خذيت الأبره بس ما تقيدت بتعليمات الدكتورة :(

[BLacK_CaT]

كل شي بيد الله والله يرزقج ويرزق كل محرومه

 

[عروسه 99]

ناطره ردج ؟؟؟؟؟؟ وبكمل معاج انشالله اتبشريني وابشرج لا تقطعيييين امانه ؟؟؟؟؟

 

[عروسه 99]

ووووووووينج مريومه ليش ما رديتي بلغيني شنو صار عليج لا تقطعيييييييين ناطرتج

 

[مريومه :)]

هلا بنات شلونكم اسفه على التأخير

مشكورين على ردودكم ملا قصرتوا

حبيبتي عروسة 99 تصدقين الدكتورة قالتلي نطري ليمن موعد الدورة اذا ما يتج حللي

بس انا صارلي يومين عوار في الجانب الايمن و الظهر جنها نقزات الدورة بافي على موعد الدورة 8 أيام الله لا اجيبها و اكون حامل

 

[ناتشوو]

يارب تطلعين حامل

 

[مريومه :)]

انشا الله امين ويرزق كل محرومة بالذرية الصالحة

 

[<Miss ROoSe >]

ان شاء الله ربى يكتب لج الحمل هالشهر وتفرحينا ونشوتج فناقر حق قسم الحمل والولادة انتى وعروسة 99

:dddds:

ولا تحاتين ترى أعراض الحمل نفس الدورة بالضبط يعنى ماتدرين اذا كنتى حامل والا بتنزل عليج الدورة
الله يرزقج ويرزق كل البنات اللى بقسم تاخر الانجاب​

 

[عروسه 99]

انشالله يا مريييييييييومه تكونيين حامل ومشكوووووووووووره اختي كاكاوه على الدعوه الحلوه بس انا اليوم يتني الدوره بس بتابع مع مريومه ابيها بتشرني وتفرحني والله استانس من اسمع وحده تكون حامل يالله مريوم ابيج اتشجعيني وتقولين لي انج حامل اوكي وانشالله باذن الله تكونيين حامل

 

[عروسه 99]

على فكره مريومه انتي اول وحده اهتم بموضوعها والله جذي لدرجه لازم اشوف الردود فيه وادخل عليه كل يوم تابعي معاي اوكي بشوف وانشالله الابره تفيدج يا رب واتمنى ما اكون ثقلت عليج بردودي حبيبتي

 

[مريومه :)]

وي حبيبتي عروسه حتى انا تفاعلت معاج وايد حسيتج نفسي

بس امانه لا اقص عليج الشيطان واحطمج عادي روحي حق دكتورتج وابدي علاج من جديد

ولا تخافين بقعد ادعيلج في كل صلاة

 

[عروسه 99]

مشكووووووره حياتي مريوم وانشالله برروح لها واكمل والله ردج أثر فيني بس مريوم انتي شكثر صارلج متزوجه اعذريني على هالسؤال حبيبتي بس ودي اعرف وبراحتج بالرد حبيبتي ومتى بديتي علاجج انا توني بديت علاج قبل شهريين اول شي كان فيني التهابات والحمددلله عالجت نفسي منهم والحين اعلج نفسي حق الحمال وصارلي 8 اشهر متزوجه

 

[مريومه :)]

لا اشدعوه عروسه انا صارلي 6 أشهر

سبحانه الله نفس حلتج بدت فيني التهابات و عالجتها

وهذا اول شهر اخذ الأبرة بس صراحة انا دكتورتي عطتني كلوميد لمدة 5 ايام بعدين سوت لي سونار داخلي يوم شافت البويضه حجمها زين قزتني الأبرة

انتي ليش ما عطتج كلوميد؟

 

[عروسه 99]

لا انا ما عطتني كلووووووووميد كل اللي عطتني اياه حبوب ثانيه لمدة 5 ايام اسمها سيروفيين اذا سامعه عنها لانه انا قالت لي عندج حجم البويضات اوكي انتي عند منو تعالجيين ؟؟؟؟؟ انا اعالج عند رشمي اللي بمستشفى الهادي لانه اهيا اللي عالجتني من الالتهاب وقلت مره وحده خل اكمل علاجي عندها لاني ارتحت عندها

 

[مريومه :)]

انا اعالج عند فوزية القطان

بس صراحة حاسفة بتيني العادة نفسيتي كلش مو اوكي ويايتني تقلصاتها

الله اثبتني و اكون حامل يارب

 

[عروسه 99]

انشالله تكونيين حامل يا مريوم تفائلي بالخير حبيبتي انشالله تكون اوهام الدوره وتكونيين حامل انشالله وجد والله راح افرحلج

على فكره وايد يمدحونها الدكتوره فوزيه انشالله تييب معاج نتيجه بس انتي حلل ريلج ولا غزيتي الابره قبل لا يسوي ريلج اي تحاليل لانه انا قاعده اتعالج وريلي مو مسوي اي تحاليل ولما قلت حق الدكتوره قالت لي بعد ثلاث مرات نطري اذا ما صار حمل يصير الدور عليه اهوه بالتحاليل والله كريم لا تنسين اتبشريني واتطنيني على حالتج

على فكره بديت العلاج مره ثانيه والله يسهل والله كريم

ربي لا تذرني فردا وانت خير الوارثيين

 

[عروسه 99]

مريومه وينج اليوم لا حس ولا خبر عسى المانع خير حبيبتي قوليلي طمنيني عنج ناطرتج

 

[هيونه الكويت]

عادي حبوبه

اهم شي انج ما طوفتي ولا يوم

 

[عروسه 99]

مريوم وينج اليوم مو موجوده طمنينا عنج حبيبتي مابي موضوعج يروح ورى

ربي لا تذرني فردا وانت خير الوارثيين

 

[الحلوة...]

الله يرزقنا ويرزقكم بالذريه الصالحه انا مثلج مريومه اخذت ابرة التفجير في 11/12/2008وباقي على موعد دورتي 5ايام وانشالله اكون حامل حبيبتي عروسه99السيروفين اهي نفسها الكلوميد انا صيدلانيه والي عندها اي استفسار تسأل

 

[عروسه 99]

مشكوره حبيبتي الحلوة على المعلومه لاني ما كنت اعرف هالشي ويعطيج العافيه حبيبتي

مريوم وووووينج اليوم بشرينا انشالله حللتي ؟؟؟؟؟؟؟ وشنو صار معاج