خبييرات اوروبا دشوواااا:)

[sarooona]

مرحباااااااااااا بناااااااااات
ابي خبيرات اوروبا يتفضلووون ويعطوونه شوي من خبرتهم
انشالله ناويه اروح ويا ريلي بالصيف اوروبا للحين ماحددت الدول الي بنروحلهم ام دوله او ثنتين المهم بنقعد فيها حوالي الاسبوعين تقريبا جم تكاليف السفره من (تذاكر واقامه ومصروف وتسوق)

 

[اشراقة الحياة]

حبيتي على حسب الديره ........
بس مده روحتكم وايد مناسبه ...
يعني تقريبا .......
تذكره وسكن.... حق دولتين..... وفنادق من 4 الى 5 نجوم 1200-1400
والمصرف والسياره ....والسوق ...يختلف من واحد الى واحد ....بس اكيد مو اقل من 2000
واليورو ترى مرتفع .....بعد

 

[كويتيه ذربه]

انصحج تروحين مع قروب وهناك تقدرين تطلعين بروحج اذا ماتحبين ترتبطين باحد اوطلبي سفريات يسويلج باكج كامل والتوتال تقريبا 3000 وانتي صاعده من سفره ورحلات وتسوق
انا دايما اروح مع عيالي 2 وريلي تقريبا نصرف 4000 اوكثر لاني انسى نفسي بالسوق لو بيدي اخم كل السوق

 

[sarooona]

مشكوورين انا انشالله ناويه اخذ معاي بين 3 الى 4 الالف مابيها تقصر علي الفلوس ابي استمتع وناويه انشالله اروح ايطاليا وفرنسا والمانيا تقريبا مده السفره اسبوعين

 

[روحي تحب]

مشكوورين انا انشالله ناويه اخذ معاي بين 3 الى 4 الالف مابيها تقصر علي الفلوس ابي استمتع وناويه انشالله اروح ايطاليا وفرنسا والمانيا تقريبا مده السفره اسبوعين

شوفي حبيبتي لازم تاخذين فكره عدل عن هالدول يعني عندج ايطاليا اغلى فنادق في اوربا وطريقه التنقل شلون تبينها بالقطار ولا بالسياره ووين بكل دوله حددي خلينا نساعدج مثلا ايطاليا روما ولا ميلانو ولافنيسيا والمانيا وين مثلا ميونخ ولافرانكفورت ولادزردوف وبفرنسا فباريس ولا ليون ولاكان او نيس شوفي اللي يناسبج وانشاء الله مايقصر عليج شئ

 

[sarooona]

ميلانو وميونخ او فرانكفورت وباريس :")

 

[توتة الحلوة]

فرانكفورت ترى ما فيها وناسة ... انا رحت آخر سفرة ألمانيا برلين وهامبورج وميونيخ وقبل جم سنة رحت ميونيخ وفرانكفورت وكولون ودزلدوف وكنا نتنقل بينهم بالقطار حتى بين كل ديرة ناخذ القطار...و تصدقين عاد .. المدن الرئيسية لأن فيها إزدحام وناس وعرب تلقين السوق عفسة وخصوصا بميونيخ وعلى طاري ألمانيا ترى أنا حبيت سوقهم حيل وإذا تبين أساميهم حاضرين ......بس ما أدري ما أحب إيطاليا ترى جوها حار مقارنة بالباجي وبحرية أكثر ..
شوفي اختاري دول جريبة من بعض وكل وحدة تقريبا خمس أيام فيها وقدري مصروفج اليومي جم يطلع علسان لا تتوهقين هناك يعني حسبتج لازم تكون جذي:
1- التذاكر : مجموع البالغين والأطفال ---> حاولي تاخذين طيران مناسب سعره .. أنا رحت بالقطرية .
2- الفنادق : بالغرفة الوحدة طفلين موأكثر ترى مايرضون ---> هم اخذي سعر مناسب لا تبالغين ترى أهم شي الفندق نظيف ومرتب وموقعه زين .
3- المصروف اليومي : طبعا غير المشتريات .. يعني أكلكم ومصروف التنقل .. طبعا إحنا كنا نطبخ خشيشي بالفندق كنا نسوي شغلات خفيفة معكونة ..شوربة .. بيض مقلي ..مموش ( أدري تفاجأتي) .. خو شنسوي معانا يهال ويموتون عالعيوش طبعا هذي وجبة وحدة نسويها لمن نرجع الفندق بس لمن نطلع ناكل غدا والعشا بالفندق خو نهارهم شطوله والبرد إيوع.
4- وسيلة التنقل : سواء داخل المدينة أو بين منطقة ومنطقة ----> الأفضل إذا في قطار أو ترام أو باصات تاخذون تذكار يومية أو بكج أسبوعي أوفر لكم من التكسي لأن بيكلفكم وايد .....والتنقل بين المدن إحنا كنا نحجز بالقطار السريع قبل طلعتنا من المنطقة بيومين ونروح محطة القطار قبل ساعتين تقريبا علشان نشوف مكان القطار بأي لاين وننطر .
5- التسوق : كيفج اللي تبينه اشتريه بس حسبي حساب الوزن وإذا تاخذين فواتيرج وتسوين التاكس فري وقبل طلعتج من كل ديرة تاخذينهم من المطار أو محطة القطار الرئيسية إذ كنتي بتاخذين قطار مو طيارة .. ترى يطلع لج مبلغ حلو ... أنا اللي خذيته من التاكس فري دفعته حق الوزن .
6- المعلومات: وهي الأهم والمفروض تكون أول شي ... لا تروحين منطقة وتحجزين الفنادق وتذاكرج قبل ما تاخذين معلومات عنها ..يعني فيها سياحة ولا لأ ..كتبي الأماكن .. مدن ألعاب.حدايق .متاحف ، علشان تسوين لج برنامج يومي بكل مدينة تقعدين فيها.
بس أدري دوختج بس هذي معلومات لازم تعرفينهم قبل السفرة

 

[sarooona]

بالعكس حبيبتي ولله كفيتي ووفيتي يا بعد عمري انا ناويه مثل ماقلتلي اقعد بكل ديره 5 ايام تقريبا بقسمها على اسبوعين انشالله
وبليز لا تقصرين باسم الاسواق واحلى الاماكن وشنو الدول الي رحتيلهم بالقطاريكونون قراب وحلوين
وتكلفه السفره مثل ماقلتي من تذاكر وفنادق ومصروف يومي ووسيله التنقل والتسوق والميزانيه اهم شي يعني تكلفه كل السفره جم اخذ معاي
وبرايج القطريه احسن طيران دايركت ولا ترانزيت ولا في احسن يعني ؟
بنسبه حق الفنادق والاماكن السياحيه اذا ممكن تقيديني لاني مااعرف شي
طبعا انشالله بروح المانيا وفرنسا وجني بهون عن ايطاليا
ادري اسألتي وايد بس تحمليني

 

[توتة الحلوة]

انا ما رحت فرنسا بس ممكن أساعدج ..
إنتي طبعا إذا عندج ميزانية ممكن تروحين دايركت مو ترانزيت ، والقطرية انا ما أشوف عليها شي والكل يمدحها بس ترى تطب بالدوحة شوي ، بس عادي.
شوفي أنا أعطيج الأسعار التقريبية لأني ماأذكر عدل لأن الحسبة عند ريلي أنا يقوللي عطيني الفلوس وهو يكمل عليهم من عنده ويحجز كل شي
التذكرة عالقطرية تقريبا 240 للشخص البالغ ..بس أتأكد لج من السعر بالضبط
الفنادق : أنا ما أحب آخذ شي غالي لأني أطول بالسفرة وعندي ميزانية محددة ...تقريبا 40 دينار لليلة فحسبي ( السعر * عدد الليالي ) لو فرضنا 5 ليالي بكل فندق 5*40 = 250 دينار.
المصورف اليومي : بحدود 30 دينار يومي .....30*5= 150 وزيدي عليهم إذا بتروحون متحف ولا ملاهي بس هم لازم تعرفين سعرهم من قبل ما تروحين ..راح أعطيج موقع تطلعين كل مدن ألعاب وحدايق أوربا تقدرين تدشين وتعرفين عنوانهم وأسعار تذاكرهم
http://www.infoparks.com/flashan/index.htm
وسيلة التنقل: ممكن تأجرين سيارة إذا تحبين بس أنا كنت أتنقل بالقطارات داخل المدينة وتلقين التذاكر في أي محطة تنزلين فيها في تذاكر عائلية ولمدة جم يوم هذي توفر عليج بعد .
... ونطريني أكمل الباجي بعدين

 

[sarooona]

هلا حبيبتي ولله ما تقصرين وايد قاعده تفيديني
ولله هم انا نفسج مايهمني اذا خمس نجوم او 4 اهم شي ان يكون مرتب ونظيف فتقريبا زين 10 ايام يطلع علي 500 دينار
والمصروف الي هو اكل وجذي حق 10 ايام 300 وسيله التنقل قولي 1000
واايد زين ومع التذاكر قولي 500 +1000 = 1500
واذا بنقعد 15 يوم زياده تتطلع علينا زياده 500 من سكن ومصروف زين ولله
يعني 2000
وباقي 2000 هذا برووووحه حق السوووووووق )))

 

[sarooona]

....

 

[3e6er alwrd]

هلا سارونه انا توني امجيكه التذلكر على القطرية حق ميونخ الكبار ب 260 والصغار ب 206 والفنادق حطي لج باليوم يطلع تقريبا بحدود 40 او 45 يعني بحدود 1400 تذاكر وفندق وقولي 50 دينار مصروفي يومي يعني تقريبا الف و الف حق السوق يعني يبيلج من 3000 الى 3500

 

[^noonaa^]

ماشاءالله البنات كفوو و وفوو

 

[sarooona]

هلا سارونه انا توني امجيكه التذلكر على القطرية حق ميونخ الكبار ب 260 والصغار ب 206 والفنادق حطي لج باليوم يطلع تقريبا بحدود 40 او 45 يعني بحدود 1400 تذاكر وفندق وقولي 50 دينار مصروفي يومي يعني تقريبا الف و الف حق السوق يعني يبيلج من 3000 الى 3500

مشكوره حبيبتي ماقصرتي بس هذا اذا بس بقعد بميونخ صح
يعني بدون لا اتنقل حق دوله ثانيه او دوليتين؟
وموجنه مصروف يومي 50 دينار واايد الي هو راح نقسمه بس على ا(لاكل ووسيله التنقل)؟
طبعا السووووق غيييير ابي مصرف السوووق برووووووووحه عشان اتسوق عدل

 

[sarooona]

.........

 

[توتة الحلوة]

أنا بعد أقول 50 وايد على المصروف يعني أكيد بتاكلين وجبات سريعة بيتزا ،آيس كريم، شبس،.... ما راح يطلع لج وايد إذا كنتو نفرين وحتى لو معاج يهال ، بس أنا كنت آخذ كرت البنك معاي إحتياط إذا احتجنا كنا نسحب عادي من هناك، حتى خط تلفون ناخذ من هناك مؤقت نستخدمه ، أهم شي إخذي معلومات كافية عن كل شي (موقع الفندق بالخريطة، أماكن الترفيه،السوق، محطات القطارأخذو خريطتها من أي محطة علشان لا تضيعون+ التذاكر علشان لايخالفونكم بالقطار ، حتى إذا في جمعية جريبة منكم علشان إذا احتجتو شي تعرفون وين تروحون، والأهم الأهم غرشة الدقوس الفلفل ...... موتنسينه.

 

[omjasim]

الماكدونالد اذا خذيت اربع وجبات يطلع حول سبع دنانير ؟؟؟؟؟؟؟؟؟؟ اشفيكم عبالكم الكويت رخيصه احنا بنعمه ياجماعه ترى نار هناك

 

[sarooona]

مشكوورين حبايبي ماقصرتوووا
صج مطاعمهم غاليه بس الاهم سوقهم ارخص من هنيي واحلى بوايد وهذا المهم