خريجات كلية العلوم الادارية-جامعة الكويت(قسم المحاسبة)

[بنت حمووله]

لووول روز انشالله ما اصيرلج جيمس بوند
بس افا عليج اقولكم الاساله عشان تزهبون عمركم و تعرفون الطريقه لا تحاتين مو نحييسه
لولوه اي الامتحان بالآداب قالي بالقاعه الرياضيه :/ جان انا اتنح...مادري وين صايره هذي بعد..بروح اسال السكيورتي
واهم شي ان السالفه فيها آله حاسبه...يعني مراح يكون سهل الامتحان..
انا اساسا الاحد بداوم بالبنك و عندي دوره وياهم...مادري متى تخلص الدوره...شكلي مراح ارد البيت...سيده اروح كيفان :/

 

[^^ROSE^^]

وي كلنا بنفس لامتحان
مابي لووووووول ابي اغش منكم

يالله بعد شنسوي

 

[بنت حمووله]

شسويتي بامتحان الانجليزي روز؟؟؟
ومنو تعرف طريقة امتحان التخصص؟؟؟ شنو نوعيه الاساله و المسائل :/ مادري شنو اراجع
وبالعربي ولا الانجليزي؟؟ مستشارتنا العزيزه ام كشه افيدينا لووول و امنا الروحيه فوفو هم افيدينا

 

[frawlah_83]

رد : خريجات كلية العلوم الادارية-جامعة الكويت(قسم المحاسبة)

والله يانونااا ماعندي فكره بس اكييد شووشوو تقدر تفيدكم جنها داشه الامتحان من قبل مو متاكده ..

اممم شوفي الموضوع الي انا منزلته مال اعلان البنك المركزي في جم واحده هذي ثاني وثالث مره اقدموون وادشوون الامتحان فحطي سؤالج اهنااك وان شاء الله وحده منهم ترد عليييج


ياارب الله اوفقكم :yaaaaaarb:


الدوره اكيد يا تخلص مع الدوام الرسمي او قبل .. الدوام اخلص 3.30 اذا الامتحان 5 امم يمدي ترديين البيت بس تغسلين وتبدليين وتردين بسرعه تطلعيين او تشوفين لج احد وتطلعين اتغديين بره

 

[بنت حمووله]

رد: رد : خريجات كلية العلوم الادارية-جامعة الكويت(قسم المحاسبة)

اي فوفو السالفه فيها غدا ...و بسلايدر بعد
يالله الللحين اشوف موضوعج و اسالهم

 

[^^ROSE^^]

الانجليزي الحمدلله سهل
بس احاتي التخصص مالي خلق اراجع
ولا اييبونه عربي يضيعونا حدي باخذ 1 من 100

 

[frawlah_83]

رد : خريجات كلية العلوم الادارية-جامعة الكويت(قسم المحاسبة)

نونااا روحي جربي lettle ruby توها وحده قالت لي عنه تقول حلو بس انا اول مره اسمع عنه .. اهو مكان بالضبط في برج المتروك في شارع احمد الجابر قبال برج يونفرسال وبرج وربه للتأمين ..


لووول توني اتذكر انتي قلتي حق نونوشاا انه بنك وربه قبال الاهلي المتحد هذا ترى برج وربه للتامين مو البنك

 

[بنت حمووله]

رد: رد : خريجات كلية العلوم الادارية-جامعة الكويت(قسم المحاسبة)

وييي صج؟؟؟ مادري :/ انشالله ما ادليها غلط و اتفلسف لوول
اي روبيز هذا رفيجتي ذبببببحتني فيه الا تبينا نروحله تقول اكله مو طبيعي
شكلي بجربه عيل

 

[^^ROSE^^]

انزين هالامتحان اختياري ولا كتابه؟
وهو نفسه اللي فيه معلومات عن البنك؟
وان شاء الله يكون اخر امتحان يارب

 

[nonosha]

رد : خريجات كلية العلوم الادارية-جامعة الكويت(قسم المحاسبة)

هلووو جمييعاااا
شلونكم ؟؟
انا بعد دقوا علي المركزي قالولي نفس الحجي وشتطلع هذي القاعة الرياضية
وحق اللي مقدمين على النفط ترا اليوم دقيت عليهم وماعطوني لا حق ولا باطل
قالي ان بعد ما طلعت اسامي المقبولين قتله متى جان يقولي ما عندي خبر والله لا تحاتين لما تطلع اندزلكم مسجات
جنه قايل اختراع :S

 

[frawlah_83]

رد : خريجات كلية العلوم الادارية-جامعة الكويت(قسم المحاسبة)

نوناا بنك وربه انا قريت انه في برج اسمه السنابل يم الاميري اول مره اسمع في هالبرج ماجرين اهناك دور بس هل اطلعو لي اللحين اهناك الله يعلم

اذا انتي قصدج عن المبنى الطويل الي صاير على الاشاره بالضبط وصاير من فوق جنه بوز مثلث فهذا اهو وربه للتامين ويمهم برج يونفرسال


اي خوش جربي وقولي لنا عنه

 

[^^ROSE^^]

شنو اطلب؟ يعت

 

[frawlah_83]

رد : خريجات كلية العلوم الادارية-جامعة الكويت(قسم المحاسبة)

انا والله طالبتلي غدى من لوت فاات ولازم 3 دنانير عشان اوصل فجان اطلب عشااا عندهم حلووم ملفووف في خس لذيييييذه

 

[بنت حمووله]

رد: رد : خريجات كلية العلوم الادارية-جامعة الكويت(قسم المحاسبة)

انا طلبت ماكدونلدز :$
صايره دبه بس آكل
بنااات ابي توبات او (tops) حلوين حق الدوام عشتو لوول
رحت بتسوق بافنيوز امبي يلوع الجبد...بس شريت فلات و قميص حده عادي
ابي مكان محد يدري عنه و عنده اشياء حلوه و عمليه

 

[^^ROSE^^]

روحي 360 في محل اسمه بيمبا اند لولا عجيب بضاعته نفس طريقة ماسيمو دوتي اصلا وكيلهم هو وكيل ماسيمو
المحل سطرة كارين ميلين و محل الساعات يصير بالزاويه هو
انا اشتري منه جينزات كله على حظي يكون مسوي خصم الجينز ب 40 اخذه ب 20
وشحلاتهم حتى الهدوم و تكرمين الجواتي والجناط حلوين

ماسيمو بعد شحلاته كل ما اروح القى اشياء حلوة
عندج محل بالافينيوز قبال كارفور ونظارات كيفان لازق بمحل سلسا اسمه يوتيركي
هدومه و جناطه وتكرمين جواتيهم وايد حلوة

 

[frawlah_83]

رد : خريجات كلية العلوم الادارية-جامعة الكويت(قسم المحاسبة)

لووووول نونااا ماكو محل بالكويت محد يدري عنه

 

[بنت حمووله]

رد: رد : خريجات كلية العلوم الادارية-جامعة الكويت(قسم المحاسبة)

اي روز صاااجه حلو هالمحل...اهو و ميلين بيرجر
فوفو لووول اي قصدي سوالف بننات يسوون اشياء حلوه
بروح حق اللي شريت منها قبل جم شهر اللي بيتهم بمشرف عرفتوها؟؟؟ ذوقها يعجبني
ابي وحده نفس طريقتها بنات

 

[CBA06]

بنات انا بعد دقوا علي البنك المركزي بس كنت بالنادي وماسمعت شقال بس قلتله انشالله :s
بس الحين اللي فهمته منكم ان الامتحان الاحد الساعه 5 بالصالة الرياضيه اداب كيفان؟ واذكر انه قالي ييبي اله حاسبة
وترا انا سألته هذا اخر امتحان؟ قالي ايي اخر شي هذا

 

[^^ROSE^^]

اشوه ماكو قدرات و خرابيط يعني هذا اخر شي

 

[Om_Ksha]

هاي بناات

شوفو محل براون اب مجمع تالا قبال ليلى قاليري عجييب


و امتحاان التخصص مممممممم :\\\ امبي والله ناسيته بس ان توهقت فيه وايد :\\\\\\

كان بالعربي و لازم أله و اتعرفون المسائل اللي يعطونكم معطيات و يقولولكم طلعو مثلا القسط ولا مادري مبلغ بعد جم سنه بس نسسسسسسسسيت والللللله ((( بس اذكر مسائل من متوسطه و انا كنت مييح فيهم حتى ايام الجاامعه ..

والله لو اذكر جان قتلكم اووف بس درسو متوسطه و حكوميه شوي راجعو و كله اختياري و فيه نسب فايده ثنتين بس مو ذاكره شنو المسائل اللي فيها نسب فايده .. و اذكر سؤال كان عن العمله دينار جم يساوي دولار او 100 فلس جم دولار شي جذي كان ..

امبي احس صج صج صج ذاكرتي انمسحت نسيييييت كل اللي درسنااه

سوري بنااات قاعده اعصر مخيييييي بس هذا طلع وياي عموماا موفقييييين يااارب ان شالله تسوون زيين