني :$ لووووووول

 

[^^ROSE^^]

اي طيبه كلينك لوعه ويع شتبي فيهم اختج
لا طلال العلي عجيبين و نظاف و ماكو زحمه لان تروحين بموعدج سيده تدشين
وانا كلش ماصار فيني ريحه
مادري اذا هو عالجهاز ولا عالجسم

 

[frawlah_83]

لوووووووووووووووووووووووووووووووووووول رووز بدعتي ضحكتوني على سالفه الشيفنق هههههههههههههههه

كيوووته انا اسوي عند رويال حياه عند وحده اسمها مايلا تهبل انا ويهي ماسويله شيفنق بروحي اخاف اخليها اهي تسويلي واذا كان صغار ماتسوي بس حق ريلي لا انا اسوي ..


روووز بغيت اسالج ادلين وين صاير اعاده الهيكله في اوراق لازم اخذه عشان اكمل اجراءات استقالتي مادل

 

[^^ROSE^^]

اي الله يسلمج تطلعين على خط الدائري السادس
اول شي تمشين عالملك فهد طوفي دخلة السرة و جسر مشرف
الجسر اللي ورى جسر مشرف صعديه بس اخذ فرعي يمين تنزلين عالدائري السادس
وكملي سييييييده تطوفين 360 و تشوفين عمارات العربيد الورديه ملوت الداخليه على يمينج اول ماتطوفينهم تشوفين الهيكله على يسارج
عقب ماتشوفين الهيكله راح اييلج جسر ماتصعدينه تحته في اشاره تاخذينها يسار عشان تلفين فوق تحت

بس انتبهي
اول ماتاخذين فوق تحت من الجسر بتييلج دشه يمين دشيها
ترى اذا طافتج خلااااص تردين ليييي اول جسر عشان تلفينه بعد فوق تحت و تردين كل هالطريج

فاول ماتاخذين فوق تحت بتشوفين دخله يمين دشيها
مو نزله اللي تطلعج على خط ثاني
لا هي دخله حق الضجيج

ان شاء الله تكونين فمتي من هالقرقه لوووووووووول

 

[nonosha]

هلووو بنات شلونكم ؟ شنو اخر الاخبار