خريجات الموحد 2008-2009 نبيكم شوي

[..نواره..]

انا خريجه النظام الموحد الدفعه الاولى

احلى سنه 12 مع انها كانت مصيريه

الصراحه الكورس الاول نسبتي كانت يعني اما الكورس الثاني زادت الحمد لله

تراها حلوه وراح تعدي

وانتوا شوا حيلكم بالعربي والانجليزي تراها ترفع المعدل

انا اللي نزل نسبتي المادتين هذول

 

[ميوشه_18]

قوه بناات انا خريجة موحد
زالله والله سهل ولاتحاتوون تصحيح وزااره اهووون حيل من المدرسه والله
ويسااعدوون
والابلات دقوقون ع حرف بعد اما تصحيهم برد جبدي والله
وع فكره درجه وحده تاثر حيل وموفقين خوااتي

 

[ميوشه_18]

ااي صح وجذب اللي يقوول الوحده اذا ماجابت نسبه كورس الاول ماترتفع
لا والله ترتفع واعرف بنات شكثر جذي

وركزوا ع عربي ووانجليزي بس العربي اكثر
انا اهوا اللي نزلني بس حمدلله نسبتي عاجبتني حلوه
واذا انتوا ادبي شدوا حيلكم بالتاريخ والجعراافيا والفلسفه والله سهلين وحلوين
وصج درااسة جغرافيا تغث بس بالامتحاان تنصدمين من سهوله الاسئله ومبااشره
والفلسفه روووووووعه والله وهم تااريخ اموت فيه

وكنت اجيب بهالموواد درجاات كامله لان والله سهله
بس يبيلج درااسه اول باول وماتكودين ع رووحج درووس

يعني جغراافيا مثلا
كل خميس ليماتردين من مدرسه ومتا ماقعدتي من نووم بطليه وراجعي درووس اللي اخذتوها
وكل فصل تخلصينه بطليه بالويك اند وراجعيه وموشرط يكوون لازم امتحاان عشاان ترااجعين
وبعد فلسفه ومنطق يبيلهاا انج كل درس تاخذينه تردين البيت وترااجعينها لان يعتمد ع فهم
وله اكثر من قاعده واذا ماراجعتيهم اول باول رااح يصير صعب عليج ويتكوود ولارااح تفرقين بينهم
سوا هالطريقه وادعوا لي والله رااح تفيدكم وتنفعكم وتريحكم بيووم الامتحاان

وبس ادري قرقرت واايد بس حبيت افيدكم


وموفقين خوااتي والله يسهل عليكم وتجيبوون اعلى درجاات يارب:yaaaaaarb:

 

[حلوه بس فصله]

وااااااااااااي يافديت هالسنه والله
انا سويت موضوع حبيبتي عن 12بكبرها انا خريجه من اول دفه للنظام الموحد
ونسبتي كانت 83ودخلت كلية التربيه الحمدلله بالتخصص اللي كنت ابيه
صدقيني مع اني بكليه وحريه على كيفي اطنش محاضرات ولا لا ومااسمع صوت الجرس وكل اللي معاج
كبار وانشالله تحسين بهالشي بعدين بس والله الثنوي لها طعم غير
واذا عندج اي استفسار انا حاضره بالخاص

 

[*عطر الندى*]

هلا والله.."مساء النور"
حبيبة قلبي لاتحاتين 12بروحها لان الموحد يعتمد
على الثلاث السنين ..يعني مو بس آخر سنه
وانا اعطيج الدليل ..رفيجتي توته الله يذكرها بالخير
كانت تلعب ومقزرتها عدللل بعاشر وحادي عشر
ولما صرنا ب12 والله ان من كثر ماتدرس كانت درجاتها
خياال واحسن مني بكل المواد "مع العلم انا جايبه 93"
ولما تخرجنا خذت ((((74))) حتى التربيه الاساسيه ماقبلتها
الزبده من هالحجي:اللي ماكانت مسويه شي خل تستريح
عشان ماتتعب نفسيتها مثل رفيجتي اللي صج تكسر الخاطر..سوووووري ع الاطاله

 

[مشاعر خجوله]

السلام عليكـمـ ..

اول شي : عسى ربي يوفقكمـ ان شاءالله ويسهل عليكمـ هالسنه .. وتتخرجون بالنسبه اللي تبونها


وثاني شي:

وربي وربي وربي ان 12 اسهل واخــف واحلــــى مررررررحلــه مرت علــي والله شاهد علي .. ولا تقولون 12 وآخر سنه ولازم نضغط ولا اقولكمـ لا تدرسون ولاتشدون على حيلكمـ .. بالعكس خليكمـ بين البينين .. يعني وقت الدراسه دراسه ووقت اللعب لعب بس اهم شي لا تفكرون بأشيا سلبيه تأثر عليكــمـ يعني مثل الخوف او التوتر لانها السنه المصيريه وثانويه عامه او كلااام بعض الابلات اللي ما يودي ولا يجيــب .. إلا بالعكس دااايم حطي فبالــج انج قدها و قدود و ان الكليه اللي تبينها بفضل ربي بتوصلين لها وإن الدراسه حلوووة .. يعني من هالكلااام وصدقيني مهما حطيتي فبالج افكار ايجابيه راح تحققين اللي تبين وتوصلين له بسهوووولـه ..


انا بالنسبه لي >>

بعاااشر كانت نسبببببتي تفششششل والكل انصددم منها بس انا توقعت جذي لان بكل صرااحه ما كنت مهتمه والنظااام مع المواد على دفعتنا كااانوا يلوعوووون الجبــد هذا غير الضغط !!!


بس الحمدلله بـ11 قدرت إني ارفعها اكثر شوي ..
و
بـ12 الفترات (1 & 2 & 3) الحمدلله كنت اخذ النسب اللي انا متوقعتها واحيان بزوود .. بس بـالفتره الرابعه "اللي هي نهايه السنه" نزلت شووي بالنسبه لان بفتره امتحانات نهايه السنه نفسيتي مو ذاك الزوود فـ احيان كنت اروح وانا مو مخلصه المنهـج وهم بعد ما انسى نسبتي بعاشر بس بفضل الله ما أثروا حيل لاني كنت شاده حيلي بالفترات لكن بالنهايه احمد ربي واشكررره اني دخلت لجامعه الكويت وبالكليه اللي ابيها =)




وبقولـكـمـ عن طريقـتي اللي كنت اسويهـا وخصوصـا بالامتحانات النهائيه ، انا بنفسي مجربتها و شايفه نتايجها بعد ما طلعت النسبه


اخذي لج اوراق A4 ملوووونه وقلم خطه عريض ويكون واضح من بعيد واكتبي عالاوراق عبارات ايجابيه ، مثل :
(انا قدها وقدود & سهل & الدراااسه حلووووه & واضـح & بسيـــط & بإذن الله امتياز & بحقق طموحي وان شاءالله بوصلج يا "اسم الكليه اللي تبينها" & "النسبه اللي حاطتها فبالج" بإذن الله بجيبهـا & "الفلسفه" بسيـطــه ومفهمومــه & "الجغرافيا" مثـــل العســل & "التاريــخ" دراسته ممتعه & "القواعــد" حلوة وسهلـــه & أنا شاطــرهـ ......إلخ )

وغيرررررها من عبارات من هالنووع ، وعقب لزقيها بغرفتــج او بالمكان اللي تدرسين فيه .. باختصار خلـي المكان *ماكنتووووش* لان الالوان تأثر عالنفس وتفتح نفسيتج للدراسه ^_~


وطبعاً المواد انا حاطتها من عندي لاني كنت ادبي .. انتي ماعليج إلا انج تشيلين الماده اللي حاطتها انا وحطي مكانها اللي تبينها .. واي ماده تحسينها صعبه عليج او دسمه حاولي تركزين عليها بهالعبارات وبتشوفين شلون بتصير سهله وخفيفه عليج ، ويمكن تقولون ماراح تجيب فايده هالعبارات وما تفيدنا بشي .. لكن صدقيني بتحسين فيها يوم عن يوووم و ولا تقولين اي شي لين تشوفين نسبتج اذا تحسنت او لا !! .. وبتدعووون لي وقتهـا

وعقبـــال ما تبشرووووني بالنسب الحلوووة والمرتفعه ^_^



عسى ربي يوفقكمـ ان شاءالله ويسهــل عليـكمـ هالسنــه وتتخرجون منها وتدخلون الكليه اللي تبونــها يااااا رب ..

وأي استفسار او سؤال طرشي عالخاص ولا يردج إلا كيبوردج





(( ادرري قرقررررررت حيــــــل .. بس وربي لانكـمـ نفس خواتي طولت بالكلام وقعدت انصـحكـمـ وان شاءالله استفدوا .. وهم "الديـن نصيحـه" ))

 

[mr00m]

جزاكم الله الف خير ماقصرووتو يا الخريجات

الفاااال لنا


يالله بعد نبي نستفيد منكم اكثر وينكم يا الخريجااااااااات

 

[الحلاا كله]

.
.
,










ياهلاا ياهلااا ببنات الثانويه <<احمـ احمـ كبرت

نفس كلام البنات والله والله اسهل مرحله اهي12 غيير عن عاشر بالمره
اصلا عاشر كان الكل منصدم فيهااا نظام مادري شيبي
المهم و11 خصوصا علمي كانت حيييل صعبه وموادها دسمه حتي العربي والانجليزي كانوا غثيثين
اما 12 صج اخر سنه وماكو تعويض بعد بس شنو درسي بتحصلين زفتي بالشهر الاول عندج الثاني
اذكر انا بالرياضيات بما انها اصعب ماده بالنسبه لي والله كنت ماخذها درجه شقول عنهاا خايسه كرهتني بنفسي
وللعلم كان الكورس الثاني بعد بس شديت حيلي بالفاينل وحصلت اللي ابيه
واهمـ شي عندكم العربي والانجليزي ركزوا عليييهم وحاولوا تجيبون فيهم علامات حلوه ومرتفعه
لان اهم شي اهمـ اذا قلت درجتج فيهم بتقل نسبتج
اما النسبه بالاشهر ترتفع توصل للامتياز اما بالكورس الاول حصلت ع نسبه يمكن 81
وباخر السنه النسبه82.42

اي ولا تنسوووون الدعااااء والله كل مادعيتي ولحيتي على الدعاء الله مايخيب رجاج
والله يوفقكم كلكم وان شاءالله :eh_s:
واي استفسار انا موجوده سألوا......}~






.
.
,

 

[شـيـخـة الـغـيـد]

أحلى سنه 12 وأسهل من السنين اللي قبلهآ مع إني مآ كنت أدرس

أنآ بالكورس الأول كآنت نسبتي حيييل نآزله حتى إني فكرت أوقف قيدي وأعيد السنه من جديد عشآن أجيب نسبه أعلى

تدخلني الجآمعه .. !

مآ أذكر جم كآنت بـ الضبط لكنهآ كآنت بـ أول السبعينآت ! :/

شديت حيلي ع الكورس الثآني وتخرجت بنسبه زوينه المهم إنهآ دخلتني الجآمعه


موفقييييين إن شآء الله

 

[هبله حلوه]

انزين بنات النسبه تعتمد بس على هذي السنه ولا تعتمد على عاشر و 11 و 12 ؟؟

 

[حـوريـه]

أب ..

 

[mr00m]

أحلى سنه 12 وأسهل من السنين اللي قبلهآ مع إني مآ كنت أدرس

أنآ بالكورس الأول كآنت نسبتي حيييل نآزله حتى إني فكرت أوقف قيدي وأعيد السنه من جديد عشآن أجيب نسبه أعلى

تدخلني الجآمعه .. !

مآ أذكر جم كآنت بـ الضبط لكنهآ كآنت بـ أول السبعينآت ! :/

شديت حيلي ع الكورس الثآني وتخرجت بنسبه زوينه المهم إنهآ دخلتني الجآمعه


موفقييييين إن شآء الله

جم كانت نسبتج اخر السنه
وعاشر والحادي جم كان معدلج




اب
اب
اب

 

[jooore_q8]

مرحبااااااااااااااااااا

اول شي الله يوفقكم .. ثاني شي 12 احلىىىىىىىىىىىى مرحله بحياتي لانها اسهل من 11 و 10


والله يا بنات نصيحتي لكم .. ادرسووووووووووا العربي والانقليزي والله هالمواد تلعب دوور بالنسبه ..

انا عن نفسي كنت ادرسها اي شي يعني مو مهتمه وكنت اجيب بالاشهر 44 من 50

و الله اهي اللي تنزل المعدل وترفعه ..


انا نسبتي بكل السنين كانت بالثمانينات بالضبط فوق الـ 85 .. وطلعت نسبتي النهائيــه 79


انقهـــــــــــــــــرت حدي .. بس الحمدلله على كل حــال .. والحيــــــــن دخلت الكليه اللي ابيها بجــامعة الكويت .. والله يوفق الجميع ..


على فكــــــره انا كنت علمـــــــــــــــــــــي .. واللي تبي اي مساعده ترسلي ع الخاص وتبشـــر بعزهــا ..

 

[lulu**]

UP
Up
Up

 

[~حكايـة طمـوح~]

بنات شلون حسبتوا نسبكم..؟
والله خوفتوني

 

[mr00m]

Up
Up

 

[lilo-y]

السلام عليكم
حبيت افيدكم
الصراحة عن تجربتي انا الحمدلله كانت المهاج سهلة في الكورس الثاني اما بالنسبة للكورس الاول شوي كان يبيلة اما بالنسبة للنسبة الحمدلله كانت زينة صج انها ماكانت ثابتة بس لما تنزل ماكانت تنزل بشكل ملحوظ بشكل بسيط بس

بس ترى الشي يختلف من واحد لي واحد وشدوا حيلكم وراكم طموح تبون تحققونها


موفقين انشاءالله وللاعلى يارب

 

[mr00m]

Up
UP