خدامتي اقهرتني ):

[إستبرق]

تو اشوف انج وديتيها الحمدالله ربي بيعوضج ان شاءالله بالاحسن

 

[نكهةالبرتقال]

حذفيها على مكتب و ياخذونها ناس مسترجع و ترد لج فلوسك


و اذا قالت بسافر قوليلها انا ماعندي فلوس - دفعي سعر التذكرة و سافري ما تشوفين شر




صدقيني راح تتراجع

خلي وحدة سيلانية من المكتب اللي يبتيها منه تتفاهم معاها

 

[روحي زوجي]

المكتب هو الراس المدبر انتي تجيبينها بملبغ ويتفقون معاها وترد المكتب ويبيعونها بسعر اغلا هذي شغلتهم

 

[PuPa^^SWeeT]

ايي تبي اتغير البيت

بالطقاااق

ربي يرزقج بوحدة اتريح بالج و قلبج

 

[فلافل وبطاط]

المكتب يقول مو راضيه تشتغل زافينها ومهاوشينها وغاصبينها تروح بيت ناس
اليوم يقولي نشوف اذا يبونها ويحولونها قدمي طلب
الله يصبرني..

 

[غلا،،]

ياااااي هالخدم شااااطرين بالتمثيل ... والي مستغربه منهم انهم يفاولون على اعمارهم ويموتون حتى ظناهم ويمرضون اهاليهم بس علشان يطسون خخخخخخخخ

 

[om_dodo]

الله يعين

 

[بتبوتااا]

الله يعينج حياتي هذا فلمهم يا اندعمو اهلهم او انقصت ايدهم او ريولهم :/

 

[Zen&7ala]

روحي المكتب و قوليلهم السالفه !! خلي ريلج يزفهم

قوليلهم شسالفه قاطه هالفلوس و الخدامة بتروح و مو مضبوطه !! يعني اروح اخذ وحده و اقط فلوس

زفيهم عصبي قوليلهم شنو تيبون لنا خدم ما يبون يشتغلون

 

[فلافل وبطاط]

اي والله افلامهم ما اتخلص

جزاه الله خير راعي المكتب ماقصر زفها وغصبها تقعد وتشتغل
قالي أصرفها وارد فلوسج وقدمي طلب ..

بس اللي كاسر ظهري مادري أجابل بنتي ولا شغل البيت ولا أريح ظهري حملي تو شهرين
مو قادره أوفق بينهم لازم معاي احد عالاقل يمسك بنتي وانا اشتغل واطبخ او العكس ):

يااااااارب فرجها عاجلا غير آجل ....

 

[محاميه كويتيه]

مشكله هالخدم
شر لابد منه
الله يعينج

 

[فلافل وبطاط]

اي والله ..

دق علينا مكتب الخدم يوم الجمعه وقال مو راضيه تشتغل عند احد اي احد تروح له تقوله بسافر شهر وارد
وطبعا يمدحونها بس محد يرضا بشرطها فتعالو اخذوها
حقره ريلي ودق السبت وهم نفس الحركه ويقول راجعنا اوراقها كفالتها خالصه
المهم ريلي سمعه جم كلمه وخلاها ماخذيناها

راح ريلي الاحد بياخذها وقلت له خلاص لا حول ولا قوه خل نسفرها
دق علي ريلي من هناك يقول بس شافتني قايمه اتبوس ايدي وبتبوس ريلي انا مايبي سافر
يبي شغل بس ايي زياده ٥ دينار

ريلي قالهم فهموها ان انا عندي خدامه بدالها وبوديها تشتغل بيت ناس ووافقت
وببيعها الحين حق وحده تبيها وافتك

وشكلي بييب اثيوبيه

 

[لؤلؤية]

اذا ما مشت مع البيت الثاني
وعندج عقد ووصل من المكتب انهم استلموا منج فلوس
فيه شي اسمه حماية المستهلك
تاخذين الوصل وتروحين لهم
لانه فيه عقد انتي موقعة عليه بالمكتب قبل الاستقدام ومشروط انها تشتغل سنتين عندج
ترد لج فلوسج كاااااملة
والمكتب يتحمل الخسااارة

اذا الوصل متوفر الامور سهلة

 

[ديانا سبنسر]

الله يعينج قدمي اثيوبية ترا سيلانيات مافيه لايقص عليج المكتب وعلى ماتيي خدامتج حطيلج خدامة نص دوام تسوي كل شي عنج وانتي جابلي بس بنتج والله يعينج ويعيني على هالخدم

 

[ساندريلا]

وديها المكتب خل يتصرف معاها استغفرالله
تدرين خدامة خالتي فلبينيه بس غبيييه حدهاا ماتعرف ولا شي وعلى نياتها كنا نقولها قطيها المكتب تقول حرام ماسوتلي شي
تخيلي تييتقول حق خالتي بعد 5 شهور ولدي توفى وبروحله خالتي قالتلها انتي توج يايه
تقول بليل رحتلها لانها كسرت خاطري والا الاخت قعد تحط كريم التقشير مالها
ثاني يوم تنحاش السفاره وخالتي تسفرها على حسابها غصبن عليها تخيلي تقول ان الي بالسفاره يقول صايرين الخدم يشتغلون بس جم شهر ايمعون المبلغ الي يبونه وايون السفاره علشان المعزب يسفرهم حسبي الله عليهم
انا اقولج افتكي منها ووديها المكتب لاتنحاش وتروح السفاره وتتوهقين

 

[فلافل وبطاط]

المشكله انا اول مره حدي غشيييييمه
بس امي وخالتي ماقصروا نبهوني وقالولي
واكثر شي خالتي ام ريلي قالت لا تعطينها ويه ولا اتسفرينها
وكانت واقفه حق راعي المكتب عظم في بلعومه
وهي خذتها الحين ودتها حق ناس اتعرفهم وان شاء الله تشتغل عندهم

مشكوره والله يعطيج العافيه نبهتيني على موضوع الوصل والعقد اذا انصكت بويهي
مافي حل الا اني اشتكي

والله كريم يارب يسهل الامور

 

[قدســـاوية]

قطيعة تقطع الخدم صج بلوة حسبي الله عليها

 

[فلافل وبطاط]

وديتها البيت الثاني وعندهم سيلانيه نفسها
انا خدامتي اول مره وماتعرف عربي وايد
فقالت خدامتهم ان خلاص تبي تشتغل بس تبي
تقعد سنه ووافقوا..

ثاني يوم الصبح انحااشت ):
حظي ردي حسبي الله ونعم الوكيل عليها
والله ماصرخت بويهها ولا زفيتها ولا طقيتها
قلت مابي اظلمها
بس ان شفتها والله ببرد حرتي
ما تستاهل

 

[بخـــارى]

اختي يمكن تكون صاجه بسالفة زوجها
او احتمال ماتبي يهال
خصوصا انج ماشاءالله بتيبين الثاني وبنتج صغيره
ربي ايسرلج امورج

 

[فلافل وبطاط]

انا في البدايه قلت يمكن صاجه ومابي اظلمها

بس اطلعت السالفه المكتب اللي بسريلانكا افهمها تقعدين ٦ شهور وترجعين
طلع هذا كلامها حق الخدم