خدامتي الفلبينيه والسحر

[tooonaaa]

بليييز اللي تعرف بهالشي تساعدني محتاره شسوي
عندي خدامه فلبينيه بقره بقره بمعنى الكلمه , لاتعرف انجليزي ولا عربي صار لها 4 شهور كل شوي تسويلي مشكله ليما وديتها مكتب ما ابيها
ولما امس رحت انظف غرفتها , طبعا الحبيبه مو مخليه شي من اغراضنا بخاطرها
المهم شفت الا غرشه المعمول فاضيه حاطه فيها قطن وكيس صغير مربوط , حسبته معمول او بخور بايقته , لما فتحته الا شفت فيه اظافر ( اتوقع اظافرها لأن وايد ) وجم شعره (هم شهرها أتوقع) وخرزه مسبا الصلاه
أكيد سحر 100 بال100 , ولا شرايكم
امي قالت لا تقطينه , انزين شسوي

 

[المرتاحة]

انا اللي اعرفه عند بعض الاسيويين خاصه المسلمين ان الشعر و الاظافر ما يقطونها يالزباله لانها جزء من الجسم

ترى حتر حريم اول جذي ما يقطونه ايمعونهم و بعدين يدفنونه بالارض

سالي يدتج او احد كبير اكيد عنده خبر عن هالموضوع

عادي لا توسوسين

 

[al3sooola]

الله يستر علينا وعليج

 

[أم حمودي**MALL**]

اهم يجمعون الشعر بس الاظافر اول مره اشوف

 

[tooonaaa]

مشكورين عالرد
انا اول شي فكرت بجذي بس الاظافر وايد والشعر ثنتين وخرزه مالت مسباح الصلاه , هذا اللي محيرني
واول ما يت كانوا عيالي الصبيان يشتكون في بمشوطتهم شعر طويل نظفته اول مره وقطيته ولما رحت الدوام فكرت ان هذا لاهو شعري لأن شعري اشقر ولا شعر بنتي لأن شعر بنتي طويل وايد , وهذي شعرها اسود غامج والشعره شمتنها ولما زفيتها وخذيت شعره من على حجابها جدامها ما انكرت وتأسفت
فانا متأكده انه سحر بس على شنو ما ادري , يمكن عشان نحبها ( حبتها القراده)

 

[الأميرة جوري]

رد : خدامتي الفلبينيه والسحر

الله يكافيكم شرها

 

[كوشيه فوشيه]

رد : خدامتي الفلبينيه والسحر




معروفين الفلبن بالاسحوره


ماحط بذمتي بس يمكن سحر



بس دامها مو سنعه ولا تعرف تشتغل



سفريها شتبين فيها وبمشاكلها



والله يحميج

 

[m&ms2]

رد : خدامتي الفلبينيه والسحر

اممم اذا اغراضها ماعتقد سحر
ليش كانت عندنا خدامه اندونسيه تلم شعرها الي يطيح عقب المشط ويصير وااايد
وهم اظافرها ماتقطها لان اهم هناك عندهم سحر الي يخافون احد ياخذ اغراضهم ويسوون فيها شي عرفتي
انشالله مافيه الا العافيه دام مو ملفوفه ولا مربوطه ولا ورقه فيها كلامه وملوتها لاتحتين يالغاليه

 

[m&ms2]

رد : خدامتي الفلبينيه والسحر

اممم اذا اغراضها ماعتقد سحر
ليش كانت عندنا خدامه اندونسيه تلم شعرها الي يطيح عقب المشط ويصير وااايد مال سنه عادي تيمعه
وهم اظافرها ماتقطها لان اهم هناك عندهم سحر الي يخافون احد ياخذ اغراضهم ويسوون فيها شي عرفتي
انشالله مافيه الا العافيه دام مو ملفوفه ولا مربوطه ولا ورقه فيها كلامه وملوتها لاتحتين يالغاليه

 

[أمانيQ8]

استفسري من شيخ دين اشلون اتصرفين فيه الله يبعد عنا وعنكم الشر

 

[ملوكة الامورة]

الله يقطع الشغلات
يخوفون

 

[مـ ع ـزوفة حز*ن]

الله يحــفــظـج ويحــفظـنآ ،،

أولآ الــمــفــروض مآتـــبــطــلـيـنـه ،،


إستــشـيـري شيــخ دين أفــضــل ::


ولآتخلــيــنــهــآ ولآ ثــآنــيــه عــنــدج ،،

وفــتــشـي أغــرآضـهـآ اللي بــــتــآخـذهـآ مـعــآهــآ يمكن مآخذه شي يــخــصج أو يـخـص زوجج وعـيـآلـج


.......................................

......................

 

[ORKDI]

رد : خدامتي الفلبينيه والسحر

عندي رقم مشايخ

ورقم داعيات

يمكن اهم اخبر الشي هذا

اذا تبين الرقم حياج خاص

 

[استكانه1]

مادرى والله .. ديرى بالج اخاف سحر,,,,,,
اهو شى مو طبيعى اتيمع ماله ؟؟

 

[بطوطة @]

امممم احنا صار لنا نفس ما صارلج ووديناه حق وحده تفتح السحر والحمدلله ماصار لنا شئ

 

[عثوله دبي]

الللله يكاافيناا ويكـــآفييكم شرهــــــآ ياااارب ..

عثل ثل

 

[ام الدرر]

حبوبة اذا شعرها واظافرها بتسوي سحر لروحها ما اعتقد
مثل ما قالو البنات في ناس تحب تجمع اظافرها وشعرها
نفس امهاتنا اول يسوون جذيه
واذا بتتاكدين دقي على شيخ ثقة
والله يكافيج شرها

 

[mafio98]

اختي لا تعطين فبالج سحر لانه لو بتسحر بتاخذ شعركم واظافركم مو شعرها والفلبن وخصوصا المسلمين مايقطون شعرهم ولا اظافرهم اعرف وحده سنتين واهم يعلمون فيها قطيهم تقول انزين وطاف ليم سافرت واهم للخيت يلقون اظافرها داعستهم بكل مكان

 

[بواسم]

حبوبه اقطعي الشك باليقين وسالي شيخ دين افضل

 

[M!Ss English]

رد : خدامتي الفلبينيه والسحر

الله يحميكم انشالله