خراب مبكر .. الحقوووووووني ..

[i-elham]

السلام عليكم ورحمة الله
صبحكم الله بالخير ياقلبي ..

حبيباتي انا لي 28 يوم والدة وانا بكرية ..
من كم يوم يطلع معاي اصوات :eh_s(2)::eh_s(2): بس مو بشكل مستمر ..
احيانا مرة باليوم .. على اني اكل زين والعلاجات اكلها ..

دقيت على معالجة عندنا قالت لي هذا خراب وهاوشتني وتخرعت :eh_s(2)::eh_s(2)::eh_s(2)::eh_s(2):

وعلمتني على طريقة تقول تساعدني لان هذا بداية خراب ..
الله يخليكم افيدوني يعني يمدي الوضع يتعدل قبل اخلص الاربعين .. والله العظيم احس بموت من الخوف والخرعه خاصه ان مابقى لي غير 12 يوم :eh_s(2)::eh_s(2)::eh_s(2):

 

[عطر الأنوثة]

مت عندي فكره

up up up up

 

[i-elham]

ياليت اللي عنده خبره يفيدني الله يخليكم

 

[i-elham]

ساعدوني بليز

 

[بعيدة الدار]

حبيبتي عادي بالاربعين يطلع صوت لان الرحم توه مارجع لوضعه الطبيعي هذا كلام دكتورتي لي بس من وصلت 20 يوم بديت اسوي تمارين كيجل وحطيت تحاميل المره والملح والحمدلله رجعت مثل اول واحسن

 

[تبطي عظم!]

حبيبتي عادي بالنفاس يطلع اصوات لان توج للحين مانظفتي عدل وكل الي برحم قاعد يطلع ماعندها سالفه هالمعالجه

اهتمي بنفسج ب وماكو الا العاافيه لا يدخلج هوا اهم شيء وطالعه من الشر

اخر النفاس استخدمي تحاميل البيتادين. تنظف لج رحمج عدل

 

[سعودييييه هع]

(قشره القهوه ، زنجبيل بودره ، كمون ، فلفل اسود ، قرفه حبتين ، 5 تمرات ، يانسون ، وصبي عليه مويه حاره وحركيه حتى يذوب التمر

خليه يطبخ من 5 الى 10 دقايق )

> هذي طريقه اهل الجنوب عندنا بالسعوديه توخر الخراب والاشياء هذي ~

والحمدلله على سلامتك

 

[Dalo3h]

حبيبتي هذا خراب ومو عادي كلش لحقي ع عمرج قبل لاتخلصيين الاربعين

اول شي لازم ماتجوعييين ويكون اكلج حار مافيه بارد

وثاني شي انتي المفروض تاكلين الحلبه بداية اربعينج وتوقفينها قبل ال٢٠ يوم


معروف بعد ٢٠ يوم تبدين تاكلين المردود ولازم يكون نوعيته زينه

عشان ينظف رحمج

حبيبتي لازم تتلاحقين عمرج ولا الاصوات بتكمل معاج مع كل دوره تيييج

وموفقه حياتي*

 

[.. BNT ..]

صاجه اللي فوقي اختي جذي وقالو عاادي لانه رحمج مرتخي مدري شنو وسوي تمارين كيجل
قصو عليها ليلحين تعاني من الهواا الخراب بشكل عام
تلحقي على روحج هاتي حرمه ترددج وتعدلج وتطلع الخرابيط وديري بالج حيل حيل اذا جتج اخت النفاس واهتمي عدل بروحج

الله يستر علينا يميع

 

[حرم_الغلا]

تبخــري بخــور الهــواا ... واستــخدمي تحــاميل البتـادين.. وماتشـوفين شـر​

 

[قمر 777]

تبخري بخوا جوا وقشر رمان وكسره مره وكمون مطحون وفلفل هوا
واذا طلع صوت ما اطلع انا قمر

 

[كلي لحبيبي]

انزين بنات انا يطلع مني هوا من رحمي بس خفيف مع القعده والقومه بس بدوون اصوات
شنوو هذا :/

اسفه صاحبة الموضوع عالمداخله اعذريني :$

 

[قره عيني صلاتي]

عادي حببتي لاتحاتين كون توه مارد الرحم لوضعه الطبيعي بس سوي طريقه اختي قمر وتدفي عدل ولا تمشين بدون دلاغات وماتشوفين شر

 

[ام الحلوااات]

تـــــلاحـــــقــــــي عـــمــــرج بـــاالـــبــــاااقــــــــي مـــن اربـــعـــيــــنــــج و اللـــــــه يــعـــيـــنـــــج ​

 

[Dalo3h]

اختي "كلي لحبيبي"

انتي بعد خربانه بس ع الخفيف تقدرين تعدلين نفسج بالدوره وتسوين نظام نفس الانفاس للاكلج هذا اذا كان خرابج مو من انفاسج

وبالنسبة للاخت "bnt" اذا اختج خربانه ترى تقدر تتلاحق عمرها

بس اللي تخرب بالانفاس مايعدلها غير نفاس ثاني مو دوره وهم اللي تخرب بالدوره ماتعدلها غير دورتها

""هذا كلام جدتي""

وحده من رفيجاتي خربت بانفاسها وماخلت شي بعد الانفاس ماسوته وبكل دوره تسوي لها نظام وماكان في فايده

ولما سالت جدتي ردت علي باللي كتبته فوق وقلت رفيجتي وطبقته والحمدالله الحين مافيها شي

وبعدين انا ماادري التمارين شنو علاقتها صراحه لا انا ولا خواتي نسويها ومااشوف خربنا ورحمنا الحمدالله مافيه شي

وموفقين خواتي

وادعولي الله يسهل علي لان ولادتي قربت*​

 

[no0oralq8]

لاتخلين عمرج تعالجي قبل لاتطلعين من الاربعين ياقلبي ،،
يمدحون ام محمد الرشيدي دقي عليها وشوفي شتقولج؟

هذا رقمها 24388855 -*65506544
اام محمد الرشيدي

 

[.. BNT ..]

دلووعه

صاجه اختي مختربه من نفااسها وماقدرت تعدل الوضع بالدورات ابد

الله يكون بعوناااااااااااااااااا =(

 

[Angel-Lady]

سألي دكتورتج ليش اتضيعين و اتخوفين نفسج

الطب تطور و الحمدلله ... ليش تسمعين كلام حريم اول و اليدات و انتي عندج ناس متخصصه بهذا المجال

الي اعرفه ان هذا شي ممكن يصير لان الرحم متضرر بسبب الولاده و انتي بفترة الجسم و الرحم يرجع لوضعه الطبيعي فروحي دكتورة نسا عشان تعرفين وضعج و تعالجين نفسج

هذا موضوع حلو ممكن يساعدج بالايام الباقية

*http://www.q8yat.com/t962575.html

و ان شالله ماكو الا كل خير

 

[i-elham]

شكرا حبيباتي كل من رد علي وعطاني من وقته
وبارك الله فيكم والله يجزيكم الخير ..

ان شاءالله بهتم بهالكم يوم اللي باقيه والله كريم