خدامتي تحرجني حييييييييل

[Om Khaloody]

السلام عليكم بنات كيف الحال ان شاء الله بخير بما أنه قرب العيد بقولكم عن الي يزعجني حييييل من خدامتي ..خدامتي ملقووفه حييل يعني لاشاافت أي احد زايرنا تطير وتسلم عليه سلام ماما ..سلام ماما المهم بالعيد يزورونا بنات عم زوجي في البيت ولا شاافتهم سلام ماما .. وتقوم وحده من بنات عم زوجي وتعطيها فلوس (عيديه) .. بس هالشيء مو جدامي صاار لا خدامتي قالتلي ماما فلانه يعطني أنا دينار أو دينارين قتلها ليييش ؟؟ قالت ما أدري انا يقول سلام ماما وعطتني فلوس ...... واخزيااااااااه وهالشيء ماصار مره ولا مرتييين أكثر بواايد كل عيد بعيد الفطر وعيد الأضحى وبالعزاايم لما يجونا ... ماحبيت أقول حق خدامتي لا تسلمين .. وخفت اذا قلت حق خدامتي لا تاخذين فلوس من احد تردلهم الكلام خدامتي ملقووفه وخبله أخاف لما المره تعطيها فلوس تقول لاا ماما يقول لا يخذ فلوس وتحرجني مع المره ... واخاف يقولون خدامه فلانه كل ماشفتنا سلمت تبي فلوس !!.. مع أنه خدامتي انا مو مقصره معاها بس أهي ملقووفه .. شالحل بناات؟؟ حدي متفشله من خدامتي اكلمها اقولها لا تسلمين على أحد . ولا أقولها لااا تاخذين فلوس من أحد ؟؟ ولا اشلون أتصرف معااها

 

[النوري]

عادي حيل .

إحنا خدمنا ما يسوون جذي ..

بس ربج بلاج بمشفوحه ..

الناس ماراح تقول فلانه مقصره على خدامتها أبد .. لا ..

ولا راح يطري فبالهم هالشيء .. أبد صدقيني ..

إنتي ماراح يتكلمون عنج .. هذي خدامتج مو بنتج ..

خليها عنج ولا تحاتين ..

وشالمشكله يعطونها عيادي ..؟؟ عادي حيل حيل

خداماتي كلهم لما نروح لأهلي وعيالي شايلتهم الخدامه . يحطون فلوس بمخباة الجاهل .. الصغير و الخدامه تشوف ..

فيعطونها دينار أو دينار. .. معنها مسيحيه بس .. جبر خاطر لها بهالعيد . تستانس

ويعطوها جدامي .. بعد .. بيني وبينها شبر ..

ما أقول شيء

لما نركب السياره أقولها عطيني فلوس بنتي اللي عطوج إياها .. بجنطتها عشان لا تضيع ..

وأخليلها الفلوس اللي عطوها إياها .. لها .. تستانس فيها

وبالليل .. عيديتي أنا ..

 

[جنات الورد]

لاااااااا عادي حبيبتي بالعكس هذا رزق لها

احنا لازم بالعيد نعطي الخدم عيديه بالعيد بعد عادي

وخليها تسلم بالعكس هذا شئ زين السلام حق الله

 

[إنسانه وأكثر]

ويييييييه حبيبتي عادي جدا

خدامتج مو اول ولااخر خدامه تسوي جذي احنا خدمنا كلهم جذي

لاتفكرين بهسالفه وايد شي طبيعي ووناسة العيد ماتخلي احد يفكر نفس تفكيرج

تقبلي رايي

وعيدكم مبارك

تحياتي

 

[Om Khaloody]

هالشيء موبس بالعيد يصير حتى بالعزاايم .. صرااحه ماله دااعي خدامتي تسلم على بنات عم زوجي مهما كان شكو تسلم يعني حلات الخدامه ذربه وكلامها قليل مو كل ماشاافت احد تركض سلام ماما يعني ما أدري صررااحه أشوفها عيب الحركه وتفشل .. اهلي يعطونها عااادي ما أقول شيء بالعكس لا حرنا بيت أهلي بالعيد أبوي يعطيها أمي عاادي بالعكس ما أنحرج بس هذيلا بناات عم زوجي لاهم خواتي ولا بنات عمي مهما كان في رسمياات بينااا وحركتها مفشلتني وماني متقبلتهاا صراااحه

 

[Om Khaloody]

النوري
جنات الورد
أنسانه واكثر

يعطيكم العافيه على الرد وعيدكم مباارك

 

[النوري]

ماشي أم خلودي .. شوفي حبيبتي. .ألحين هي شافت حلاوة السلام ههههه ..

يعني سلم تاخذ الفلوس .. << هذي الكويت صل على النبي ..

إنتي لا تقولين لها لا تسلمين خوفج . تقولهم و هم يفهمونها غلط ..؟؟

أحسن تكرهينها بالسلام ...
يعني قوليلها .. لما تجي تسلم .. بينجو بينها ..
ماعندج شغل ؟ ؟

أنا مو قايلتلج .. مسكي الجاهل .. مخليته ورايحه تسلمين ؟؟

وكل شوي ..ليش مخليه شغلج .؟؟ جذي

هي بتفهم إنج ما تبينها تسلم بدون لا تقولينلها ..

وعاد كيفها جان تبي تطيعج أو تطنش .. عشان هالجم دينار اللي يونسونها

يعني تطلع رزقه حلوه .. ما ضنتي بتبعد ..

ودام خدامتج زينه وهذا بس عيبها .. طنشي غيرج حتى حراميات تحملو .. من التلعوز ..من مكتب لمكتب ..
حمدي ربج

 

[Om Khaloody]

مشكوره أختي النوري وان شاء الله بجرب طريقتج وان شاء الله تنفع

والحمد الله أنه سالفتي اهون من سوالف الخدم الي نسمعهم

 

[ســــــــــما]

قوليلها لا تسلمين على احد انتي شعليج من الناس

 

[المدينه]

خليها

 

[@ الرسامة @]

ما ادري انا احس ان السالفة اتفشل
حتى اللي ما معاه فلوس بينحرج من السالفة
فكلميها وقولي لها ترى عيب وحالج من حال الخدم محد رز ويه
واللي يعطي الخدم عيادي يعطي من كيفه
واذا دشت ورزت الويه والناس عطتها عيادي ردي العيدية بويها وقولي حق الناس انا المفروض اعطيها مو انتو
واكيد الناس ماراح يرضون فراح يعطونها عصب عنج
واهني ضربتي عصفورين بحجر
الخدامة خذت فلوس وافهمت بنفس الوقت انج مو راضية بهالشي

ذكرتيني بالبنغالية اللي بالشوارع والله امس انبطت جبدي بطلع من السيارة ماني قادرة الاخ يخم تحت ريولي لي درجة ماني قادرة ابطل الباب يبا انطر شوي والله شفتك

 

[حناينq8]

عادي يقلبي
احنا نعطي حق الخدم عيادي مافيها شي
وانتي اذا مو حابه هالشي يصير لي يو لج ضيوف خليها تمسك الاوتي او شغليها بأي شي ثاني وبعيد عن الاستقبال

 

[أميرة الحور]

يا بنت الحلال والله الهموم والمشاكل في هالدنيا كثرت ما وقفت على مشكلة خدامة تسلم على الضيوف
يا ليت كل الهموم من هالنوع
يا ام خلودي طالعي وتلفتي ودققي النظر في الدنيا شنو تشوفين ؟ عمر الدنيا صفت لأحد ؟؟؟ ولا عمر انسان قنع فيها ؟؟
كل ما زاد من الخير منها كل ما دقق بأصغر شي مو عاجبه فيها ...
بعض الناس يتمنون ان تكون مشكلتهم خدامة مفشلتهم اهون من مصايب الدنيا
حبيبتي ام خلودي انا عارفة احساسج وكلامي اللي قلته لج اقوله حق نفسي بعد لان انا مثلج انغث من الخدامة واعصب لكن من جم يوم قعدت افكر في حرتي واقول لنفسي ليش افكر بسفاسف الامور وليش اصنع مشكلة من لا شي وعلشان شنو ؟ علشان شي يسوي ؟ لا والله ما يسوى
( لو كانت الدنيا تعدل عند الله جناح بعوضة )
احنا بخير يا ام خلودي ولازم نحمد النعمة مو نكفر فيها
يكفي الستر والغنى وراحة البال ونعم كثييييييييرة خل نستحي شوي من التحلطم والجحود
حبيبتي لا تزعلين من كلامي والله هالكلام اوجه لنفسي قبل اي انسان ثاني وهو تذكير بأن الدنيا وهمومها ما تسوى لي ولج ولكل من يقرأ

 

[روحها لكويت]

يوبا عادي حركتها خل تسلم شنو يعني صدقيني لو ما يبون يعطون فلوس ما يعطون شنو يعني خليها هالمسكينه

رزق الله يبعثه لبني آدم لا تحرمينها منه صدقيني

موفقه

 

[ابلة رسم كتكوته]

اهي ما قالت ابي افلوس
بس سلمت
عادي مافيها شي
مو كل من سلم علي اعطيه فلوس
ومو كل من سلمت عليه عطاها فلوس
ترا رزق من الله ولا تقطعينه
اهي الله رازقها
وناسه اسلم واخذ دينار زين والله ههههههههههههههههههه
خليها ترا عادي
خل تسلم السلام لله

 

[om al ghaleen]

لوول انا خدامتي اللي قبل ماتسلم الا بالعيد بس اهي ما تحدد شخصيتي بين الناس لانها من بيئه ثانيه
والفلوس اللي تاخذهم لها مو لي
اذا انتي تتضايقين كلميها بهدوء واكيد راح تسمع كلامج

\\

 

[د-سوسه]

انتي شتقولين انا كانت عندي خدامه سيلانيه لا حظت ان لما يكون عندنا احد حتي لو بره عند الباب يعني رفيج واحد من اخواني او شي تدخل ويهها شوي متغير ..المهم طلعت الحقيره شتسوي تطلع عند الباب تبجي وتقول حق الناس هذيله مايعطوني فلوس ومااكل وماعندي فلوس اشتري صابون وشامبو فيتعاطفون معاها ويعطونها ..
سالفتج حدها عاديه اهي تسلم ويعايدونها وكلها دينار ولا دينارين لوملاحظين انها نبي الفلوس او سلانها عشان هشي مايعطونها ..وزين انها قالتلج انهم عطوني

 

[انامل الفضة]

الله يعينج عليه​

 

[miss_math]

يا بنت الحلال والله الهموم والمشاكل في هالدنيا كثرت ما وقفت على مشكلة خدامة تسلم على الضيوف
يا ليت كل الهموم من هالنوع
يا ام خلودي طالعي وتلفتي ودققي النظر في الدنيا شنو تشوفين ؟ عمر الدنيا صفت لأحد ؟؟؟ ولا عمر انسان قنع فيها ؟؟
كل ما زاد من الخير منها كل ما دقق بأصغر شي مو عاجبه فيها ...
بعض الناس يتمنون ان تكون مشكلتهم خدامة مفشلتهم اهون من مصايب الدنيا
حبيبتي ام خلودي انا عارفة احساسج وكلامي اللي قلته لج اقوله حق نفسي بعد لان انا مثلج انغث من الخدامة واعصب لكن من جم يوم قعدت افكر في حرتي واقول لنفسي ليش افكر بسفاسف الامور وليش اصنع مشكلة من لا شي وعلشان شنو ؟ علشان شي يسوي ؟ لا والله ما يسوى
( لو كانت الدنيا تعدل عند الله جناح بعوضة )
احنا بخير يا ام خلودي ولازم نحمد النعمة مو نكفر فيها
يكفي الستر والغنى وراحة البال ونعم كثييييييييرة خل نستحي شوي من التحلطم والجحود
حبيبتي لا تزعلين من كلامي والله هالكلام اوجه لنفسي قبل اي انسان ثاني وهو تذكير بأن الدنيا وهمومها ما تسوى لي ولج ولكل من يقرأ

جزاج الله خير والله كلامج قمة الرووعه

 

[ام دودو المزيونه]

اختي في خدم يحبون يسلمون خاصة العجايز منهم الهنديات والسيلانيات خاصة والي بيعطيها علشانها خدامة متغربه مافيها شيئ بس فعلا مو كل ما دخل بيتج احد اركضت اتسلم حركه تفشل ابصراحه بس مثل ما قلت لج في خدم اهم جذي فشغليها علي طول وكلميها ابصراحه ان هالشيئ عيب بس بالعيد عادي كلنا انعايد الخدم حتي المسيحيات فيهم