خدامتي مدري هي مجنونه او ساحره ؟؟

[سعودية قلبها كويتي]

خدامتي فلبينيه مسيحيه
شكلها وربي جنها مدمنة مخدارات .. نحييييييييييييييفه ويها اصفر ..

وصلت قبل 7 شهور .. عيبها كانت كله مكشره ..يعني صج تقمت القلب .. ماتضحك ماتبتسم ابد ..

قبل شهرين قالت لي ابي اسافر .. قلت لها ليش ؟؟ قالت حسبتها صح لقيت اني ماراح اكسب شي عندكم ..

شنو من صجج انتي !! قالها زوجي تدرين احنا جم خسرنا فيج .. سكتت .. قلنا لها اوكي التذكره من حسابج ..

قالت لا خلاص بقعد سنتين .. قلنا اكيييييييييييد قالت ايه .

قبل اسبوع انا طلعت للجمعيه .. قلت لها تبين شي حقج .. قالت لا ..

طلعت وبحكم النساة اللي معي رجعت للبيت بسرعه ..

لما فتحت الباب .. القى البيت كله دخااااااااااان ابيض .. واصرخ على زوجي ويجي يركض

وانادي الشغاله .. لما سمعت صوتي ركضت للحوش الخارجي للمطبخ وقفلت عليها من برى ..

يعني مانقدر نطلع لها للحوش .. لأنها مقفله على نفسها من برى ..

ونروح لدريشة المقلط ونطالعها شتسوي .. والله بينا وبينها متر وشوي .. وزوجي يصرخ عليها وينادي وهي ولاجنها تسمع !!
ماسكه جوتيها ومقص وطلعت منه كرت ابيض ملفوف بشريط لاصق اسود .. ومسكته وراحت لكيس زباله فيه حفاظات ولدي الوصخه .. وطلعت حفاظة لولدي وفتحتها ومدري شنو سوت فيها لأني انا شبه منهاره وخااااااايفه . ماشفت شنو سوت ..

بعدين فتحت لنا الباب وراح زوجي بياخذ المفتاح منها .. قومي ------وتقط المفتاح عند الجيران .

ونكلمها شنو مبخره بالبيت .. ولا ردت علينا ..
اتصلت على اخوي .. وجا وحاول معها .. وهي ولاكلمه .. سااااااااااااااااكته .. وقعدنا 3 ساعات .. قلنا مالنا الا الشرطه . وجو الشرطه .. والله مااااااااخافت منهم .. وعيت تطلع معهم ..
بالأخير سحبوها مثل الخروف وهي صرررررررررررررررررراخ حتى الجيران طلعو بسبة صوتها . وبالقوة ركبوها الدوريه ..
طلعت انا وام زوجي للحوش ولقينا كيس زباله ريحته خياااااااس مربوط ولما فتحته لقيت صحن الأكل مالها فوقه بيز وفوقه مقص وشوية اوراق محروقه .. ولقيت هالشي الأبيض الملفوف وفتحته ولقيت ورقه مكتوب فيها عنوان بالخبر وارقام تليفون مدري حق منو ..
ولقيناها قاطه بزباله كيس قطن جديد حقها هي توها شاريته . وسائل منظف للوجه هم يديد .. ومشط قديم لها ..

القهر انها مارضت انهم يفتشونها .. وانا متأكده اني شفتها حاطه شي بملابسها الداخليه ..

رحت لغرفتها .. لقيتها نابشه اغراضها كلها .. وحتى الدفتر اللي تكتب فيها لقيتها منظفته ..

وبالشرطه مارضت انها تروح للمطار .. تبي ترجع لنا ..

وبالمطار سوت مناحه لزوجي وطاحت على ريوله الا ترجع لنا .. بس والله لو ببلاش ماابيها ..

الى الحين احس اني كارهه بيتي بسبتها ..

تهقون انها ساحره او مجنونه ..؟؟؟ وليش سوت هالخرابيط ؟؟

 

[زهرااا]

امبي @@
الله يستر منها
شنو هذي ساحره !!
حبوبه اقري المعوذات عليكم و على ولدج
و على طول شغلي سورة البقره

 

[TeAcHeR_BeZaRiN]

ساحرة بعد مايبيلها كلام

لله يكافيكم شرها

وعلى طول شغلي سورة البقرة في بيتج

 

[الريحانة]

هالحركات حركات سحره
و لا شنو هالدخان الأبيض,, و الشي الأبيض و ليش حفاظة ولدج
الله يحفظكم من كل سووء
قلعيها ديرتها ما وراها إلا الخراب
شنو جنسيتها؟

 

[jolie_q8]

تم نقله للقسم المناسب

/

 

[زهرااا]

الله يكافيكم شرها

 

[سعودية قلبها كويتي]

لا حول ولاقوة الا بالله

كل ماقلت لأحد قالي هاذي فلبينيه ماتسحر ..

بس شالحركات اللي سوتها ؟؟ وليش جدامنا سوت هالشي ..

المشكله هي مستخدمة غاز المطبخ علشان تحرق عليها ..

الله يكفينا شرها

 

[العروس الضايعه]

حبيبتي الحمد لله على سلامتكم
الله يكفيكم شرها بس مثل ماقالو البنات عليج بسورة البقره لاتقطعينها

 

[أدووويا]

ييبي شيخ دين يقرى على بيتج و شغلى سورة البقرة و لا تييبين هالجنسيات احسن لج هندية صج انها مو مثل شطارتهم بس

اهم شئ يكون بالج مرتاح و ماتحاتين

و خطاكم السو

 

[باربية الكوووويت]

شغلي سورة البقره بالبيت حبيبتي هذي الضاهر قاعده تسوي السهر وانتوا طحتوا عليها وخربتوا شغلها بيعيها على اي مكتب ولا تروح عليج فلوسج ولا تستبعدين على بوانها فلبينيه ماعندها هسوالف لا حبوبه هلاشكال اهل السحوره وناس اتعلم ناس السحر عندهم تلاقينها كانت تعرف اندونيسيه ولا شي وعلمتها لا تستبعدين هسوالف

 

[UM^LEEN]

الله يعينج ويكافينا الشر ، كلام البنات صح تعاملي مع الوضع على انه سحر اقري البقره والرقيه على نفسج واهل بيتج واسالي شيخ راح يفيدج وبالنسبه للفلبينيه ترا مثل الاندونيسيه في السحر يعرفونه عدل بيني وبينكم الحين مافيه جنسيه مضمونة من هالسوالف اذا حتى الخليجيه تسوي السحر ................. استغفر الله

 

[pink-rose]

الله يستر من هالخدم
ومثل ما قالوا البنات اقري الرقيه الشرعيه وشغلي شريط سوره البقره
والله يبعد عنكم وعنا كل شر

 

[*دانة الخليج*]

واي انا اعرف الاندونسيات عندهم هذى السوالف ؟؟؟؟؟؟؟؟؟؟؟؟؟؟

اقري سوره البقره والله يحفظج

 

[AnGel GirL]

واي الله يعينج ويكفيج شرها وسبحانه قادر على ذلك بس داومي عالقرآن والاذكار والدعاء وان شاء الله ماراح يصيبج مكروه

 

[سعودية قلبها كويتي]

الله يجزاكم كل خير

الله ياخذها صج ماتوقعت منها هالشي ..

والله اني طيبه معها .. ليش تسوي جذيه .

خلاص هي انقلعت باللي مايحفظها .. بس الى الحين خايفه من هالسوالف

 

[الريحانة]

حبيبتي حتى الفلبن يسوون سحر
قلعيها

 

[فـيـونـكـا]

الله يستر عليكم
شغلي سورة البقره

 

[في بحرهم عذبوني]

الله يستر عليكم
يبي شيخ يقرا فالبيت و شغلي سورة البقره

 

[برونزية رشيقة]

حمدي ربج الله فكج منها .. هذي كانت تسوي لكم سحر والله فضحها ..

من قالج : الفلبينيات ما يعرفون بالسحر ؟؟؟؟

لا يا قلبي أنا سامعة في إذاعة القرآن الكريم لقاء مع واحد ( فلبيني مسيحي ) وأسلم بسبة إن لمن دش السعودية
حاول يسوي سحر في رمضان .. واكتشف الحديث أللي يقول ( الشياطين تصفد برمضان ) واقتنع .. لأن شاف بعيونه
اثنين من الجن الكفرة إللي يساعدونه شاف حالة الضعف أللي صارت لهم ..
وجرب قراءة آية الكرسي .. وشاف الإعجاز فيها ..

وذكر معلومة إن وااااااااااااااااااااااااااااااااااااايد منشر السحر الأسود في بعض مناطق الفلبين ..
ويعتقدون فيه إن أييب لهم الفلوس والصحة والحظ .

 

[د.ساره]

واضحة السالفة وضوح الشمس

اهي مو من الأول قالت لكم خلاص ما تبي تشتغل

وأنتم ما رضيتم
قالت مالها إلا هالحل عشان تتهرب وتنحاش ويردونها
بس على كل حال أنتي احرصي انج تشغلين سورة البقرة 3 مرات بالأسبوع
و الله يحفظكم ويحفظ كل المسلمين