خدامتي توها يديدة!!!

[زبــــــــدة]

سلاااام


بنات خدامتي توها يديده وتوها واصله امس ...

وانا ماعندي يهال بس انا وريلي بس حامل الحين ..

المهم

وانا وريلي دوام ...

وامي تقول لا تخلينها بروحها وين اوديها يعني !!!

عادي اخليها بروحها بالشقه ؟؟ امي خوفتني ولا قالتلي ليش بعد !!

وشلون اتعامل وياها

احنا مانطبخ ولا شي كل اكلنا مطااعم انا وريلي ...

مادري شلون النظام احس تخربطت :eh_s(10):

 

[مناي@]

حبيبتي اخذي اجازه من الدوام لو حتى اسبوع علمي الخدامه على طريقتج بالغسيل بتنظيف الشقه وعلميها الطبخ ليش مطاعم اكل البيت انظف وعادي تخلينها بالشقه شالمشكله تردين من دوامج شقتج مرتبه غداكم جاهز .. هذا رايي انا

 

[ReD&FoSHia]

اذا فيج اتعلمينها لي رديتي البيت علميها .. اذا مافيج .. وديها بيت امج يومين ورا بعض اتعلم منهم
وانتي كل ويك اند طبخي جدامي ولا اتشوف من طباخ بيت امج
وبعدين خليها بالبيت بروحها اتنظف و تطبخ و تكوي

 

[ملح الكون]

الله يعطيج خيرها ويكفيج شرها علميها على طريقتج متى تقعد ومتى تتسبح ومتى تنظف ومتى تنام وع الاكل نفس ماقااو الاخت خليها عند امج تعلمها طبخ ...
وعندي تكون بالشقه بس قفلي غرفتج النوم وغرفة ملابسج وخليها تنظف باقي الغرف وتنطرج

 

[جذابه بنت ذيابه]

الله يعطيج خيرها و يكفيج شررها

جديده ماتعرف عربي والا تعرف ..؟ في فرق


واذا ماتعرف شي خليها بالشقه بس اذا مشتغله من قبل وديها لاهلج


انا قبل ٤شهور جبت خدامه جديده بقراطيسها صج غبيه بس علمتها يوميا خصصي لها شي تشتغل فيه مره غسيل ملابس والعصر كوي
ومره تنظيف درايش وبيبان و مره تمسيح طوف وارضيات .. و تصفيط ملابس يوم لين تتعلم و نسقي الشغل ونصيحه روحي اشتري ماجله وعلميها
اللي تحبون تتغدون وتتعشون و الريوق شنو وهكذذا

 

[زبــــــــدة]

يا حليلكم والله انا مو صووووووووب المطبخ كلش عشان اعلمها هههههههه

بس اهيا تعرف ترتب وتنظف وتغسل هدوم واماعين بدون ماقولها نظفت وسوت كل شي ...


وصح بخليها بالشقه عادي ...

وتعرف انجليزي

بس اللي باط جبدي ان مو قاعده اخذ راحي نفس قبل هههههه

يالله الحمدالله شالت عني شغل الشقه شوي

 

[ReD&FoSHia]

ولا راح تاخذين راحتج .. انسانة فقيرة و يت بيت ناس الله منعم عليهم
بتقعد اتقارن بين بيتها و بيتج و حياتج و مصرفج و كل شي .. عادي بس محتاجينهم و اذا حسيتي فيها قامت اتغار عطيها شي اكسسوار ولا اي شي بسيط

 

[زبــــــــدة]

ايي الله يعين

بس اشوفها وايد ماخذه راحتها ...اول يوم يوم بتتعشى يت قعدت وياي عالطاولة عاد انا سكت ومشيت الموضوع

بس امس قتلها بطلي تلفزيون دارج وقعدي

وكانت بتركب وياي السيارة جدام لوووول قتلها قعدي ورا


مشكلتي اني استحي

ماعرف شلون اتجرأ واكلمها جد

 

[ReD&FoSHia]

ههههههههههههههههههههههههه شاصلها

 

[M!SS.LOBY]

حبيبتي الله يحفظكم ان شاءالله من كل مكروه ومن كل شر ومن كل مكيده

علميها الشغل حبه حبة مثلا الغسيل الملابس والكوي وبعدين غسيل الاواني
وبعدين تنظيف السجاد والارضيات والنوافذ

علميها تنظيف الخمام

وبالاخير علميها تطبخ وترتب لكم الغداء وانتو رادين من الدوام


وحرصي عليها النظافة الشخصيه تكون طاهرة وباليوم الاستحمام مرتين

 

[@أم يوســـف@]

اااب

 

[نور دنياه]

يعطيج خيرها ويكافيج شرها
ابشرج ماراح تاخذين راحتج من اليوم ورايح خخخخ بالنسبه للطباخ وديها بيت اهلج تتعلم حتى لو سندويشات تسويلكم عشا ، وانتي بعد تعلمي ترى اذا شافوا راعيه البيت ماتعرف يستهينون، مره خدامتي مازفرت الديايه وانا عرفت من الريحه والله شرشحتها قالت انتي شلون عرفتي ! قلت مو انا تقصين علي انا الي معلمتج الطباخ تبين تلعبين علي خخخخ قلت قصه حياتي

حللي معاشها ترى كلكم الا نفرين الكواي والغسيل بسرعه يخلص بتقعد شتسوي خل تتعلم وجيبي لها كتب طبخ بالانقليزي وقوليلها تعلمي..
وخليها بالشقه بروحها بس قفلي عليها انا جذيه كنت اسوي لاادخل لي حد خصوصا يديده تروح تتفرفر تحت وتسولف ويا خدم الفريج ولا الدكاكين
واذا بتخلينها عند امج خليها تروح تساعدهم بالمطبخ ويطبخون لكم مره وحده وبالليل عندها الكواي والغسيل .. هذي فرصتج تختبرينها تتحمل الشغل ولا لاء عشان ترجعينها بفتره الضمان

 

[GhaaDy]

حبيبتي.. انتي الحين متزوجة لازم تكونين ست بيت.. ادا ما لچ بالطبخ.. شوفي كتب المطاحن فيهم ترجمة للطبخات بالفلبينس والهندي والسيلاني والاندونيسي وغيره... چيلو البيت وكل يوم عطيها من الليل شنو تطبخ للغدا وشنو تزهب من يدام تطلعه من الفريزر وتحطونه بالثلاجة... لازم نظامكم يتغير... تبين عيالج ما ياكلون الا مطاعم بعد؟! اذا مو عن المصرف الزايد.. فعن اكل المطعم لا يقارن بأكل البيت.. أنظف وأصح.. الله يهنيكم بحياتكم ًويعطيكم خير الخادمة ويكفيكم شرها...
اما باقي الاوقات فرتبي لها جدول كل يوم تسوي شغل معين الصبح مبچر وتالي تنشغل بالمطبخ للغدا...

 

[opera]

ذكرتيني باول ماتزوجت ويبت خدامه كنت استحي اكلمها واذا سوت شي غلط اخاف ازفها لووووول احس عيب اكبر مني

المهم الحين تعالي شوفيني مع الخدم


اذا الصبح انتي وريلج دوام اصلا فرصه عشان تنفض الشقه نفاض حتى لو نظيفه بس خليها تتعلم انه كل يوم لازم تخم وتمسح وتنظف الدرايش من الغبار.. قفلي عليها الباب وطلعي

بس قبل علميها على طريقتج بالتنظيف حتى لو تعرف تنظف بس بيت عن بيت يفرق

اما الطباخ انا ماحب اكل من ايد الخدم مادري انتي شنو وضعج بس تعلمي احسن لج وانظف

 

[سندس 90]

^^^^
لا مايصير تقفل الباب عليها وتطلع
بالله صار شي لا سمح الله خصوصا تووها يديده

شوووفي لاازم تتعلم الطباخ في كتب شكثر على حسسب جنسيتها
عاللاقل تعرف تقص الخضره وتسوي حليب بيض صموون جذي لين تتعلم
اهم شي قفلي غرفة نووومج لما بتطلعين

 

[انصاريه قمره]

لا تعلمينهااا عالرباده وتتساهلين معاها كلهم لي يووو بينظفووون ويغسلووون لكن انتي ما تدرين شلون طريقتها ما تدرين تنظيفها على سنع ولا من برا لي برااا طلعي لها شغل من تحت الارض خل اتعلم عالكراف اذا انتي ما تعرفين تطبخين وديها بيت اهلج اتعلم الطبخ علميها على الاشياء السهله الحمسات الباستااا وهالسوالف وخلاص دام عندج شغاله شلج بأكل المطاعم ؟؟

 

[{ شيوخهـ ~]

اذا فيج اتعلمينها لي رديتي البيت علميها .. اذا مافيج .. وديها بيت امج يومين ورا بعض اتعلم منهم
وانتي كل ويك اند طبخي جدامي ولا اتشوف من طباخ بيت امج
وبعدين خليها بالبيت بروحها اتنظف و تطبخ و تكوي

^
:rerrerek: وآلله يحفظكم من كل شر

 

[om-3abodey]

انصح أي وحدة تجيب خدامة تأخذ إجازة أسبوع وفرقي نفسج لها انفضيها وعلميها علي شغلج وشنو الي تبينه وتحبينه ومن عقب هال أسبوع روحي الدوام مرتاحه بتكون هي عارفه انتي شنو الي تبينه وطريقه تنظيفج حتي الزوارة وديها معاج وقولي لها نفس ماتشتغلين بالشقه تشتغلين وتساعدين خدم امي علميها علي ضيافه الناس واهم شئ النظافه