خدامتين وطباخه اشلون توزعون الشغل

[ليمووونه]

مساكم الله بالخير حبيباتي. طلبتلي سيلانيه وتاخرت وايد عقب طلبت فلبينيه فالسفي مالها اتعرف تطبخ على اساس بكنسل السيلانيه لما رحت ابي اكنسلها الاالسيلانيه واصله وانا فالاساس عندي فالبينيه يعني الحين عندي السيلانيه والفلبينيه القديمه والفلبينيه الي راح توصل. وانا عندي 3 يهال اكبرهم بيدخل ال6 والثاني 3 والصغير7 شهور قلت انا خلاص بخليهم عندي بس ياريت اتعلموني اشلون اوزع الشغل صح عليهم ومن غير مايعورون راسي وانا اشتغل بس انا شايفه السيلانيه وايد ثقيله يعني شكلها بس تبي مطبخ اشرايكم خواتي.

 

[Om_Ksha]

وحده تمسك بو 7 شهوور
وحده للتنظيف من غسيل وكوي

 

[ام الدرر]

حبوبة خدامتين بالبيت اتصور كافي
ماورا كثرتهم الا المشاكل
شوفي القديمه عيالج متعودين عليها فخليها لغسلهم وغرفهم مستلزماتهم
وخلي الفليبينيه اليديده لملابسج وغرفتج والطباخ
والثنتين يتساعدون بتنظيف البيت
يعني اذا بيتج كبير قسميه بينهم
والسيلانية بيعيها

 

[ليمووونه]

اي والله انا اصلا شايله هم السيلانيه. وبيتي اصغير ولا ومو كل الكرف الي فارشتهم. والسيلانيه عوده. بس الي مخليني متردده اين اخاف اضلمها

 

[ام زهقانه]

انا اقول ودي الفلبنبه الجديده المكتب احسن لج الان الفلبنيات بتفقون مع بعض ضد البيت وراعيه افتكي منها خلي الطباخه وسيلانيه وبيعي وحده علبي مكتب احسن لج وحطي افلوسها بجيبك
الطباخه الطبخ وغسيل تنظيف البيت
وثانيه الكوي وتغسل حمامات ومسك لبيبي

 

[ام زهقانه]

اقول اذا بتبعين السيلانيه علمني
احتاجها

 

[ليمووونه]

انا مو من الكويت

 

[ليمووونه]

جوفو بقولكم عن السيلانيه قولولي تنفه ولا لا عمره 50 تطبخ بس تو امجربتها بالعيش والمعكرونه احس الاكل يابس اشوي وغير جذي من يتني وهي تمدح بالمعزبه. مالتها عطتها وسوت لها المهم بهل سالفه جعمتها وغير جذي امس وديتها الجمعيه مادارت البال حق اليهال تبي اتجوف الاسعار الشيخه وحصلت مني زفه الان ولدي طلع من بالب المكتبه وانا. قايله لها ديري بالج. انا ليش طلبت سيلانيه عشان مابي ثنتين نفس الجنسيه بس مادري احس بتعور قلبي.

 

[سري الدفين]

حبيبتي وايد ثلاث خدامات اذا بيتج صغير الولد الكبير بيدخل المدرسة وثاني وديه حضانه أحسن لج أما الخدامات جربيهم شهر وشوفينهم ولا تقسمين وحده تنظيف وحده طبخ لو باجر سافرت وحده أنت تتوهقين قولي لهم أنا ماعندي وحده تنضيف وحده طبخ أنتوا تتعاونون أنت اليوم تطبخين وأهيا تنظف والعكس
وأنا أشوف خلي ألي من نفس الجنسية أحسن يتساعدون

 

[ليمووونه]

يارب الي فيها الخير تبقى عندي والي ناويه او منها شر ابعدها ياربي

 

[ليمووونه]

لااله الانت سبحانك اين كنت من الظالمين

 

[AVE.NJ]

وحده خليها طباخه ووحده كراف والثالثه حق البيبي 7شهور بيحبي ويمشي يبيله وحده
وانتي بس عليج الحنه والزف
الله يعينج

 

[سُوالفي حلوة]

اب اب اب

 

[بيان العود]

شوفي حبيبتي .. انا اقول الفلبينيه خليها حق الجهال اكشخ واذرب مع غسيل ملابس والأوتي والسيلانيه خليها حق المطبخ وتنظيف البيت انا جذيه موزع الشغل بس فلبينيه واندونيسيه ومريحه بالي وماشين تمام كل وحده عارفه شغلها واذا كان عندي ازمه وظيوف كلهم يساعدون بعض

 

[شقاوتي غير]

نصيحه للجميع اذا تبون تعيشون بدون عوار راس لاتحطوون خدامتين نفس الجنسيه

علشان جذي نصيحه بيعي وحده من الفلبينيات الي عندج والسيلانيه خليها للمطيخ اما الفلبينيه لليهال والكوي والغسيل