خدامتي واالجوال

[فراشه ورديه]

السلام عليكم كويتيات اشلونكم شخباركم حبايبي

ابي استشيركم بشغله جبت خدامه سيلانيه مسلمه من المكتب جديده واكتشفت ان عندها تلفون نقال زوجها شاريلها

وطلع زوجها سايق بالكويت ومعظم قرايبها بالكويت ولما حاولت آخذ التلفون منها قامت اترجاني لدرجه انها انزلت على

رجولي تبوسهم مع اني ماقلت لها شي قلت عطيني التلفون بس انا مابي مشاكل واكسرت خاطري وخليت التلفون عندها

اهي الصراحه وايد وايد زينه وعاجبتني ماقدر ارجعها ومادري خايفه بالمستقبل من المشاكل اشرايكم ؟؟؟؟؟؟؟؟

اخاف اتواعد زوجها يجي للبيت اذا طلعنا او تبوق من بيتنا وتعطي زوجها او اذا ضايقوها اليهال تنحاش مع زوجها

وانا شرطت عليها ان مافي مقابلات مع زوجها تلفونات بس ووافقت ومادري اشرايكم ؟؟؟؟؟؟؟؟؟

 

[ريماا]

اممممممممم مااتوقع كلش انها ماراح تشوف زوجها هم اهى بشر اكيد دامهم بنفس الديرة اهى وزوجها بيتواعدون الانهم بيحسون انهم مو مسوين شى غلط وخوفج تحقد عليج او تحتر اذا شافتج مع زوجج هذيل مهما كان حريم ويغارون
ماادرى صراحة اذا ظروفج موسامحتلج تغيرينا شتسوين بعد؟

 

[فراشه ورديه]

مشكوره حبيبتي ريم مادري قلبي مو مطاوعني اوديها المكتب

 

[@شمس الضحى@]

انامن رايي غيريها لازم بتشوف زوجها وبتلعوزج
قطيعه هالخدم

 

[شهودة البطة]

الصرااااااااااااحة يختي الخدم مالنا غنا عنهم
وخدم هالاياااااااااام كلهم موبايلات حمدي ربج انها ياتج مع موبايلها مو شاريتا من ورااااج وريلها الي هني مو رفيجها والا ولد عمت خالتها صدقيني خلج على مينوووونج لاييج الاين منه وانتي ام عيال والخدامة ريحيها تريحج

لو انا مكانج لا والله بخلي ريلها اييها يوم او يومين بالشهر خليها تحت عينج وبرضاااج والا بتسوي الي تبه من وراااج

الخدم كلهم جذي لحد يقولج الفلبينية والا اندونيسية غير خليها تشتغل عندج بنفس وانتي الي مانه عليها خليها تشكرج انج سمحتيلها وتراعي عيالج

ولا انها تستغفلج وتسو الي تبيه وهي حاقده عليج وكارهه عيالج

الله يخليج انتي شايفه اسعار الخدم شلووون شابه نار لا والحين ما تطلبين خدااامه الا ملعوزينج روحي العدل وسوي عقد عمل وطرشي عقد العمل مادري وين وعقب جم شهر تييج وانتي مو ضامنه شنو الي بتيي وشنو عيوبها

<<<<<<<<<<<< وحدا داخت ميت دووووخه على مايت خذامتها

الله يوفقج

 

[حسايف*]

يوووووووة اللة يعينج مدام هذا اولة ينعاااااااف تالية
اذا سيلانيات بدون قرايبهم وزوجها قلق ورف وعينهم قوية عاد شلون اذا زوجها هني ونص ربعها ياعمري لج
الا بتقابل ريلها وبتطلع معاة يمكن يبات عندكم وعينج ماتشوف الا نور زين اذا ماحملت بعد
ديري بالج

 

[هجير الريح]

وايد اشوف جذى تيى ومعاها نقالهاااا وتقول ريلى وماادرى شنو عيارتهم بس لو انا منج اخلى تيلفونها معاى واقولها تتكلمين جدامى ومن تخلص تسكره وتخليه عندج وبجذى بترتاحين وايد واذا هى صاجه بتوافقج واااااى شنو اكره الخدم والسبب هالسوالف تيلفونات وبلاوى ييبونها للبيت

 

[اسراء205]

اذا اهيه زينه وعاجبتك ... خلي الموبايل معاها وخليها تطلع مع زوجها مره بالشهر مهما كان هذا زوجها بس شر طي عليها انها ماتحمل ... ونصيحه منى لاتدزينها الجمعيه او البقاله وحتى بيت الجيران لان هذا الخراب .

 

[ام ديما]

السلام عليكم

ارسلت لج عالخاص ردي ضروري

للاهمية

 

[غلاي غير]

ما دام زينه الله يهديها لج يارب

 

[ektifeet]

شوفى حددى لها جمعه يشوفها عندكم بالبيت ساعه وزوجج موجود يعنى كل شهر مره وغير زوجها لاتخلينه

ولاتخلينها تكلم وتطنش الشغل وحذريها لاتكلم كل شوى يعنى اذا خلصت من شغلها تحدد وقت تكلم فيه

وانتى لاتخلينها بروحها بالبيت او اذا اضطريتى قفلى البيبان اضمن لج

 

[q8tya 3asaal]

اول شي خل تيبلج اثبات ان هذا ريلها عقد زواج
و خلي عندج صوره من جواز ريلها ولا اي دي او اي شي

باجر يطلع هذا مو ريلها و لا شي و تحمل منه و تصيرلج سالفه

او يمكن على قولتج تبوق و تعطيه و انتي ياغافل الله

انا انصحج رجعيها المكتب والله شكلها ما يطمن
يبيلج وحده مو متزوجه احسن والله هالخدم يخرعون هالايام

 

[كـلا كـلا]

والله انا اقول عادي خليها دام زينة

 

[خشف المطران]

اول شي خل تيبلج اثبات ان هذا ريلها عقد زواج
و خلي عندج صوره من جواز ريلها ولا اي دي او اي شي

باجر يطلع هذا مو ريلها و لا شي و تحمل منه و تصيرلج سالفه

او يمكن على قولتج تبوق و تعطيه و انتي ياغافل الله

انا انصحج رجعيها المكتب والله شكلها ما يطمن
يبيلج وحده مو متزوجه احسن والله هالخدم يخرعون هالايام

ماشالله . عليج .. شاطره .. خوش رد ..

فعلا ما طرى فبال وحده تقول صوري جواز رجلها ...؟؟

 

[أم عبوودي11]

خليها وقولي لها اذابتشوفه تقولكم على الاقل بوجودكم مو من وراكم شرطي ليهوبيني لها انج راعيه فضل عليها ولاتغيرينها ضبي مينونج يامعوده مافي خدم سنعين الحين كاي حايسه لي الحين ادور