*)(*خدامتج : شنو جنسيتها ؟؟ وليـــــــــــــش ؟؟*)(*

[xxx]

السلام عليكم ورحمة الله وبركاته

شلونكم

حبيت اعرف كل وحده عندها خدامه

تقولنا شنو جنسيتها وليش اختارت هالجنسيه ؟؟؟


والي عندها خدامتين ابيها تفيديني

ثنتينهم نفس الجنسيه ؟؟

ولا كل وحده تختلف عن الثانيه ؟؟

وايهو الاحســـن برايكم ؟؟

 

[توتو الحلوة]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

انا ببدي اول وحده خدامتي اندونيسية وانا مااخترتها<<<<<باطه جبدي ودي اكفخها

اخذتها مسترجعه وظروفي اجرتني اخذها مطرة ماانصح اي وحده تطلب اندونيسيه

اذا تبين خدامتين بالبيت افضل من نفس الجنسيه بس لا يكون يصيرون حق بعض ولا يعرفون بعض

 

[^SwEeTa^]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

انا خدامتي هنديه .. لأن الهنود احن على اليهال من غيرهم

و الحين مطرشه على وحده تصير لها عشان تشتغل عندي وياها

ما انصح انهم يكونون من جنسية مختلفه .. لأنهم ما راح تكون قلوبهم على بعض

انا جربت حطيت فلبينيه مع الهنديه .. قاموا كل وحده تبي تطلع الزينه جدامي تروح تفتن عن الثانيه

و يغارون من بعض وايد

قلت اييب لي وحده من نفس ديرتها و من جماعتها احسن

 

[xxx]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

توتو الحلوة

ياشين الاندونيسيات ما اواطنهم مو شي حق السحر والبلاوي
الله يعينج عليهااااااا


سويتا

ودي اييب من نفس الديره
بس وايد ناس يقولون يتعاونون علي

 

[Dancing^Queen]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

انا ثنتين هنود
اول كانت عندي هنديه وسيلانيه سياسه فرق تسد جان تيي علي راسي وتاليتها خذيت من نفس المكان وارتحت
وليش هنود؟


زينين لليهال

 

[السفيرة عزيزة]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

شوفي بنوته
انا عندي ثنتين
مو نفس الجنسيه
لان اللي عند امي نفس الجنسيه احس انهم يتعاونون مع بعض
مو بالشغل طبعا

انزين
وحدة هنديه
علشان الهنود طباخهم احلى
و الثانيه اندونيسيه
علشان باردين و هاديين حق اليهال


هذا اللي عندي و اذا في استفسار انا حاضرة

 

[xxx]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

مشكورررررررين كوين وعزيزة على المشاركه

بانتظار باجي البنات

 

[بنت العز]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

انا خدامتي اندونيسيه طبعا لقيتها مسترجعه و اخذتها جربتها شهرين و سافرت خليتها عند امي .. والله شحليلها هاااديه و ماينسمع صوتها و اهم شي اتحب ولدي وشغلها نظيف و مرتب و اللي امريحني ان اهلي اصلا عندهم اندونيسيه و مسلمه طبعااا و شوي دينه .. و هم اختي خدامتها اندونيسيه بس من اروع مايكووووووووون .. الحلو فيهم انهم دينين .. يعني يقرون قران و يصلون بوقتها و دايما يذكرون ربهم .. بس لااااازم يكون عندهم شويه برووووووووووود بس مع الوقت يتسنعوون ...

 

[mooolaaa]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

انه اللي عندي اندنوسية صج باطة جبدي وفاقعه مرارتي بس الحمدلله بعد باشا على غيرها بس لما تخلص ما افكر اجيب اندنوسية ما انصح بالاندنوسيات السيلانيات او الهنود احسن

 

[xxx]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

بنت العز

ترى الاندونيسيات صج يصلون ويقرون قران

بس عندهم السحر والرياييل حلال

سمعي هالسالفه

حماة خالتي بالسعوديه خدامتها اندونيسيه من اروع مايمكن

من ناحية الشغل والديانه تقول نص الليل تقوم تصلي وتقرأ قرآن

وشايله البيت كله على راسها

تقول الجيران بدو يتكلمون قالو حق ريلها ترى في وحده كل يوم تطلع من بيتكم متغطيه(لابسه نقاب وعباة)

مسكين شك بمرته

قرر يراقب

يوم صار نص الليل شاف وحده طالعه من البيت ولابسة عباة ونقاب

يوم مسكها ولا منو ؟

الخدامه

تلبس مثل راعية البيت علشان محد يجكها ومادري وين تطس

 

[بنت العز]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

بنت الكويت اهو عموما الخدم كلهم مالهم امان و مو بس الاندونيسيات اللي يسوون هالسوالف!!

لا كل الاجناس و لو تشوفين كل جنسيه تلقين فيها عيب تحتارين لا بغيتي اتنقين!!

فالوحده ماعليها الا انها تتوكل على ربها و اذا من ناحبه السحر .. الواحد ماعليه غير ان يحصن نفسه بالدعاء .. بعد شنسوي محتاجيلهم غصبن علينا .. و اهم شي اني اعامل الخادمه عدل و ماقصر وياها بشي و انشالله مافيه اي ضرر .. اما اذا بنقعد نصارخ و نكفخ و نكمش !! شيي طبيعي ان ماطلعو حرتهم فيييج طلعوها بعيالج ..

 

[@ الرسامة @]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

اللي عندي انا اندونيسية مسترجعة



اهي حنونة على ولدي بس باطة جبدي تمشي وتخمط خامة البيت كله

 

[Maltesers]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

انه خدامتي فلبينية .. تصير حق خدامة أمي .. يبتها من فترة عشان تتعلم عربي وتتعلم الشغل قبل لا أولد وأتوهق .. بصراحة الفلبينيات نظاف وايد يعني ارتاح لها من ناحية النظافة .. بس ماعندهم طولت بال عاليهال بس اشوه طلعت حنونه عاليهال خدامتي لأنها بنيه صغيرة مو متزوجة وتحب اليهال

 

[xxx]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

صاجه بنت العز

وترى الخدم حــــظ

انا خالتي طول عمرها تييب هنود ولا سيلانيات
حماتها مدحت لها الاندونيسيات
مسكينه كل ماتطلب ماتتوفق


الرسامه

الله يعينج ياشين اللقافه


ام علاوي

زين تسوين طلبتيها قبل الولاده
وان شاءالله تصير حنونه على ولدج

 

[رفرف]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

انا خدامتي سيلانية مسلمة ...

ليش ؟

لأن السيلانيات حنونين على اليهال ...
الصراحة ماحب الفلبينيات ولا الاندونيسيات ...

يا اما سيلانية او هندية او بنغلاديشية ....

 

[**فلونه**]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

حاليا عندي فلبينيات ...........ثنتين نفس الجنسيه زين ومو زين اذا زفيتي وحده الثانيه تبجي عليها اكون بنت ديرتها ........والاولى اقل كلمه اكلمها تعصب ماتبيني اكلمها جدام اليديده ........والله احترت مع الخدم


جربت الاندونيسيات ..........دلع بحياتي ماشفت مثلهم .......ومايهمهم اقل كلمه ودي مكتب


السلانيه ............اتوت على الشارع ..........وماعجبتني بالمره مو نظيفه مع الياهل ......وكانت مسلمه ...................بس اهل ريلي على طول ايبون سلانيات بس مسيحيات زينين وايد معاهم ومايتدلعون نفس اللي عندي


وعلى فكره موشرط الفلبينيه انظف ..........يعني على اللي اتعلمينها ..........والفلبينيات وايد شايفين روحهم ..........بس شسوي اتحملهم عشان عيالي و هم مع اليهال اوكي وايد نظاف حق اليهال بس شغل البيت انظفون اوكي بس مو 100% يعني لازم تفترين على راسهم .

 

[xxx]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

رفرف

وانتي الصاجه السيلانيات وايد يحبون اليهال

بس لازم تعرفين المناطق الزينه



فلونه

انتي الظاهر السيلانيه الي يبتيها من القرى مو شي

 

[Naa7Laa]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

الحمدلله انا عندي سيلانيه تهبل حنونه على وليدي وتحبه اكثر مني

ولا واذا كنت تعبانه او مريضه تهتم فيني اكثر من ريلي

مرتاحه منها وايد واهي نكته ودمها خفيف

 

[رفرف]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

اي والله بنوتة من هالناحية خدامتي تمووووت على بنتي حتى اذا استمرضت تبجي عليها بجي وماتنام ...

بس النظافة مو زود وانا ادري ومتحمله لأني يايبتها بالاصل علشان تمسك بنتي لي داومت والحمدلله أقدر أأمن بنتي عندها ...

 

[جوريه]

رد : *)(*خدامتج : شنو جنسيتها ؟؟ وليـــــــــــــش ؟؟*)(*

والله انا فلبينيتي موجوده عندي من قبل لا اييب عيالي عمري ماشفت خدامه من خدم اهلي مثل نظافتهااااا حتى بعيالي 24 ساعه تبدل لهم وتغسل لهم وتمشط شعورهم وتعطرهم حتى عيالي معروفين بالتزقت من خدامتي
ومباريتهم اكثر مني حريصه على اكلهم وشربهم ويسمعون كلامها تعرف تقنعهم بالاكل وتصبر عليهم لو انا جان ازفهم مالي مقاقه