{{ خخلطه آو زيت يطول آلشعر}}

[عُجآج !]

استخدمت باراشوت شامله ..

آلصرآآآحة طول شعري ..

مثلي مثلك نفس السالفة في الصالون ..

ونفس التحطيم ..

بس آستعملي بآرآشوت وآدعي لي ..

 

[ام سعود ديكسون]

حبي نفس معاناتج ما فادني
الا الخلطة العجيبة من مصنع الكريشان تنباع بالحواي
و زيت حيادر تبيعه وحاطة مقاديره بالمنتدي حق اللي تحب تخلطه بالبيت
و دابر أملا للشعر المصبوغ >>> ما قدرت استخدم الاصلي

و بس يطول سويه كاريه ناعم مع بفة من ورأ و قذلة ناعمة راح تطلعين أنوثة
وادعي لنا بالصحة والعافية والستر

 

[روح طفلـه]

آلحوآي محل ولا شنو !!

-
آلله يوفق كل من رد ^^ ,
بجد مَ قصصرتو

 

[ام سعود ديكسون]

حبيبتي العفو
الحواي = الحواج او اللي يبيع أعشاب بلهجتنا الكويتية
لانه ينباع بالجمعيات بس احس ان اللي ينباع عند الحواويج اهو الاصلي

 

[Fajory]

يمديه يطول شوي بس ملحوظ اذا استخدمتي شغلتين اهما التوووب لتطويل الشعر وانا جربتهم ..

اول شغله عشبه الاس او ( الياس) تاخذينها من الحواي ( العطار ) تحطين مقدار ملعقتين مع كوب ماي عالنار بس تبدي تغلي طفي النار وخليها تبرد وصفي الماي وحطيه بعلبه بخاخ وكل يوم بليل بخي عالجذور ودلكي الفروه وبعدين بخي على كل الشعر لانه يطول وينعم الشعر. انا استعملته يوميا وخلال شهر او اقل لاحظت الطول .

ثاني شغله امبولات اكرينال الحلو فيهم ان تستخدمينهم مرتين او ثلاث بالاسبوع مو ذاكره بالضبط بس شوفي الصيدلاني شيقول انا استخدمتهم مع بخاخ للفروه و فعلا هالامبولات والبخاخ يطول الشعر يطول الشعر.

اختاري من هالاثنين او اذا تحبين تستعملين الاس مع امبولات اكرينال من غير بخاخ اكرينال

بالتوفيق